Page Text
________________
गाइजिणिद-परिय 'अन्यथैव विचित्यन्ते पुरुषेण मनोरथाः । देवेनाहितसद्भावाः कार्याणां गतयोन्यथा ॥६२९॥ .. अन्नह परिचितिज्जइ सहरिसकंडुज्जएण हियएण। परिणमइ अन्नह च्चिय कज्जारंभो विहिवसेण ।।६३०।।
ता 'किमंधस्स रज्जेण?' दिण्णो एगो गामो। सवक्किपुत्तस्स य दिण्णा कुमारभुत्तीए उज्जेणी । कुणालो वि अईवगंधव्व-कला-कुसलो, गंधवपसत्तो चेव चिट्ठइ ।
एत्थंतरम्मि य सो कोसंबी-दमग-जीवो अज्जसुहत्थि सया सगहियअव्वत्तसामाइयपभावाओ समुप्पनो तस्स कुणालस्स भज्जाए सरयसिरीए गब्भम्मि पुत्तत्ताए। संजाओ य तिसु मासेसु वइक्कतेसु जिण-साहु-पूय। इदोहलो । पूरिओ य जहासत्तीए कुणालेण । पसूया य कालक्कमेण सरयसिरी। वद्धाविओ य दासचेडीए कुणालो पुत्तजम्मेण । तओ 'घुल्लमायाए विहिलीकरेमि मणोरहे, गिण्हामि निययरज्जं ति चितिऊण निग्गओ गामाओ कुणालो। कमेण गायंतो पत्तो पाडलिपुत्तं । तत्थ वि मंतिसामंताईण गेहेसु गायमाणेणं रंजियं संयलं किनगरं । भणित्रं च पयत्तो सव्वलोगो । अविय
पच्छन्नवेसधारी हाहा हूहूण को वि अन्नयरो । एसो किं वा वि सयं समागओ तुंबुरू नूणं ? ॥६३१।। किं वा गंधव्वेसो किंवा विहु किन्नरो नरो अहवा ? । एवं जपंताणं लोयाणं रायपासम्मि ॥६३२।। संजाओ उल्लावो कोहलपूरिएण तो रना । हक्कारिओ कुणालो गायइ अह जवणियंतरिओ ॥६३३।। जम्हा हु 'पुहइपाला ! नियंति वियलिदियं नरं नेय' । तम्हा अदूरपासे ठविओ सो जवणियंतरिओ ॥६३४।। गायंतेण य तेणं धणियं आवज्जिओ धरणिनाहो । भणइ 'वरं वरसु तुमं गंधव्विय ! दिज्जए जेण' ।।६३५।।
तओ कुणालेण भणियं-- चंदगुत्तपपोत्तो उ बिंदुसारस्स नत्तुओ । असोगसिरिणो पुत्तो, अंधो जायइ कागिणि ॥६३६।।
राइणा वि नाऊण निययतणयं बाहजलभरियनयणजुयलेण' अविणऊण जवणियं निवेसिओ निययउच्छंगे। भणियं च-पुत्त! किमप्पं जाइयं ?' तओ मंतीहि भणियं-“देव! न एयमप्पं किंतु पभूयं, जओ राइणं रज्जं कागिणी भण्णइ । पिउणा भणियं-"पुत्त ! किमंधस्स रज्जेण? तेण भणियं-'ताय ! पुत्तो मे करिस्सइ रज्ज।' राणा जंपियं-'कया ते पुत्तो समुप्पण्णो?" तेण लवियं ताय ! “संपाइ"त्ति । तओ संपई चेव नामं जायं। उचियसमए आणावेऊण निवेसिओ रज्जे। कालक्कमेण जाओ पयंडसासणो नरवई। साहियं च अद्धभरहं । ओयविया य बह अणारियदेसा ।
अण्णया य उज्जणी संठियस्स रण्णो जियसामि-पडिमावंदण-निमित्तमहासंजम-विहारेणं विहरमाणा समा गया अज्जसुहत्थिसरिणो। ते य कयाइ हट्टमग्गेण वच्चमाणा गया दिट्टिगोयरं । आलोयणठियस्स राइणो दट्टणं चितियमणेण-"हंत ! कहिं चि मे दिट्ठिपुव्व व्व पडिहासंति एए। ता कत्थ मन्ने दिट्ठपुव्व ?' त्ति ईहापोहं करेमाणस्स जायं जाईसरणं। सुमरिय पुव्वभववइयरो। गओ सूरिसमीवे । वंदिया सूरिणो। वियसियवयणकमलेण भणियं राइणा-'भयवं! चरणस्स कि फलं?" सूरिणा भणियं-'सग्गापवग्गा।'' 'अवत्तसामाइयस्स कि फलं ?" सूरिणा भणियं-"महाराय ! "महारज्जाइसुहसंपत्ती ।" तओ संजायपच्चएण भणियं महीवइणा-“एवमेयं, नत्थेत्थ संदेहो, परं किं पच्चभिजाणह नव ति ममं ? 'सूरिणा भणियं-'अड्ढभरह पइट्ठियसासणं दुईत-नरवइ-सासणं महिड्ढियरायाणं को तुमं न याणइ ।” रन्ना भणियं-“सामन्नमेयं विसेसेण जाणिऊण भणंतु भगवंतो।" तओ सूरीहि उवओगं दाऊण भणियं-'सुठ्ठ जाणामो, जओ तुम पि कोसंबीए मम सीसो आसि ।" तओ 'भयवं! एवमेयं'त्ति भणमाणेण पुणो वंदिया सूरिणो। रन्ना भणियं-"पुणो
१ जियं सव्वं नयरं पा० । २ च सम्बो पयतो लोगो पा० । ३ राया वि पा० ४ भरिज्जमान नय पा० । ५ ओ उच्छंगे पा० । ६ कहिं दिट्ट मम पुव्व पडि० पा० । ७ राय ! रज्जाइ० पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |