Page Text
________________
कुणालकहा
-
-
सुबंधणा वि पत्थावेणं विण्णत्तो राया-'देव! चाणक्कगिहेण पसाओ कीरउ । नरवडणा वि 'तह' त्ति पडिवण्णे गओ तत्थ । दिट्टच तं सव्वं सुण्णं । सम्मं निरूवयंतेण दिट्टो एगो उवरस्स ढक्कियं वारं किं चि सारं तमित्थ भविस्पइ'त्ति चितंतण उग्धाडिओ जाव पेच्छइ मंजसं । 'अरे! पहाणरयणाणि इत्थ भविस्संति' त्ति भेत्तण त उग्घाडिया जाव मघघंघत (गंध) 'समुग्गयं अवलोएइ हुं वइरा एत्थ होहिंति परिभाविऊण उग्घाडिओ। पेच्छइ य तत्थ पत्तयं सुगंधगंधियं । तओ गंधे अग्घाइऊण पत्तयं वाएइ। लिहियं च तत्थ ।
अग्घाइऊण गंधे एए जो पियइ सीयलं सलिलं । भुंजइ मणोज्जभुजं वरखाइम-साइमं चेव ।।६२०।। जिंघइ सुगंधगंधे सुमणस-कप्पूरपभिइए रम्मे । पेच्छइ मणोहराई रूवाइं चित्तमाईसु ।।६२१।। . वीणा-वेणुरवड्ढं कायलि-गीयाइयं निसामेइ । विलया-तूली उवाहणगाई फासे य सेवेइ ॥६२२।। किं बहुणा ? पंचण्ह वि विसयाण मणोरमं तु जो विसयं। भुंजइ सो जमगेहं वच्चइ नत्थेत्थ संदेहो ॥६२३।। विहियसिरतुंड-मुंडण-वेसो पंतासणाइकयवित्ती । साहु व्व चिट्ठई सो धरइ जियं, अण्णहा मरइ ।।६२४।। इय वाइऊण तत्तो चिंतइ मंती सुबंधुनामो सो । धिसि धिसि मह बुद्धीए मएण जो मारिओ तेण ।।६२५।। मइमाहप्पं सो च्चिय चाणक्को धरउ जीवलोगम्मि । जेण मएण वि अहयं जियंतमयगो विणिम्मविओ ।।६२६।। इय चितिऊण तो सो विण्णासित्ता अणाहपुरिसम्मि । जीवियलुद्धो धणियं चिट्ठइ वरसाहु किरियाए ।।६२७।। किंतु अभवत्तणओ भावविहणो भवम्मि भीमम्मि । भमिही अणंतकालं विसहंतो तिव्वदुक्खाई ।।६२८।।
तस्स य बिंदुसारस्स पुहइतिलयाए देवीए अणुरत्त-पत्त-नियरो छायासमन्निओ समाणंदियबहुजणो असोगतरु व्या संजाओ असोगसिरी नाम पुत्तो । सो य जोव्वणत्थो 'सयलकलाकलावकलिओ' त्ति काऊण निवेसिओ पिउणा जुवराय-पए। उवरए पियरम्मि चेव मंति-सामंताइएहिं अहिसित्तो रज्जे । रज्जधुरमणुपालयंतस्स य समुप्पन्नो कुणाला भिहाणो पुत्तो। बालत्तणे चेव ठाविऊण जवरायपए 'उवरयजणणोओ' त्ति सावक्कय-मायाभएण पहाण-मंति-परियणसमेओ दाऊण उज्जेणी कुमारभुत्तीए पेसिओ। तत्थ अइसिणेहेण य पइदिणं सहत्थ लिहियलेहे पेसेइ।
अण्णया य कलागहणजोग्गं नाऊण कुमारं महंतए उद्दिसिऊण लिहियं लेहम्मि राइणा 'अधीयतां कुमारः' इति । पडिवाइऊण लेहं 'अणव्वाणक्खरं' ति असंवत्तिऊण तत्थ चेव ठाणे मोत्तण उडिओ सरीरचिंताए राया, रायपासोवविट्ठाए कुमार-सवक्की-जणणोए कस्स राया सव्वायरेण लेहं लिहई' त्ति चितिऊण वाइओ। नियपुत्तरज्जत्थिणीए य दिण्णो अकारस्सोवरि बिंदू, मुक्को तम्मि चेव ठाणे। समागएण राइणा 'हत्थमुक्कलेहो पडिवाइओ वि पुणोवि पडिव। इयत्वो' त्ति वयणमसुमरतेण संवत्तिओ। मुद्दिऊण य दिण्णो लेहवाहयहत्थे । तेण वि गंतूण समप्पिओ कुणालस्स । तेण वि लेयस्स । सो वि वाइत्ता ठिओ तुहिक्को चेव । कुमारेण भणियं-'किं न वाएसि लेहं ?' तहावि न किपि जपइ । तओ सयमेव घेत्तण वाइओ जा पेच्छइ 'अंधीयतां कुमारः' इति तओ भणइ अम्ह मोरियवंसे सव्वे वि अप्पडिहयआणा, जह अहं पितायस्स आणं लंघेमि ता को अण्णो पालिस्सइ?' कि च जइ एवं तायस्स पियं तो एवं चेव कीरइत्ति तत्तसलायं गिण्हिऊण अंजियाओ दोवि अच्छीओ। जाओ विचक्ख । पुरिसेण वि गंतूण जहट्टियं कहियं राइणा। इमं च सोऊण महासोगाभिभएण चितियं राइणा ।
१ तं सुण्णं जे० ।२ वरगस्स मू. शु. ३ मघमपंत समु जे० । ४. इहं वीयगाणों एत्थ भविस्संति जे. ५ त्थ होहिति परि० पा० । ६ जुवरज्जप पा० । ७ रए य पिय पा० । ८ घडियाए जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |