________________
२३०
वड्डमाणचरिउ
[१०.५.११सण्णिउँ छह पज्जत्तिउ धारइ सिक्खा-भाव-रयणु परिभावइ । एयहिं पज्जप्पंति ण जे जिय
अमरहिं अपज्जता ते अगणिय । घत्ता-लग्गइ खणासु णित्तुलउ लइ जीवहो पज्जप्पंतहो ।
अंतर मुहुत्तु सव्वहो भुवणे भणइ वयणु अरहतहो ॥१९८।।
णर-तिरियहँ ओरालिउ कायउ सुर-णारयह विउव्वणु जायउ । कासुवि आहारंगु मुणिंदहो
तेउ कम्मु सयलहो जिय-विंदहो। दुविह भवंति तिरिय थावर-तस थावर पंच-पयार सतामस । पुहई आउ तेउ वाएँ सहु
हरियकाय ण चलइ भासिउ महु । पुहईकाय मसूरी सण्णिहँ
हुँति भणंति महामुणि णिप्पिह । सलिलंकाय संताव-णिवारण
कुस-जल-लव-लीला सिरि धारण । तेय-काय परियाणि पुरंदर
घण-सूई-कलाव-सम-संदर। वाउकाय णिण्णासिय-तणु-सम मारुव परि-विहुणिय-धयवड-सम । सरि-सर-सायर-सुरहर-राइहि तरु गिरि तोरण वसुवहिं वेइहि । पण्णारह कम्मावणि छेत्तहि
अरुह पायगंधोय-पवित्तहि । गयणंगणि वंतेण सुसंठिय
अंवरेसु वि गणेसु परिट्ठिय । एण पयारे तुह मई दाविउ एयह वासु कमेण न गोविउ । पत्ता-खर वालुआइ भिजइ णमहि णिब्भर सलिल-पवाहहिं ।
सही सिंचिय वंधणु लहइ वीयराय जिण साहहिं ।।१९९।।
६. १. D. ला । २. J. V. वि।
Jain Education International
For Private & Personal Use Only
_____www.jainelibrary.org
