________________
बड्डमाणचरिउ
[८. १२.१
१२ जो सुपुरिसु उवसम-लच्छि जुत्तु परियाणिय-सयल-जिणिंद-सुत्तु। सो हणइ मोहु सहसत्ति तेम णिम्मूलिवि तरु मायंगु जेम । अववोह-वारि सुवि जोसु चित्तु अणवरउ धम्म-झाणे पवित्तु । सो णउँ डज्झइ मयणाणलेण दह-मज्झु हुवासेण व जलेण । अहि रुंढ-पवर-संजम-गयासु धारिय-सम-पहरणु संचयासु। करुणा-सण्णाह-समणियासु
पविमल-वय-सील सुसीसयासु । तव-रणे मुणिरायहो दुरिय-सत्तु दुस्सह-यरु जइवि महंतु सत्तु । थक्कइ ण पुरउ णत्थोह कोवि
दुजउ जयवंतहो दाणओवि । संतहो णिज्जिय-करणहो सुहासु दीपत्त मोह रहियहो वुहासु। भणु णत्थि किमत्थि वि तासु सिद्धि संपयणिय-णिरुवम-सोक्खसिद्धि । घत्ता-इय भणिवि भवावलि णंदणहो तत्थत्थहिं सहुँ कुल-णंदणहो ।
सयलु वि जणू आणंदहो णियउ वर अवहि-गयणु मणे विरमियउं॥१६५।।
10
१३ तहो वयणु सुणेवि णिय-मणु समंतु सो णंदणु हरिसंसुव वर्मतु। सोहर ससहर-करहउँ फुरंतु
चंदमणि व जलु णिरु पज्झरंतु । तेणावणिणाहें गंदणेण
सविहव विगिज्जिय-सकंदणेण । रयणत्तय-भूसिय-उरयलेण
भालयले निवेसिय-करयलेण । विण्णविउ णयालउ महमुणिंदु भव्वयण-सरोरुह-वण-दिणिंदु । विरला हवंति ते मह-मुणिंद
जे जण-हिय-यर झायइ जिणिंद । ते विरला घण जे वहुविहाइँ
मल्लंति पउर-रयण सुहाई। इह ठंति पहरिसिय-सुरयणाई विरला पवलावहिं लोयणाई। विरला सलिलासय-विच्छ्याई मणि किरण विहिन्नजलच्छलाई। तुह वयणु एउ साहिय सकज्जु करिहइ महु जीविउ सहलु अज्जु । किं वहुबहिं भणियहिं इय भणेवि सहयणहँ चित्त विभउ जणेवि । पत्ता-धम्महरहो णिय-पुत्तहो ससिरि णंदणु अप्पेविणु महिस गिरि ।
दिक्खिउ सहुँ दह-सय णरहिं पणवे वि पोढिसु मुणि मणहरहिँ ॥१६६।।
10
१२. १. D. °म्म । २. D. J. V.°वि । ३. V. तूं । ४. J. उ । ५. J. ण । १३. १. D. में यह पूरा चरण नहीं है ।
Jain Education International
For Private & Personal Use Only
www.jainelibrary.org
