________________
प्रवचन-सारोद्धार
१८३
अड्ढ़ाइज्जसएहिं गएहिं वीरो जिणेसरो जाओ। दूसम अइदुसमाणं दोण्हपि दुचत्तसहसेहिं ॥ ४०४ ॥ पुज्जइकोडाकोडी उसहजिणाओ इमेण कालेण। भणियं अंतरदारं एयं समयाजुसारेणं ॥ ४०५ ॥ बत्तीसं घरयाइं काउं तिरियाअयाहि रेहाहिं। उड्ढ़ाअयाहिं काउं पंच घराई तओ पढमे ॥ ४०६ ॥ पन्नरस जिण निरंतर सुन्नदुगं तिजिण सुन्नतियगं च । दो जिण सुन्न जिणिंदो, सुन्न जिणो सुन्न दोन्नि जिणा ॥ ४०७ ॥ दो चक्कि सुन्न तेरस पण चक्की सुण्ण चक्कि दो सुण्णा। चक्की सुण्ण दुचक्की सुण्णं चक्की दुसुण्णं च ॥ ४०८ ॥ दससुण्ण पंच केसव पणसुण्णं केसी सुण्ण केसी य।। दो सुण्ण केसवोऽवि य सुण्णदुगं केसव तिसुण्णं ॥ ४०९ ॥ उसहभरहाण दोण्हवि उच्चत्तं पंचधणुसए हुति । अजियसगराण दोण्हवि उच्चत्तं चारि अद्धं च ॥ ४१० ॥ पन्नासं पन्नासं धणुपरिहाणी जिणाण तेण परं । ता जाव पुष्पदंतो धणुसयमेगं भवे. उच्चो ॥ ४११॥ नउइ धणू सीयलस्स सेज्जंसतिविट्ठमाइणं पुरओ। जा धम्मपुरिससीहो उच्चत्तं तेसिमं होई ॥ ४१२ ॥ कमसो असीइ सत्तरि सट्ठी पण्णास तह य पणयाला। एए हवंति धणुया बायालद्धं च मघवस्स ॥ ४१३ ॥ इगयालं धणु सद्धं च सणंकुमारस्स चक्कवट्टिस्स। संतिस्स य चत्ताला कुंथुजिणिंदस्स पणतीसा ॥ ४१४ ॥ तीस धणूणि अरस्स उ इगुतीसं पुरिसपुंडरीयस्स। अट्ठावीस सुभूमे छव्वीस धणूणि दत्तस्स ॥ ४१५ ॥ मल्लिस्स य पणुवीसा वीसं च धणूणि सुव्वए पउमे । नारायणस्स सोलस पनरस नमिनाहहरिसेणे ॥ ४१६ ॥
Jain Education International
For Private & Personal Use Only
www.jainelibrary.org
