Page Text
________________
५..
तओ अण्णम्मि दिणे कोसनिरूवणं कूणतेण दिसव्वं सुन्नं भंडागारं। तप्पूरणत्थं च दीणाराण थालं भरेळण घोसावियं चाणक्केण-"भो भो नागरया ! रमह मए सह, जइ जिणेह तो भे दीणारथालं । अहं वा जिणामि तो मे एग दोणारं दलएज्जह । थाललोभेण य पभयलोगो रमिउमारद्धो। न य कोइ जिणइ। जओ ते पासया तस्स चितिया पडंति । चाणक्केण वि चिंतियं-"पभयकालिओ एस उवाओ ता अण्णमुवायंतरं पयट्टेमि त्ति" को पुण उवाओ भविस्सइ त्ति हुं नायं मज्जं पाएमि सव्वे कोडुबिणो जेण नियघरसारस्स परमत्थं कहेंति ।' जओकुवियस्स आउरस्स य वसणं पत्तस्स रागरत्तस्स । मत्तस्स मरंतस्स य सब्भावा पायडा होति ॥६०३॥
परिभाविऊण निमंतिओ पहाणकोडंबियलोगो। पाइओ सव्वो वि मज्जं न य अप्पणा पियइ। तओ जाव सव्वे वि मत्ता ताव य मयाराहीणो व्व तेसिं भावपरिक्खणत्थं जंपिउमाढत्तो। .. दो मज्झ धाउरत्ताओ कंचण-कुंडिया तिदंडं च । राया वि मे वसवत्ती एत्थ वि ता मे होलं वाएहि ॥६०४।।
अन्नो असहमाणो भणइगयपोयगस्स मत्तस्स, उप्पइयस्स जोयणसहस्सं। पए पंए सयसहस्सं, एत्थ विता मे होलं वाएहि ॥६०५।।
अण्णो भणइतिल आढयस्स उत्तस्स, निष्फन्नस्स, बहुसइयस्स। तिले तिले सयसहस्सं, एत्थ वि ता मे होलं वाएहिं ॥६०६।।
अण्णो भणइ-- नवपाउसम्मि पुण्णाए, गिरिनईयाए सिग्यवेगाए । एगाहमहियमित्तेण नवणीएण पालि बंधामि, एत्थ वि ता मे
होलं वाएहि ॥६०७॥ अण्णो भणइ-- जच्चाण नवकिसोराण, तदिवसेण जायमित्ताणं। केसेहिं नहं छाएमि, एत्थ ता मे होलं वाएहि ॥६०८।।
अन्नो भणइदो मज्झ अत्थिरयणाणि, सालि-पसूई य गद्दभीया य । छिण्णा छिण्णा वि रुहंति एत्थ वि तामे होलं वाएहि ।।६०९॥ ___ अन्नो भणइ— सय' सुक्किल-निच्चसुगंधो' भज्जमणुव्वय नत्थि पवासो' निरिणो५ य दु पंच सओ, एत्थ वि ता मे
होलंवाएहि ॥६१०।। एवं सव्वं नाऊण पत्तयलिहिए काऊण गओ नियघरं चाणक्को। अण्णम्मि दिणे धणइत्ता धणं मग्गिऊण भरिया भंडारा, तुरंगमवइणो गहिया तुरंगमा, गो सामियाओ गोधणं गहियं, सालिवइणो साली गहेऊण भरिया कणकोद्वारा। सहस्ससामिओ निद्धणो त्ति काऊण उवेक्खिओ। एवं च कय रज्जकज्जो रज्जधुरमणुपालेमाणो चिट्टइ। चाणक्को वि 'विवक्खबहलं रज्जति विसमिस्स थोवथोक चंदगुत्तो। वच्चइ कालो।
इओ य चंदगुत्त-पियपणइणीए धारिणी नामियाए देवीए गब्भाणुभावेण समुप्पन्नो डोहलो। तस्सासंपत्तीए कसिणपक्खससिमुत्ति व्व झिज्जिउमारद्धा। अन्नम्मि दिणे पुच्छिया राइणा-"पिए ! समम्मि साहोणे कि ण ते संपज्जइ जेणेवं दुब्बलासि?" तीए भणियं-"अज्जउत्त! तुमए सह मह एगभायण-भोयणे डोहलो।" चंदगुत्तेण भणियं-'पिए !
नं तहा करेमि जहा पूज्जति ते मणोरहा। अण्णम्मि दिणे पच्छिओ चाणक्को। तेण विभिउडि काऊण भणिओ चंदगत्तो-'अरे ! वृषल ! स्वतंत्र इव लक्ष्यसे नेदं कर्त्तव्यं' लिओ चंदगुत्तो । अण्णम्मि दिणे भुंजमाणस्म चंदगुत्तस्स सविहमाग़या धारिणी। साहिलासमवलोएमाणी दळूण नियभायणे एत्थ पच्छन्नं चेव भुंजाविया चंदगुत्तेण . १ सइ सु० जे०।२ धउ जे०।३ भज्ज मन्न य जे०। ४ त्थि पासओ जे० ।५ गिरि जे० । ६ क्खमंगुलं पा० । ७ जेण तं दुब्बलासि जे० । ८ मि जेण पु० जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |