________________
प्रवचन-सारोद्धार
२०५
बीयं च सूरदेवं वंदे जीवं सुपासस्स ॥४५८ ॥ तइयं सुपासनामं उदायिजीवं पणट्ठभववासं। . वंदे सयंपभजिणं पुट्टिल्लजीवं चउत्थमहं ॥४५९ ॥ सव्वाणुभूइनाम दढाउजीवं च पंचमं वंदे। छटुं देवसुयजिणं वंदे जीवं च कित्तिस्स ॥४६० ॥ सत्तमयं उदयजिणं वंदे जीवं च संखनामस्स । पेढालं अट्ठमयं आणंदजियं नमसामि ॥४६१ ॥ पोट्टिलजिणं च नवमं सुरकयसेवं सुनंदजीवस्स । सयकित्तिजिणं दसमं वंदे सयगस्स जीवंति ॥४६२ ॥ एगारसमं मुणिसुव्वयं च वंदामि देवईजीयं । बारसमं अममजिणं सच्चइजीवं जयपईवं ॥४६३ ॥ निकसायं तेरसमं वंदे जीवं च वासुदेवस्स। बलदेवजियं वंदे चउदसमं निप्पुलायजिणं ॥४६४ ॥ . सुलसाजीवं वंदे पन्नरसमं निम्ममत्तजिणनामं । रोहिणिजीवं नमिमो सोलसमं चित्तगुत्तंति ॥४६५ ॥ सत्तरसमं च वंदे रेवइजीवं समाहिनामाणं । संवरमट्ठारसमं सयालिजीवं पणिवयामि ॥४६६ ॥ दीवायणस्स जीवं जसोहरं वंदिमो इगुणवीसं । कण्हजियं गयतण्हं वीसइमं विजयमभिवंदे ॥४६७ ॥ वंदे इगवीसइमं नारयजीवं च मल्लिनामाणं । देवजिणं बावीसं अंबडजीवस्स वंदेऽहं ॥४६८ ॥ अमरजियं तेवीसं अणंतविरियाभिहं जिणं वंदे । तह साइबुद्धजीवं चउवीसं भद्दजिणनामं ॥४६९ ॥ उस्सप्पिणिइ चउवीस जिणवरा कित्तिया सनामेहिं । सिरिचंदसूरिनामेहिं सुहयरा इंतु सयकालं ॥४७० ॥
Jain Education International
For Private & Personal Use Only
www.jainelibrary.org
