________________
२४४
द्वार २१४
-2000
एए च्चिय छ अणिंदियजुत्ता अहवा छ भूजलग्गिनिला। वणतससहिया छप्पिय ते सत्त अकायसंवलिया ॥१२३५ ॥ अंडय रसय जराउय संसेयय पोयया समुच्छिमया। उब्भिय तहोववाइय भेएणं अट्ठहा जीवा ॥१२३६ ॥ पुढवाइ पंच बितिचउपणिंदि जुत्ता य नवविहा हुंति । नारयनपुंस तिरिनरतिवेय सुरथीपुमेवं वा ॥१२३७ ॥ पुढवाइ अट्ठ असन्नि सन्नि दस ते ससिद्ध इगदसउ। पुढवाइया तसंता अपज्जपज्जत्त बारसहा ॥१२३८ ॥ बारसवि अतणुजुत्ता तेरस सुहुमियरेगिदिबेइंदी। तिय चउ असन्नि सन्नी अपज्ज-पज्जत्त चउदसहा ॥१२३९ ॥ चउदसवि अमलकलिया पनरस तह अंडगाइ जे अट्ठ। ते अपज्जत्तगपज्जत्तभेयओ सोलस हवंति ॥१२४० ॥ सोलसवि अकायजुया सतरस नपुमाइ नव अपज्जत्ता। पज्जत्ता अट्ठारस अकम्म जुअ ते इगुणवीसं ॥१२४१ ॥ पुढवाइ दस अपज्जा पज्जत्ता हुति वीस संखाए । असरीरजुएहि तेहिं वीसई होइ एगहिया ॥१२४२ ॥ सुहुमियरभूजलानलवाउवणाणंत दस सपत्तेआ । बिति-चउ-असन्नि-सन्नी अपज्ज-पज्जत्त बत्तीसं ॥१२४३ ॥ तह नरयभवणवणजोइकप्पगेवेज्जऽणुत्तरुप्पन्ना। सत्तदसऽडपणबारस नवपणछप्पन्नवेउव्वा ॥१२४४ ॥ हंति अडवन्नसंखा ते नरतेरिच्छसंगया सव्वे। अपजत्तपजत्तेहिं सोलसुत्तरसयं तेहिं ॥१२४५ ॥ सन्निदुगहीण बत्तीससंगयं तं सयं छयत्तालं। तं भव्वाभव्वगदूरभव्वा आसन्नभव्वं च ॥१२४६ ॥ संसारनिवासीणं जीवाण सय इमं छयत्तालं। अप्पं व पालियव्वं सिवसुहकंखीहिं जीवेहिं ॥१२४७ ॥
Jain Education International
For Private & Personal Use Only
www.jainelibrary.org
