Page Text
________________
संतकम्मपंजिया
जटिदिउदीरणा विसेसाहिया। पृ० १४८.
आवलियमेत्तेण । पुणो सूचिदपयडीणं असामण्णट्ठिदीए सहिदाणमप्पाबहुगं उच्चदे-- उस्सासस्स जहण्ण ट्ठिदिउदीरणा संखेज्जगुणा। कुदो? सजोगिचरिमसमयादो हेट्ठा संखेज्जट्ठिदिखंडयमेतद्धाणं उदीरणं णद्वत्तादो। जटिदिउदीरणा विसेसाहिया । पुणो वि सूचिदसुस्सरदुस्सराणं जहण्णट्ठिदिउदीरणा संखेज्जगुणा । कुदो? तत्तो हेट्ठा पुव्वं व झोदरिदस्स उदीरणं णद्वत्तादो। जट्टि दिउदी० विसेसाहिया ।
वेगुम्वियसरीरस्स जहण्णढिदिउदीरणा असंखेज्जगुणा । पृ० १४८.
कुदो? पल्लासंखेज्जदिभागूणसागरोवम-बे-सत्तभागमेत्तमेइंदियाणं सेसपयडिबंधट्ठिदिसमाणाणमुव्वेल्लणट्ठिदिगहिदत्तादो।
जढिदिउदी० विसेसाहिया । अजसगित्तीए जहण्णढिदि० विसेसाहिया ।
कुदो ? अणुव्वेल्लिज्जमाणपयडित्तादो। पुणो एदेण सूचिदभगाणादेज्जपयडीणं अजसगित्तीए समाणप्पाबहुगं होदि त्ति वत्तव्वं ।।
जट्ठिदिउदो० विसेसाहिया । तिरिक्खगदीए जहण्णट्ठिदि० विसेसाहिया ।
कुदो ? हदसमुप्पत्तिए कदे तेउ-वाउकाइयपच्छायदसण्णिपंचिदिएण मणुसगदिबंधेण मणुसगदिबंधंगालिऊण ट्ठिदितिरिक्खगदिस्स जहण्णट्ठिदीदो तत्थतणजसगित्तिबंधगद्धं पुश्विल्लबंधगद्धादो बहुगं गालिऊण ट्ठिदिबंधगद्धादो अजसगित्तीए जहण्णट्ठिदीए पमाणं थोवत्तादो।
जद्विदिउदी० विसेसाहिया। पुणो णीचागोदजहण्णढिदिउदी० विसेसाहिया। कुदो? मणुसगदिबंधगद्धादो उच्चागोदबंधगध्दाए थोवाए गालिऊण छिदत्तादो । जढिदिउदी० विसेसाहिया। पृ० १४८.
पुणो एत्थ सूचिदपयडीओ उच्चदे। तं जहा- थावर-सुहुम-साधारणसरीराणं जहण्णिया ट्ठिदिउदीरणा विसेसाहिया। कुदो ? थावरकाइयेसु चेव गालिदपडिवक्खबंधगध्दादो । जट्ठिदिउदी० विसेसाहिया। अपज्जत्तद्विदिउदीरणा विसेसाहिया । कुदो ? सुठ्ठ अप्पसत्थत्तादो। जट्ठिदिउदी० विसेसाहिया । पुणो तिरिक्खगदिपाओग्गाणुपुवीए जहणिया ट्ठिदिउदी० विसेसाहिया । कुदो ? अगालिदबंधगध्दादो। जट्ठिदिउदी० विसेसाहिया । मणु - सगदिपाओग्गाणुपुवीए जहणिया ट्ठिदिउदीरणा विसेसाहिया। कुदो ? पसत्थपयडित्तादो। जट्ठिदिउदीरणा विसेसाहिया।
सादस्स जहण्णद्विदिउदोरणा विसेसाहिया। पृ० १४८.
कुदो ? हदसमुप्पत्तीएणुप्पण्णसागरोवम-ति-सत्तमभागपमाणस्स किंचूणस्स गालियसण्णीणमसादबंधगध्दादो।
जट्ठिदिउदीरणा विसेसाहिया। असादस्स जहण्णढिदिउदीरणा विसेसाहिया। कुदो ? हदसमुप्पत्तियट्ठिदिम्मि गालिदसण्णिसादबंधगध्दत्तादो ।
जदिदिउदीरणा विसेसाहिया । पुणो पंचण्णं दंसणावरणाणं जहण्णदिदिउदीरणा विसेसाहिया। पृ० १४८.
कुदो? अगालिदट्ठिदिबंधगध्दत्तादो। कधं णिद्दा-पयलाणं पयडिसामित्तेण णाणावरणेण समाणाणं थीणगिध्दीए सह जहण्ण ट्ठिदिउदीरणप्पाबहुगं उत्तं ? ण, णिद्दा-पयलाणं उदीरणम्मि
Jain Education International
For Private & Personal Use Only
www.jainelibrary.org
| SR No. | 001814 |
| Book Title | Shatkhandagama Pustak 15 |
| Original Sutra Author | Bhutbali |
| Author | Hiralal Jain, Fulchandra Jain Shastri, Balchandra Shastri |
| Publisher | Jain Sanskruti Samrakshak Sangh Solapur |
| Publication Year | 1994 |
| Total Pages | 488 |
| Language | Prakrit, Hindi, Sanskrit |
| Classification | Book_Devnagari, Agam, Canon, & Karma |
| File Size | 12 MB |