Page Text
________________
अगाइजिणिद-परिय परियणामो। जाणिऊण दरभुत्ते समागमो चाणक्को। 'आ पाव ! पच्छन्नं पावं कुणंतस्स' केरिसा ते२ गुरुभत्ती? तक्मणा चेव असि-धेणुयाए देवीए उयरं वियारिऊण कडिभो गम्भो। उवरया देवी विससम्मिस्स' भोयणस्स रसबिंदू
। तालए लग्गो। तेत्तियमेत्तं कालयं जायं तेण 'बिंदुसारों सि नामं जायं। वढिओ देहोवचएणं कल कलावे य। उवरए पियरम्मि सो चेव राया जाओ। भणिओ य धावीए जहा-"पुत्त ! सम्मं चाणक्कस्स वट्रेज्जसु ।" सो वि तहेव वट्टइ।
अण्णया य एगंतसंठिओ भणिओ नंदसंतिएण सुबंधुणा सचिवेण-जहा-“देव ! जइ वि अम्हाणमुवरि तब्भे अप्पसाया तहा वि जमेयस्स पट्टस्स' हियं तमम्हेहि विण्णवेयव्वं, तत्थ जो चाणक्कमंती सो अईव खद्दो, जओ एएण देवस्स जणणी आरडंती पोट्टं फालिऊण मारिया, ता तुन्भे वि पयत्तेण अप्पाणं रक्खेज्जह ।" तओ राइणा एन्छिया अम्मधाई। जहा-"अंब! किमयं सच्चं जं मह जणणी चाणक्केण विणासिया?" तीए भणियं-'पृत्त ! सच्चं ति। तओ कुविओ चाणक्कस्सोवरिं राया । आगच्छंतं दळूण ठिओ पराहुत्तो। इयरो वि पिसुणपवेसं न ऊण तओ चेव नियत्तिऊण गओ नियगेहं । तत्थ साहिऊण सुहिसवणवम्गस्स निओइऊण जहोचियं धम्मठाणेसु नियंदविणजायं । तो एगत्थ उवरए मंजूसाए मज्झे गंधसमुग्गयं सपत्तयं छोटूण तालयाणि दाऊण निग्गओ नवराओ। अणसणं गहाय ठिबो कारिसीए मज्झे इंगिणिमरणेणं।
इओ य अंबधाईए" भणिओ राया-“पुत्त ! निक्कारणो ते चाणक्कं पइ कोवो । जइ सो तया तुह मायरं न सारंतो ता तुम पि तीए सह विणट्ठो आसि । साहिओ सव्वो वि विसमिस्स भोयणवइयरो, ता वच्छ ! दीहदरिसिणा होयम्बं । न जहा सुयगाहिणा चाणक्कयसंतिया ते पाणा रज्जं च मोत्तूण चाणक्कं को अण्णो चंदगुत्तवंसयिचितओ, ता बामित्ता सिग्घमाणेहि । तमायन्निऊण गओ राया सपरियणो चाणक्कसमीवं । खामित्ता य भणइ-"एह, पसायं काऊण घरं वच्चामो।"चाणक्केण भणियं-“सब्बं परिचत्तं मए, जो पडिवण्णमणसणं।'तओ निच्छयं नाऊण खामित्ता'. बंदित्ता य गओ बिंदुसारो नियघरं। सुबंधुणा चिंतियं-"जइ एस कह वि चलइ ता मह न सुंदरंति विगप्पिऊण विण्णत्तो राया-"देव ! चाणक्कस्स संपयं समसत्तुमित्तभावस्स तुब्भाणुमईए पूर्व करेमि?" राइणा भणियं-“एवं करेहि।" तओ गहियपूओवगरणो धूय-कडच्छयहत्थो परिमियपहाणपरियणाणुगओ पओससमए गंतूण काऊण पूयं नियडिबहलयाए भूवमुप्पाडणमिसेण चरणपएस-संठियकारीसमझे छोदण इंगालं सघरमागओ। चाणक्को वि तेण जलणेण उझंतो सहइ सम्मं वेयणं, परिभावेइ य नियमणे ।
नरयम्मि वि जीव ! तुमे नाणादुक्खाई जाइं सहियाई। इण्हि ताई सरंतो वि सहेज्जसु वेयणं एयं ॥६११।। एगो जायइ जीवो मरई य उप्पज्जईय तह १२एगो। भमइ भवम्मि य एगो एगो च्चिय पावए सिद्धि ॥६१२।। हिंसालिय-चोरिक्के मेहुन्न-परिग्गहे य निसिभत्ते। विरओ हं जा जीवं अणसणविहिणा ठिओ इण्डिं ॥६१३।। खामेमि सव्वजीवे सव्वे जीवा खमंतु मे। भोत्तुं सुबंधुसचिवं निक्कारणवइरिणं'३ पावं ॥६१४।। जे मे जाणंति जिणा अवराहा जेसु जेसु ठाणेसु। ते हैं आलोएमो उवट्ठिओ सम्मभावेणं ।।६१५।। छउमत्यो मूढमणो केत्तियमेत्तं व संभरइ जीवो। जं च न सुमरामि अहं मिच्छामिहदुक्कडं तस्स · ॥६१६।। अण्णं च मज्झ संपइ जुत्तं अप्पहियमेव काउं जे। मरणम्मि समावन्ने तम्हा सुमरामि अरहते ॥६१७।। नमिमो अरहताणं, नमो नमो तह य सव्वसिद्धाणं। आयरियुवज्झायाणं नमो, नमो सव्वसाहणं ॥६१८॥ एवं सुहपरिणामो चाणक्को पयहिऊण नियदेहं । उववण्णो सुरलोए विमाणमज्झम्मि तियसवरी ॥६१९।।
१कुणमाणस्स । २ सा तओ गु० पा० । ३ विसमिस्स पा० । ४ स्स अहियं तमम्हेहिं पा० । ५ जो एत्थ चा जे० । ६ अंबंधा. पा०। ७ अम्मधा. पा०। ८ विससम्मिस्स पा० । ९ घरं चाण. जे०। १० मित्ता य गओ जे०। ११ एक्को जा० पा० १२ तहा एक्को पा० । १३ रणवेरिणं पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |