________________
१८२
द्वार ३५
३५ द्वारः |
अन्तर-काल
इत्तो जिणंतराइं वोच्छं किल उसभसामिणो अजिओ। पण्णासकोडिलक्खेहिं सायराणं समुप्पन्नो ॥ ३९३ ॥ तीसाए संभवजिणो दसहि उ अभिणंदणो जिणवरिंदो। नवहि उ सुमइजिणिंदो, उप्पन्नो कोडिलक्खेहिं ॥ ३९४ ॥ नउईइ सहस्सेहिं कोडीणं वोलियाण पउमाभो। नवहि सहस्रोहिं तओ सुपासनामो समुप्पन्नो ॥ ३९५ ॥ कोडिसएहिं नवहि उ जाओ चंदप्पहो जणाणंदो। नउईए कोडिहिं सुविहिजिणो देसिओ समए ॥ ३९६ ॥ सीयलजिणो महप्पा तत्तो कोडीहि नवहि निद्दिवो । कोडीए सेयंसो ऊणाइ इमेण कालेण ॥ ३९७ ॥ सागरसएण एगेण तह य छावट्ठिवरिसलक्खेहिं । छव्वीसाइ सहस्सेहिं तओ पुरो अंतरेसुत्ति ॥ ३९८ ॥ चउपण्णा अयरेहिं वसुपुज्जजिणो जगुत्तमो जाओ ॥ विमलो विमलगुणोहो तीसहि अयरेहिं रयरहिओ ॥ ३९९ ॥ नवहिं अयरेहिऽणंतो चउहि उ धम्मो उ धम्मधुरधवलो। तिहि ऊणेहिं संती तिहि चउभागेहिं पलियस्स ॥ ४०० ॥ भागैहि दोहिं कुंथू पलियस्स अरो उ एगभागेणं । कोडिसहस्सोणेणं वासाण जिणेसरो भणिओ ॥ ४०१॥ मल्ली तिसल्लरहिओ जाओ वासाण कोडिसहसेण। चउपण्णवासलक्खेहिं सुव्वओ सुव्वओ सिद्धो ॥ ४०२ ॥ जाओ छहि नमिनाहो पंचहि लक्खेहिं जिणवरो नेमी। पासो अद्धट्ठमसय समहियतेसीइसहसेहिं ॥ ४०३ ॥
Jain Education International
For Private & Personal Use Only
www.jainelibrary.org
