________________
वड्डमाणचरिउ
[२.१८.१
एयहँ दोहिं मि सुहु भुंजंतहँ । सजणाई विणएँ रंजंतह। आउक्खई सुर-वासु मुएप्पिणु सुर-सुंदरिहिँ समाणु रमेप्पिणु । पूसमित्तु-चरु भयउ धणंधउ णिय-गुण-जियराणंदिय बंधउ । भणिउ अग्गिसिहु सोसई-जणणे दुजण-भणिय-वयण-परिहणणें। पुणु परिवायय-तउ विरएविणु चिरु कालें पंचत्तु लहेविणु । सणकुमार-सग्गें जायउ सुरु विफ्फुरंत-भूसण-भा-भासुरु। सत्त-जलहिं पमियाउ महामइ गयणंगणे मण-महिय-सुरय गइ । इह णिवसइ सुंदर मंदिरपुरु कामिणि-यण-पय-स दिय-णेउरु । मंदरग्ग-धय-पंति-पिहिय-रवि तहिं बलि-विहिणा संपीणिय हवि । गोत्तमु णामें दियवरु हूवउ
परियाणिय-णिय-समय-सरूवउ । तहो कोसिय कामिणि-जण-मोहण तणु-लायण्ण-वण्ण-संखोहण । घत्ता-एयहँ सुउ हूवउ णं रइ-दूवउ दियवर-सत्थ-रसिल्लउ ।
जणणे सो भासिउ जणह पयासिउ अग्गिमित्तु-तेइल्लउ ॥३५।।
10
गिह-वासणि-रइ-भाउ णिवारिवि णारायण-सासण-मए-धारवि । मणु पसरंतु जिणेवि तउ लेविणु चूलासहिउ तिदेह धारेविणु । परिवायय-रूवेण भमेविणु
भूरिकाले मिच्छत्ति रमेविणु। मरि माहिंद-सम्गि संजायउ
सत्त-जलहि-समाउ सुछायउ । तहिँ णिरु सुहुँ देवीहिँ रमेविणु चविउ सपुण्णक्खउ पावेविणु । सत्यिवंतपुरे पर-मण-हारणु
कुसुम-पत्त-कुस-पत्ती-धारणु । निय-मणि निज्झाइय णारायणु आसि विप्पचरु सालंकायगु । मंदिर-णाम पिया हुय एयहो
गुण-मंदिरु मुणियायमभेयहो। एयह सग्गहो एवि तणुरुह
संभूवउ मुह-जिय-अंभोरुहु। जणणे भासिउ भारदायउ
सुरसरि जल-पक्खालिय-कायउ । घत्ता-पुणरवि विक्खायउ हुउ परिवायत चिरु तउ करेवि मरेविणु ।
माहिंदि मणोहरि मणिमय-सुरहरे हुवउ अमरु जाएविणु ।। ३६॥
10.
१८. १. D पुं। १९. १. D.°लु । २. V.°त्ति । ३. V. सं. । ४. D. J. v.°ई। ५. D.रि ।
Jain Education International
For Private & Personal Use Only
www.jainelibrary.org
