________________
१२२
वड्डमाणचरिउ
[५. १०.१
दुवई गय-पंचयेण्णु-खग्गु कोत्थुहमणि चाउ अमोहसत्तिया।
एयहि हुउ अजेउ विजयाणुउ गय-सव्वत्थ-विप्तिया ।। एत्थंतरे हयगल-तणिय सेण
आवंति णिहालिय रण-रसेण । मलिणी मेइणि मंडल-रएण
णं णिय-तेएँ विजयाणुवेण | दोहिंमि बलाहँ गल गजियाइँ हयहिं सिय-पडहई वज्जियाई । भय-भरिय-भीरु वाहुडिवि जंतु धीरंतरंगु रण-मज्झि थंतु। इय भणि आवाहहि रण-निमित्त तह काले वीरु करि धीर चित्तु । खुर-घाय-जाउ रउ ह्यवराह
णव-जलय-जाल सम मणहराह । दोहं वि बलाह हुउ पुरउ भाइ
रण वारइ निय-तेएणणाइ । इयरेयराहँ जीविय-रवाई
णित्तासिय-हय-गय-भड़-सयाई। णिसुणेवि तं सरु हरिसिय सकाउ जोहहिं वर-वीर-रसाणु राउ। भडु भडहो तुरिउ तुरयहो तुरंगु मायंगहो गउ कूरंतरंगु । रहु रहहो सयल वि रइ सगव्व इय अवरुप्परु अभिडिय सव्य । घत्ता-तिक्खण-वाणासण-मुक्क-सर दूरट्ठियह विसुहडहूँ।
ट्ठिय देहि ण महियले गुणरहिय कोवइद्ध जुब पयडह ॥१०४॥
10
दुवई
अवरुप्परु हणंति सद्देविणु सुहडइँ सुहड सुंदरा ।
णिय-सामिय-पसाय-निक्खय-रय धणु रव-भरिय-कंदरा ।। छिपिणवि जंघ-जुवलें परेण
णिव डिउ ण सूरू मडु असिवरेण । ठिउ अप्प-सत्तु वर-वंस-जाउ अवलंविय संठिउ चारु चाउ । आयड्डिवि धणु फणिवइ-समाणु घण-मुद्रि-मुक्कु जोहेण बाण । भिंदवि कवउ सुहडहो णिरुत्तु किं भणु न पयासइ सुप्पहत्त । गयवालु ण मुह-वडु घिवइ जाम गय मत्त-मयंगहो सत्ति ताम । पडिणय जोहें सो णिय-सरेहिं विणिहउ पूरिय गयणोपरेहि । पडिगय-मय-पवण करण भीसु सयरेण रुसंतु महा-करीसु । मुह-वडु फाडेवि पलंव-सुंडु
करिवालु लंधि णिवडिउ पयंडु। णरणाहहँ सिय छत्तई वरेहि णिय-णामक्खर-अंकिय-सरेहिं। सहसा मुणंति संगरे सकोह सिक्खाविसेस वरिसंति जोह ।
10
१०. १. D. J. V. कोछुह । २. D.°ल । ३. J. V.°ख । ४. D. मायंगउ कूरं तरंगु । ५१. १. D.रि ।
Jain Education International
For Private,& Personal Use Only
www.jainelibrary.org
