Page Text
________________
३२ )
परिशिष्ट भागो इदि उत्तं । तं किमळं ? उच्चदे-तेउ-वाउकाइएसु हदसमुप्पत्तियं काऊण वेगुब्वियसरीरस्स जहण्णट्ठिदि करिय विगुब्वणमुट्ठविय चिरकालेण मूलसरीरं पविस्संतचरिमसमए जहण्णटिठदिउदीरणं होदि । पुणो ते असण्णिपंचिदिएसुष्पज्जिय वेगुब्वियसरीरं बंधिय पुणो वि तेउ-वाउकायिएसुप्पज्जिय हदसमुप्पत्तियं करेंतस्स तेत्तियमेत्तरकालुवलंभादो । पुणो एदेण जाणिज्जदि ओरालियसरीर (रं) विगुब्बणप्पयं ण होदि त्ति।
(पृ० १३९. ) पुणो णाणाजीवभंगविचयाणुगमो दुविहो उक्कस्सए जहण्णए चेदि । ते (तं) दुविहं पि सुगमं ।
(पृ० १४१. ) णाणाजीवकालंतराणुगमं पि सुगमं । संणिकासं पि सुगमं ।
( पृ० १४७. ) उक्कस्सट्ठिदिउदीरणप्पाबहुगं पि सुगमं ।
( पृ० १४८. ) पुणो जहण्णढिदिउदीरणप्पाबहुगं उच्चदे । तं जहा- तत्थ ताव जहण्णढिदिउदीरणप्पाबहुगावगमणठें परावत्त . . . . . . . मायपयडीणं बंधगद्धाप्पाबहुगं उच्चदे- जहण्ण बंधगद्धा देवगदिआदिसत्तरसण्णं पयडीणं थोवं । २ ।। आउचउक्काणं संखेज्जगुणं । ४ ।। आउआणं चेव उक्कस्स संखेज्जगुणं । ८ ।। देवगदि संखेज्जगुणं । १६ ।। उच्चागोदं संखेज्जगण । ३२ । । मणुसगदीए संखेज्जगुणं । ६४ ।। पुरिसवेदे संखेज्जगुणं । १२८ । । इत्थिवेदे संखेज्जगुणं । २५६ । । साद-हस्स-रदि-जसकित्ति संखेज्जगुणं । ५१२ ।। तिरिक्खगदि संखेज्जगुणं । १०२४ । । णिरयगदि संखेज्जगुणं । २९९२ ।। असादावेदणीय-सोग-अरदि-अजसकित्ति विसेसाहिया ।। ३५८४ ।। णउंसकवेदे विसेसाहिया । ३७१२ । । णीचागोदे विसेसाहिया। ४०६४ ।। परावत्तमाणपयडिबंधसमासो एसो । ४०९६ ।। पुंवेदबंधगद्धा ५ )। इत्थिवेदबंधगद्धा ।। णउसकवेदबंधगद्धा १० । भोगभूमीसु पुंवेदबंधगद्धा । इत्थिवेदबंधगद्धा. " । अथवा पुरिसवेदबंधगद्धा ४ । इत्थिवेदबंधगद्धा १० । हस्स-रदिबंधगद्धा ३ । अरदि-सोगबंध० ११ । तसबंधगद्धा १४ । थावरबंधगद्धा ५६ । एवं बंधगद्धाप्पाबहुगं जहाजोग्गं जोजिय पयदजहण्णट्ठिदिअप्पाबहुगं उच्चदे । तं जहा
_पंचणाणावरण-चउदंसणावरण-सम्मत्त-मिच्छत्त-चदुसंजलण-तिण्णिवेद-चत्तारिआउगं पंचंतराइयाणं जहण्णट्ठिदिउदीरणा त्थोवा । पृ० १४८.
कुदो ? एगट्ठिदित्तदो।। जहण्णढिदिउदीरणा असंखेज्जगुणा । पृ० १४८. कुदो ? समयाधियावलियपमाणत्तादो ।
मणुसगइ-ओरालिय-तेजा-कम्मइयसरीर-जसगित्ति-उच्चागोदाणं जहण्णदिदिउदीरणा संखेज्जगुणा । पृ० १४८.
कुदो ? संखेज्जावलियपमाणत्तादो । पुणो एदेहिं सूचिदपयडीणं समाणासमाण ट्ठिदीण मज्झे ताव समाणट्ठिदिपयडीओ उच्चदे । तं जहा-पंचिदिय-ओरालिय-तेजा-कम्मइयसरीरबंधणसंघादाणं छस्संठाणाणं ओरालियंगोवंग-बज्जरिसहसहड (संहडण-)वण्ण-गंध-रस-फास-अगुरुअलग-उवघाद-परघाद-दोविहायगदि-तस-बादर-पज्जत्त-पत्तेयसरीर-थिराथिर-सुहासुह-सुभगादेज्जणिमिण-तित्थयरमिदि एदेसि पणतीससंखा एक्कावण्णं वा पयडीओ होति । एदेसिमप्पाबहुगं पुव्विल्लेहि सह वत्तव्वं ।।
Jain Education International
For Private & Personal Use Only
www.jainelibrary.org
| SR No. | 001814 |
| Book Title | Shatkhandagama Pustak 15 |
| Original Sutra Author | Bhutbali |
| Author | Hiralal Jain, Fulchandra Jain Shastri, Balchandra Shastri |
| Publisher | Jain Sanskruti Samrakshak Sangh Solapur |
| Publication Year | 1994 |
| Total Pages | 488 |
| Language | Prakrit, Hindi, Sanskrit |
| Classification | Book_Devnagari, Agam, Canon, & Karma |
| File Size | 12 MB |