Page Text
________________
जुगाइ जिणिद-चरियं
रोहओ न फिट्टइ । लक्खण-बलेणं' नायमेयं मए पच्चओ इह एसो ओसारयंताणं अम्हाण २ रोहओ ओसरिंही तओ एवं साहिऊण जणस्स निग्गओ नयराओ । पत्तो निययावासं साहिओ एस वृत्तंतो चंदगुत्तपव्वयाणं । जया हं पविसामि नगरमज्झे' तथा तुम्भेहि पच्छाहुतं ओसारियव्वं" ति भणिऊण पविट्ठो नयरं । तओ जहा जहा अर्वाणति नागयाओ इंदकुमारियाओ तहा तहा ओसरड़ नयररोहओ । तओ लोएण दिट्ठपच्चएण' मूलाणि वि खणियाणि । तओ पुणरवि वेढियं नरं । भग्गं च । एवं भंजिऊण तं नगरं गया पाडलिपुत्तं । निस्संचारं च रोहिउं ठिया । करेइ य तं दिणे दिणे महंतं संगरं नंदो । एवं च वच्चंतेसु दिवसेसु जाव उवक्खीणो नंदो । तओ नंदराइणा मग्गियं धम्मदुवारं । दिण्णं च तेहि जहा 'एक्रहेण जं सक्कसि तं नीणेहि ।' तओ नंदराया 'धिद्धि त्ति रायलच्छीए खणदिट्ठनट्ठाए जा खणमेत्तं रमणीया होऊण विणा वि कारणेण सहसा खलमहिल व्व विलोट्टई इय चितयंतो दो भज्जाओ एवं च कन्नयं पहाणरयरणाणि य रहे समारोविऊण निग्गओ । निग्गच्छंतस्स य सा कण्णया चंदगुत्तं पलोइउमाढत्ता । तओ तं पलोयंतीं दं ण भणिया नंदराइणा - 'भद्दे ! जइ रोयइ ता बच्चा हि ।' तओ नंदराइणा एवं भणिया समाणी उत्तिन्ना रहाओ चंदगुत्तरहं च समारुहंतीए भग्गा नव अरगा । 'अवसउणो त्ति मम मण्णमाणेण निवारिया चंदगुत्तेण । चाणक्केण भणियं -' मा निवारेसु नवपुरिसजुगाणि तुह रज्जं होहिइत्ति महासउणो एस । तओ समारूढा कण्णया रहम्मि पविट्ठा यः ते नवरब्भंतरे । विभत्तं दोहिं विभागेहि सव्वं रज्जं । तओ पविट्ठा राय-भवणं दिट्ठा पवरपल्लंक गया तत्थ एगा कण्णगा । तओ चाणक्केण 'सत्तुकण्णया सोहणा न भविस्सइ' त्ति चितिऊण संलत्तो चंदगुत्तो - ' जेट्टो भाया तुह एसो, परिणीय तर एगा नंदकण्णगा' ६ एसा पुण एयस्स हवउत्ति । भणिऊण निवारिओ चंदगुत्तो । तओ महया विच्छड्डेण समाढत्ता राय - कण्णया परिणेडं पव्वयगेण । तओ गहिओ करो कण्णगाए नरिंदेण जाव य प्याहिणी करेइ हुयासणं ताव कण्णगा कराओ विभावि त्ति काउं संकतं घोरविसं । तक्खणं स तस्स पव्वयगराइणो । तओ सो वि सवेगवेविरसरीरो एवं भणिउमाढतो - " भो भाय ! चंदगुत्त, 'मरिज्जइ मरिज्जइ'त्ति तओ तं वयणं सोऊण पहाविओ चंदगुत्तो । विसवेगं नाउ 'संभामि विसं' ति जावाणवेइ पुरिसे ताव चाणक्केण अइभीसणा भिउडी कया नीईवयणमिणं सरंतेण भणियं चणेण-'
७
५२
तुल्यार्थं तुल्यसामर्थ्यं मर्मज्ञं व्यवसायिनम् अर्द्धराज्यहरं मित्रं यो न हन्यात् स हन्यते ।। ६०२ ।।
नाऊण तब्भावं ठिओ चंदगुत्तो । पव्वयगो वि पंचत्तमुवगओ । तओ दोसु वि रज्जेसु चंदगुत्तो चेव राया जाओ ।
इओ य नंदराया संतिया पुरिसा चोरियं करेंति । चाणक्को वि चोरग्गाहमग्गणत्थं परावत्तियवेसो भिक्ख भइ । तओ पेच्छइ नलदामकुविंदं पडयं वुणमाणं, तस्स य पुत्तो रममाणो मक्कोडएण खइओ । सो य रुयंतो पिउणो निबेएइ तेण वि' मक्कोड बिलं खगेऊण कारीसं पक्खिविय सव्वे दड्ढा । चाणक्केण भणियं किं निमित्तं एए दड्ढा ? " कुविदेण भणियं - "एगेण मक्कोडएण मह सुओ ख़इओ ।" चाणक्केण भणियं - "सेसेहि किमवरद्धं ?" कुविदेण भणियं"जओ दोसो उट्ठइ सो तज्जाइविणासेगं उवसमति" 'सोहणी एस नयरारक्खिओत्ति ठिओ चाणक्कचित्ते । घरं गएण यद्दाविओ, ठविओ, आरक्खिय-पए । तेण वि वीसा सित्ता? भणिय । सव्वे वि तक्करा जहा - 'विलसह संपयं जहिच्छाए अम्ह चेव रज्जं” । तओ अन्नम्मि दिणे सव्वे वि सपुत्तकलत्ता निमंतिया । भोयणोवविद्वाण य दाराई पिहित्ता गेहूं पज्जालिऊण उत्थाइया सव्वे वि तक्करा ।
त नगरस् सुत्थे जाए पुणो वि 'को मज्झ अहिओ ?' त्ति चितंतस्स कप्पडियत्तणे अदिष्णभिक्खो चडिओ चिते एगो गामो । रुसिऊण य तस्सोवर दिण्णो गामेल्लयाण खुद्दारसो- 'जहा तुम्ह गामे अंबया वंसा य संति, ता अंबगे छेतूण वंसाण वाडि करेह ।” तओ तेहि गामेल्लएहिं परमत्थमयाणमाणेह नियबुद्धीए 'अंबगा रक्खणीय' त्ति रायाएसो संभाविज्जइ'त्ति परिभाविऊण वंसे छिदिऊण अंबयाणं पायारो कओ । तओ विवरीय वयण-करण छिद्दं लहिऊण दाराणि पिहिता सव्वो पलीविओ गामो ।
१ लक्खेग जे० । २ ताणं तुम्हाणं प० ३ नयर मंतरे पा० । ४ ओसरियव्वं जे० । ५ दिट्ठापच्च पा० ६ एगा कण पा० । ७ दत्ता सकण्णया जे० ' ८ भामिय पा० । ९ मंकोड पा० । १० विसामित्ता जेः ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |