________________
प्रवचन-सारोद्धार
धन्नाणमबीयत्तं खेत्ताईयाण तह अचित्तत्तं । धन्नाइं चउवीसं मरणं सत्तरसभेयं च ॥३७ ॥ पलिओवम अयरऽवसप्पिणीण उस्सप्पिणीण वि सरूवं । दव्वे खेत्ते काले भावे पोग्गलपरावट्टो ॥३८ ॥ पन्नरस कम्मभूमी अकम्मभूमीउ तीस अट्ठभेया। दोन्नि सया तेयाला, भेया पाणाइवायस्स ॥३९ ॥ परिणामाणं अट्ठोत्तरसयं बंभमट्ठदसभेयं । कामाण चउव्वीसा दस पाणा दस य कप्पदुमा ॥४० ॥ नरया नेरइयाणं आवासा वेयणाऽऽउतणुमाणं । उप्पत्तिनासविरहो लेसाऽवहि परमहम्मा य ॥४१ ॥ नरयुव्वट्टाणं लद्धिसंभवो तेसु जेसि उववाओ। संखा उप्पज्जंताण तह य उव्वट्टमाणाणं ॥४२॥ कायठिई भवठिइओ एगिंदियविगलसन्निजीवाणं । तणुमाणमेसि इंदियसरूवविसया य लेसाओ ॥४३॥ एयाणं जत्थ गई जत्तो ठाणेहिं आगई एसिं। उप्पत्तिमरणविरहो जायंतमरंतसंखा य ॥४४ ॥ भवणवई-वाणमंतर-जोइस-वेमाणवासिदेवाणं। ठिइ भवण देहमाणं लेसाओ ओहिनाणं च ॥४५ ॥ उप्पत्तीए तहुवट्टणाय विरहो इमाण संखाय । जम्मि य एयाण गई जत्तो वा आगई एसिं ॥४६ ॥ विरहो सिद्धि गईए जीवाणाहारगहण ऊसासा। तिन्नि सया तेसट्ठा पासंडीण? य पमाया ॥४७॥ भरहाहिवा हलहरा हरिणो पडिवासुदेवरायाणो। रयणाइ चउद्दस नवनिहिओ तह जीव संखाओ ॥४८ ॥ कम्माइं अट्ठ तेसिं उत्तरपयडीण अट्ठवन्नसयं । बंधोदयाणुदीरण-सत्ताण य किं पि हु सरूवं ॥४९॥
Jain Education International
For Private & Personal Use Only
www.jainelibrary.org
