Page Text
________________
.१०
जुगाइजिणिद-चरियं
ऊण भणियं-'अस्त्वत्र इंडिका मे स्थास्यति' इति कुंडियं ठवेइ । पुणो वि अन्नं दंसियं । तत्थ तिदंडं मुयइ । अन्नत्थ जन्नोववीयं । एवं जं जं ठविज्जइ तं तं रुंधइ । तओ 'धट्टो'त्ति रुटूण राइणा पाएसु गहिऊण कड्ढाविओ। उद्वित्ता य रुट्रो पइण्णं करेइ। - यथा-- कोशेन भृत्यैश्च निबद्धमूलं, पुत्रश्च मित्रश्च विवृद्धशाखम् । उत्पाटय नंदं परिवर्त्तयामि, महाद्रुमं व युरिवोग्रवेगः ।।५९९।।
जइ एयं न उप्याडेमि' तो ण एयं छोडेमि'त्ति सिहाए गंठि बंधइ । जं तुज्झ पिउणो रोयइ तं करेज्जासु'त्ति । भणमाणेहिं रायपूरिसेहिं निच्छुढो । तओ निग्गंतूण नयराओ चितिउमाढत्तो-'जहा कया मए' कोहाभिभएण माणमहामहीहरसमारूढण महई पइण्णा, सा य नित्थरियव्वा । यत उक्तं-- तरियब्वा य पइनिया मरियव्वं वा समरे समत्थएण । असरिसजणउप्फेसणया न हु सहियत्वा कुले एसएण ।।६००॥
ता कहं नित्थरियव्वं ? ति चिंतयंतस्स पुव्वसमायन्नियं चडियं चित्ते गुरुवयणं-'जहा मए बिंबंतरिएण राइणा भवियव्वं ।' न उण तेसिं महाणुभावाणं जहट्टियवत्थुवाईणं वयणमन्नहा भवइ । ता 'गवेसामि किंपि बिंब ति' । चितिऊण परिव्वायगवेसं विउव्विऊण गओ नंदस्स रन्नो मोरपोसगगामं । समुयाणंतो पविट्ठो मयहरगेहं । जाव पेच्छइ तत्थ सव्वमाणसाणि उब्बिग्गाणि । पूच्छिओ य चाणक्को तेहिं जहा-'भयवं ! जाणासि कि चि?' चाणक्केण भणियं-सव्वं जाणामि ।' तओ तेहिं भणियं 'जइ एवं ता अवणेहि मयहरध्याए चंदपियणदोहलयं, जओ-दोहलयअसंपत्तीए कंठगयाणा सा वराई, ता देहि पसायं काऊण माणुसभिक्खं ।' तओ 'हंत ! भवियव्वं इमीए गम्भे मम मणोरहापूरणसमत्थेण केणावि सुपूरिसेणं' ति चितिऊण भणियं चाणक्केण 'पूरेमि अहमिमीए दोहलयं जइ मे गब्भं पयच्छह 'त्ति। तओ 'इमीए जीवमाणीए अण्णे गब्भा भविस्संति' त्ति सामत्थेऊण पडिवण्णं तेहिं । सक्खिसमक्खं च काऊण काराविओ चाणक्केण पडमंडवो । पुण्णिमा-रयणीए य नयलमज्झभागट्ठिए ससहरे कयमुवरि छिड्ढं । ठावियं च सव्व रसड्ढखीर पडिपुण्णं हेटुओ थालं । भणिया य सा-'पुत्ति ! तुज्झ निमित्तेण मए मंतेहिं आगरिसिऊण आणिओ एस चंदो। ता पियसु' तओ सा सहरिसं चंद' ति मनमाणी' जत्तियं जत्तियं पिवइ तत्तियं-तत्तियं उवरि पुरिसो उच्छाडेइ । जाव सब्बं पीयं। पुच्छिया-वच्छे ! 'पीओ चंदो?' सा भणइ-'आमं ' तओ सा निव्वुइहियया गब्भमवहई । चाणक्को वि पूरिऊण दोहलयं दव्वापायणनिमित्तं गओ पव्वय-विवरेसु । तत्थ य धाउब्वायपओगेण समावज्जियं किंचि दविणजायं। आगओ य कालंतरेण पत्तो पओससमए तं चेव गामं । पेच्छइ गामस्स बाहिं सव्वलक्खणसंपुण्णं दारयं । राय-नीईए रममाणं धलीमय-गाम-नगरदेसंतराणि डिभरूवाण विलहंतं । परितुदचित्तेण भणियं चाणक्केण -“अहं बंभणो मम वि किंपि दिज्जउ ।" चंदगुत्तेण भणियं-'तुमं पुण इमाओ पविसंतगावीओ गिण्हसु ।” चाणक्केण भणियं-'मा को वि मारेज्जा?' चंदगत्तेण भणियं-'राया देइ चेव पालिज्जइ पूण नियबलेण। जओ-'वीरभोज्जा वसुंधरा ।' चाणक्केण चितियं-'वयणविन्नाणं सूरत्तणं पि विज्जइ जोगो एस मम मणोरहा पूरणं काउं।. यत:-- शूरे त्यागिनि विदुषि च वसति जनः स च जनाद्गुणी भवति । गुणवति धनं धनाच्छी श्रीमत्याज्ञा ततो राज्यम् ।।६०१।।
एवं विचितिऊण पुच्छिो एगो डिभो । जहा कस्स एस दारगो ? । किं नाम धेज्जो वा ? .
तेण भणियं-'मयहरध्या पुत्तो परिव्वायगस्स दिनेल्लओ चंदुगुत्तो नाम एसो । सो त्ति हरिसभरनिब्भरंगेण भणिओ चंदगत्तो चाणक्केण-'अहं सो परिवायगो एहि वच्छ ! जेण रायाणं करेमि ।' चंदगुत्तो विजमाणवेइ अज्जो'त्ति भणमाणो लग्गो पिट्टओ। चाणक्को वि जणणि-जणयाणनायं घेत्तण चंदगत्तं पलाणो। काऊण बलसामग्गी कओ चंदगुत्तो राया। ठिओ अप्पणा मंति-पए। गंतूण रोहियं पाडलिपुत्तं । निग्गओ चउरंगबलसमेओ नंदराया । पयट्टमाओहणं
र तो णयं न जे०।२ मया को जे० । ३ दो ठाविथसु त्ति जे० । ४ माणी जत्तियं जे० ।५ यइ तत्तियं पा०। ६ गभं वहइ पा० । ७ दम्मुप्पाय. पा० । ८.सहिओ पा०1
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |