Page Text
________________
परिशिष्ट
कीरमाणेसुजं तत्थाणियट्टिकरणाणि बंदण ( ? ) ठिदिबंधेसु अंतोमुत्तमेत्तकसायोदयट्ठाणाणि होति । गवरि जत्थ संखेज्जभागहीणं-संखे० गुणहीण-असंखेज्जगुणहीणेसु णियमेण ठदिबंधोसरणेण ठिदिबंधेसु जादेसु तत्थ तेसिमंतरालणिसेयाणं वत्ति (त्त) ठिदिबंधाणं (बंधा ण)संति । किंतु अण्णठिदिबंधेहि सह अव्वत्तठिदिबंधत्तणेण । तेसिं कारणभूदकसायोदयट्ठाणाणि पुव्वुप्पाइदट्ठाणेसु उप्पण्णाणि संति, किंतु तेसि वत्तिसरूवोदया ण सति । अण्णकसायोदयभंतरेसु पवेसिय उदयं देंति त्ति । णवरि असंखेज्जगुणहीणठिदिबंधोसरणमणियट्टिम्मि चेव संभवदि । पुणो एवमुप्पण्णकसायोदयट्ठाणेसु उक्कस्सठिदिबंधहेदुभूदाणि कसायोदयट्ठाणाणि सहायसव्वपेक्खाणि असंखेज्जलोगमेत्ताणि होति ।
जदि एवं (तो) तेहि उक्कस्सठिदिम्मि बज्झमाणम्मि तत्थ बद्धसमयपबद्धपरमाणूणं सव्वेसिमुक्कस्सट्ठिदिबंधसंभवे संते कथं तस्स समयपबद्धस्सब्भंतरपरमाणूणं समयूणादिट्ठिदिबंधाणं संभवो? ण एस दोसो। कथं? उक्कस्सकसायोदयस्स आदिवग्गणआदिप(फ)द्दयप्पहुडिं असंखेज्जलोगमेत्तकसायोदयट्ठाणाणं अभिण्णसरूवेण एगपंतीए रचणा कायया जा उक्कस्सप(फोदय उक्कस्सवग्गणे त्ति । एदाणि सव्वाणि एक्कसमये ण उदयं करेंति । पुणो तत्थ उक्कस्सवग्गणप्पहुडि हेट्ठिमाणं असंखेज्जलोगमेत्तकसायोदयट्ठाणाणं वग्गणेहि उक्कस्सट्ठिदि बंधदि । तत्तो हेट्ठिमाणं असंखेज्जलोगमेत्तकसायोदयट्ठाणाणं वग्गणेहि समऊणहिदि बंधदि । एवं हेट्ठा वि जाणियूण कसायोदयट्ठाणाणि वत्तव्वाणि जाव सगसमयाहियाबाहा त्ति । पुणो एवं समयूण-दुसमयूणादिट्ठिदीयो अवलंबिय णेदव्वं जाव सवेदिचरिमसमयकसायोदयो त्ति । एवं बंधे समयाधिकआबाहापज्जवसाणसव्व ट्ठिदीयो वि उप्पण्णाओ होति ।
पुणो तत्थ हेट्ठिमट्ठिदीयो किण्ण बझंति? ण, अपुव्वप[फयवग्गणकिट्टिसरूवेण णोकसायोदयविरहिदकसायोदयेण च उप्पण्ण(ज्ज) माणकज्जाणं मिच्छत्त-णोकसायोदयसहिदतिव्वकसायोदएण संभवाभावादो। तेसिं संभवाभावे कथं आबाहखंडयेणूण उक्कस्सट्ठिदिबंधपहुडि हेट्ठिमद्विदिबंधट्ठाणाणं उक्कस्सबाधप्पहुडि समयूणादिकमेण जावंतोमुहुत्तमेत्ताओ ठिदीयो त्ति पढमणिसेयाणमुवलंभणियमो? तेसिं ठिदीणमुप्पत्तीए णियमस्स अण्णं कारणमस्थि । तं कथं ? उक्कस्सादिद्विदिट्ठाणेसु पत्तेयं पत्तेयं असंखेज्जलोगमेतभिण्णमभिण्णसरूवकसायोदयट्ठाणाणि संति । तेसि ठिदि पडिट्ठिदिं पडि ट्ठिदाणं पुह पुह अणुक्कड्डि ( कट्ठि अद्धाणमेत्तखंडगदाणं विसेसाहियकमेण गदाणं तत्तु (त्थु) क्कस्सखंडं मोत्तूण सेसखंडेहि समयूणुक्कस्सटिदिप्पहुडि समऊणाबाहाखंडयेणूणुक्कस्सट्ठिदि त्ति एगेगखंडपरिहीणेहि बज्झमाणट्ठिदीयो होति ।
एदेहि चेव उवरिमुवरिमट्टिदीयो किमळं ण बज्जति समाणट्ठिदिबंध कारणेसु सव्वेसु संतेसु ? ण एस दोसो । एत्थ तस्स कारणं उच्चदे- मिच्छत्ततिव्वोदएण अदीवमण्णाणसरूवणोइंदिय-पंचिंदियणाणासहाएण उक्कस्सखंडप्पहुडि सव्वांडे हि उक्स्सट्ठिदि बंधदि । पुणो उक्कस्सखंडं मोत्तूण सेसखंडेहि मंदसरूवेहि परिणदपुव्वुत्तकारणसहाएहि समयूणट्ठिदि बंधदि त्ति । एवमेगेगखंडेणूणसेसासेसखंडेहि पुवुत्तकारणाणं मंद-मंदादिकमेहि जुत्तेहि ऊणट्ठिदीयो बद्ध (ज्झं)ति जाव समयूणाबाहलंडमेत्तचरिमहेट्ठिमट्ठिदि त्ति । तदो हेट्ठिमट्ठिदीयो ण बज्झांति । कुदो ? कारणाणं तत्तियमेत्तकज्जुप्पायणसत्तीदो, अधियकज्जुप्पायणसत्तीए अभावादो। पुणो हेट्ठिम हेट्ठिमअणुक्कड्डि (कहि) वियप्पेसु एवं चेव कारणं वत्तव्वं जाव अणुक्कड्डिसंभवो अस्थि ताव । पुणो तत्तो हेट्ठिमाणं उवरिमेगेगेणाबाधखंडएणणजादपदेसट्ठिदीओ अवलंबिय आबाहाए एगेगट्ठिदीओ होंति पुवुत्तकारणवसेण। कथं मिच्छत्तोदय-णोइंदिय-पंचिदियणाणसहाएण
Jain Education International
For Private & Personal Use Only
www.jainelibrary.org
| SR No. | 001814 |
| Book Title | Shatkhandagama Pustak 15 |
| Original Sutra Author | Bhutbali |
| Author | Hiralal Jain, Fulchandra Jain Shastri, Balchandra Shastri |
| Publisher | Jain Sanskruti Samrakshak Sangh Solapur |
| Publication Year | 1994 |
| Total Pages | 488 |
| Language | Prakrit, Hindi, Sanskrit |
| Classification | Book_Devnagari, Agam, Canon, & Karma |
| File Size | 12 MB |