________________
प्रवचन - सारोद्धार
Jain Education International
मच्छुव्वत्तं मणसा पउट्टं तहय वेइयाबद्धं ।
भयसा चैव भयंतं मित्ती गारव कारणा ॥ १५१ ॥ तेणियं परिणीयं च रुट्ठ तज्जियमेव च ।
सङ्घं च हिालय चेव तहा विप्पलिउंचियं ॥ १५२ ॥ दिट्ठमदिट्ठे च तहा सिगं च करमोयणं । आलिट्ठमणालिट्ठे ऊणं उत्तरचूलियं ॥ १५३ ॥ मूयं च ढड्डरं चेव चुड्डलियं च अपच्छिमं । बत्तीसदोसपरिसुद्धं किइकम्मं पउंजए ॥ १५४ ॥ आयरकरणं आढा तव्विवरीयं अणाढियं होइ । दव्वे भावे थद्धो चउभंगो दव्वओ भइओ ॥ १५५ ॥ पविद्धमणुवयारं जं अप्पितो णिजंतिओ होइ ।
जत्थ व तत्थ व उज्झइ कियकिच्चोवक्खरं चेव ॥ १५६ ॥ संपिंडिए व वंदइ परिपिंडियवयणकरणओ वावि । टोलोव्व उप्फिडतो ओसक्कहिसक्कणे कुणइ ॥ १५७ ॥ उवगरणे हत्थमिव घेत्तु निवेसेइ अंकुसं बिंति । ठिउविट्ठरिंगणं जं तं कच्छवरिंगियं जाण ॥ १५८ ॥ उतिनिवेसिंतो उव्वत्तइ मच्छउव्व जलमज्झे । वंदिकामो वऽन्नं झसो व परियत्तए तुरियं ॥ १५९ ॥ अप्पपरपत्तिएणं मणप्पओसो य वेइयापणगं । तं पुण जाणूवर जाणुहिट्ठाओ जाणुबाहिं वा ॥ १६० ॥ कुण करे जाणुं वा एगयरं ठवर करजुयलमज्झे । उच्छंगे करइ करे भयं तु निज्जूहणाईयं ॥ १६१ ॥ भयइ व भविस्सइत्ति य इअ वंदइ ण्होरयं निवेसंतो । एमेव य. मित्तीए गारव सिक्खाविणीओऽहं ॥ १६२ ॥ नाणाइतिगं मोत्तुं कारणमिहलोयसाहयं होइ । पूयागारवहेऊं नाणग्गहणे वि एमेव ॥ १६३ ॥
For Private & Personal Use Only
४३
www.jainelibrary.org
