________________
परिशिष्ट-१ (क)
२८५
5
कारावेवि णाहेयहो णिकेउ
पविइण्णु पंचवण्णं सुकेउ । पई पुणु पइट्ठ पविरइय जेम
पासहो चरित्तु जइ पुणु वि तेम । विरयावहि ता संभवइ सोक्खु
कालंतरेण पुणु कम्म-मोक्खु । सिसिरयर-विवे णिय-जणण णामु
पइँ होइ चडाविउ चंद-धामु । तुज्झु वि पसरइ जय जसु रसंतु
दस-दिसहि सयल असहण हसंतु। तं णिसुणिवि णट्टलु भणइ साहु
सइवाली पिययम तणउँ णाहु । भणु खंड-रसायणु सुह-पयासु
रुच्चइ ण कासु हय तणु पयासु । एत्थंतरि सिरिहरु वुत्तु तेण
णट्टल णामेण मणोहरेण । भो तुहु महु पयडिय णेहभाउ
तुहुं पर महु परियाणिय सहाउ । तुहुँ महु जस-सरसीरुह-सुभाणु
तुहुँ महु भावहि णं गण-णिहाणु । पई होतएण पासहो चरित्तु
आयण्णमि पयडमिह पाव-रित्तु । तं णिसुणिवि पिसुणिउँ कविवरेण
अणवरउ लद्ध-सरसइ-वरेण । घत्ता-विरयमि गय गावें पविमल भावे तुह वयणे पासहो चरिउ ।
पर दुज्जण णियरहिं हयगुण पयरहिँ , घरु-पुरु-णयरायरु भरिउ ॥९॥
10
१।१०
तेण जि ण पयट्टइ कव्व सत्ति
जं जोडमि तं तुट्टइ टसत्ति। पुणु-पुणु वि भणिउँ सो तेण वप्प
घरि घरि ण होति जइ खल सदप्प । ता लइवि दोस णिम्मल-मणाह
को वित्थरंतु जसु सज्जणाहँ। जइ होंतु ण तमु महि मलिणवंतु
ता किं सहंतु ससि उग्गमंतु । जइ होंति णं दह संपत्त खोह
ता किं लहंति मयरहर सोह । तं सुणिवि हणिवि दुज्जण पहत्तु
मण्णिवि णट्टल भासिउ वहुत्त । पुणु समणे वियप्पवि सहधामु
सच्छंदु वि सालंकारु णामु । णउ मुणमि किंपि कह करमि कन्वु पडिहासइ महु संसउ जि सव्वु । लइ किं अणेण महु चित्तणेण
अहणिसु संताविय णिय मणेण । जइ वाएसरि पय-पंकयाह
महु अत्थि भत्ति णिप्पंकयाहूँ। ता देउ देवि महु दिव्ववाणि
सहत्थ-जुत्त पय-रयण-खाणि । ता पत्त-सरासइ वरु णेइ
को पासचरित्तहो गुणु गणेइ । घत्ता-णिय तमु णिण्णासमि तह वि पयासमि जह जाणिउ गुण-सेणियहो ।
भासिउ जिणवीरहो जिय सरवीरहो गोत्तम गणिणा सेणियहो ॥१०॥
Jain Education International
For Private & Personal Use Only
www.jainelibrary.org
