________________
बड्डमाणचरिउ
[१.१०.१
१० हउ मेरउ इय जिउ भणइ जाम जर-जम्मण-मरणई लहइ ताम । इय भाव-विमुक्कउ अप्प-भाउ पाविवि जिउ गच्छइ मोक्ख-ठाउ । तहो मुणि तणु वयणु सुणेवि तेहि णिरसिय मिच्छत्त-तमोहएहिं । जाणेवि तच्चु पविमलु मणेण वियसिउ कमलायर जिह खणेण । मुणि दिण्ण. वयाहरणेहिं रामु मिच्छत्त-भाव विरइय विरामु । मुणि-पयई नवेप्पिणु णिवइ-पुत्तु नियगेहहो गउ सम्मत्त-जुत्तु । सुह-दिणि परवल-अवराइएण सामंत-मंति-पविराइएण। विरएवि अहिसेउ नराहिवेण गंभीर-तूर-भेरी-रवेण । जुयरायहो पउ पविइण्णु तासु संतासिय-पर-चक्कहो सुवासु । तिइल्लु वि जुयराय-पउ पावि
अप्पाणउ पुण्णाचेरिउ दावि । अइ-तेयवंतु हुउ गुण-णिहाणु जह सरय-समागमु लहवि भाणु । पत्ता-अइ भत्तहे सेवा-सत्तहे मूलिय रायकुमारहूँ ।।
चिंतामणि दुविजिय दिणमणि सो हुउ माणिणि मारहँ ॥१०॥
११ जइविहु णव-जोव्वण-लच्छिवंतु सो सुंदरु तइवि मए-विवंतु । भउ जइवि णत्थि तहो मणि कयावि ता देइ तइवि वइरिहुँ सयावि । परदारहिँ वय चित्तु वि असेसु जसधवलिय-धरणीयल-पएसु । पुज्जंतु जिणेसर-पाय-दंदु
रइ-विसइ-भाउ विरयंतु मंदु । चरियई निसुणंतु जिणेसराहँ पणवंतु पयाई मुणीसराह । चूड़ामणि-भूसिय-विउल-भालु जो धम्मासत्तउ गेइ कालु । ता जणणहो उवरोहेण तेण
परिणिय सराय-भावंगएण । णामेण पियंकर पियर-भत्त
णिय-सिरि-जिय-तियसंगण सुगत्त । सम्मत्त-पुरस्सर-वयई पावि पिययमहो पसाएँ पियई सावि । धम्मामउ अणुदिणु पियह हुति
पिययम अणुकूल ण कावि भंति । घत्ता-लज्जह सह विणयहाँ मह पिम्म-णईसहो ससि-कला।
पिउ रंजइ सा सुहु भुंजइ परियाणइ परियण कला ॥११॥
10
१०.१. D. हं । २. D पुण्णवेरिउ V. पुण्णावरिउ । ११. १. D. ह । २. V.हि ।
Jain Education International
For Private & Personal Use Only
www.jainelibrary.org
