________________
बड्डमाणचरिउ
[१०. २५. १४हिंसा असुहत्ते पीडिय-गत्ते णउ चवहिं। जहिं जहिं परि फंसई अणरइ धंसइ णिय मणहो । तहि तहि खर सयणई णं दुव्वयण. दुजणहो। जं जं आचक्खईं केवलि अक्खइ णय खयरु । तं तं विरसिल्लउ किं पि ण भल्लउ असुहयरु । जं जं अग्घायए घोणई घाय, चत्तमई। तं तं कुणि संगउ णिहिलु ण चंगउ तेत्थुलई। जहि जहि अरवण्णहि निसुणहिं कन्नहिं थिर रयणु । तहि तहिं पयणिय-दुहु वंकावइ मुहु दुव्वयणु । जं जं मणि चिंतइ पुणु-पुणु मंतइ इक्कमणु ।
तं तं मण-तवणु वेयण-दावणु दलिय-तणु । घत्ता-जरु-अच्छि-कुच्छि-सिर-वेयण उद्धसासु अणिवारिउ ।
सव्वउ वाहिउ परि संभवहिं नारयदेहि निरारिउ ॥२१८।।
____ 25
२६
सुहँ अणुमीलिय कालु वि जित्थु न लब्भइ किंपि वि कोसिय तित्थु । कहिन्नइ काइँ अहोगइ तिक्खु णिरंतर ताणउँ दूसहु दुक्खु । अराइ पयावह रोहउ कन्हु
निओहउँ आसि पुरा पडिकन्हु । भणंतउ एम कुणंतु दुहेण
सया परितप्पइ माणसिएण । भिडंतउ सो सहुँ नारइएहि
कयंतु व भूरि-रुसा लइएहिं । न भिजइ दाणव-देव-गणेहि रणंगणि कीलहि मत्त मणेहि। अहो तु( कुंजरु पंचमुहेण वियारिवि छल्लिउ एण दुहेण । अहो तुहु एण इओ सि सिरेण मही-महिलाहि निमित्तु खरेण । विसी तुहुँ भक्खिउ वामयरेण विसंतु विले छुह-खीणुयरेण । हओ तुहुँ णिदलिओ महिसेण महंत-विसाणहि सास-वसेण । इमं हणु सारि पयंपिउ एम
घयाहउ पज्जलिओसिहि जेम । पयंपइ नारउ नारय मन्ने
पडंत-महादुह-जाल असन्ने । गयाऽसि-खुरुप्प-छुरी-मुसलेहि रहंग-सुसव्वल सिल्ल-हलेहि । वियारइ वेरि न वारइ को वि सदेहु वि ताहँ महाउहु होइ । घत्ता-अण्णेण अण्णु वाणहिँ वणिउँ अण्णि अन्नु निवाइउ ।
अण्णेण अन्नु निदारियउ अन्ने अन्नु विघाइउ ॥२१९॥
___ 10
२६. १. J. V. नरई । २. D.ह । ३. D. J. V. वो।
Jain Education International
For Private & Personal Use Only
www.jainelibrary.org
