________________
द्वार नामावली
कम्मट्ठिइ साबाहा बायालीस-उ पुण्णपयडीओ। बासीय पावपयडीओ भावछक्कं सपडिभेयं ॥५०॥ जीवाण अजीवाण य गुणाण तह मग्गणाण पत्तेयं । चउंदसगं उवओगा बारस जोगा य पण्णरस ॥५१॥ परलोगगई गुणठाणएसु तह ताण कालपरिमाणं । नरयतिरिनरसुराणं उक्कोसविउव्वणाकालो ॥५२॥ सत्तेव समुग्घाया छप्पज्जत्तीओऽणहारया चउरो । सत्त भयट्ठाणाई छब्भासा अप्पसत्थाओ ॥५३ ॥ भंगा गिहिव्वयाणं अट्ठारसपावठाणगाइंपि। मुणिगुण सत्तावीसा इगवीसा सावयगुणाणं ॥५४॥ तेरिच्छीणुक्किट्ठा गब्भठिई तह य सा मणुस्सीणं । गब्भस्स य कायठिई गब्भट्ठियजीवआहारो ॥५५ ॥ रिउरुहिरसुक्कजोए जत्तियकालेण गब्भसंभूई। जत्तियपुत्ता गब्भे जत्तिय पियरो य पुत्तस्स ॥५६ ॥ महिला गब्भअजोगा जेत्तिय कालेणऽबीयओ पुरिसो। सुक्काईण सरीरट्ठियाण सव्वाण परिमाणं ॥५६॥ सम्मत्ताईणुत्तमगुणाण लाहंतरं जमुक्कोसं। 'न लहंति माणुसत्तं सत्ता जेऽणंतरुव्वट्टा ॥५८ ॥ पुव्वंगपरीमाणं माणं पुव्वस्स लवणसिहमाणं । उस्सेहआयअंगुलपमाणअंगुलपमाणाई ॥५९ ॥ तमकायसरूवमणंत छक्कगं अट्ठगं निमित्ताणं । माणुम्माणपमाणं अट्ठारस भक्खभोज्जाइं ॥६० ॥ छट्ठाणवुड्डीहाणी अवहरिउं जाइ नेव तीरंति । अंतरदीवा जीवाजीवाणं अप्पबहुयं च ॥६१ ॥ संखा निस्सेसजुगप्पहाणसूरीण वीरजिणतित्थे। ओसप्पिणीअन्तिमजिणतित्थअविच्छेयमाणं च ॥६२ ॥
Jain Education International
For Private & Personal Use Only
www.jainelibrary.org
