Page Text
________________
कुणालकहा
पुच्छिया साहुणो- "किमेस वराओ ?” साहूहि भणियं - " भयवं ! पिंडोलगो एस।" तओ सूरीहि दिण्णसुयनाणीवओगेहि 'पवयणपभावगो भविस्सइत्ति कलिऊण भणिओ - " भद्द ! जइ पव्वयाहि तो देमो ते जहिच्छियमाहारं ।” 'एवं होउत्ति तेण पडिवण्णे अव्वत्तसामाइयं दाऊण दिक्खिओ भुंजाविओ य सिणिद्धाहारेण । पओससमए जाया विसूइया । समुपपन्नवेयणो सूरीहि सम्मं पडियरिओ 'अहो धम्माणुभावो' त्ति संजायसुहपरिणामो मरिऊण समुप्पन्नो अंधयकुणालकुमार पुत्तो को सो कुणालो ? कहं वा अंधओ जाओ ?" त्ति एवं साहिज्जइ ।
कुणालकहा-
अथ इहेव जंबुद्दीवे दीवे भारहे वासे गोल्लविसए चणयग्गामो नाम गामो । तत्थ य रिउवेय- जजुव्वेय-अथव्वणवेय- सामवेयजाणगो सिक्खा वागरण- कप्प छंद-निरुत्त-जोइसवियक्खणो मीमांसा -नाय- वित्थर - विऊ धम्म-सत्थ-वियारचउरो चणी नाम माहणो । सो य महासावगो। तस्स घरेसु य सागराभिहाणा सूरिणो ठिया ।
४९
अण्णा य तस्स माहणस्स घरिणी सावित्ती नाम समुग्गयदाढं दारयं पसूया । उचियसमए नामं कयं चाणक्को ति । पाडिओ सूरीण पाएसु साहिओ दाढवुत्तंतो । सूरिणा भणियं - "राया भविस्सइ । घरं गएण चिति माहणेण" - कह महं पुत्तो भवियमणेगाणत्थनिबंधणं महारंभाइपावद्वाणकारणं रज्जं करिस्सइ ? ता तहा करेमि जहा न करेइ एस रज्ज" ति । घट्ठाओ दाढाओ। पुणो वि साहियं गुरूणं । तेहि भणियं, दुट्ठ कयं । जओ-
. जं जेण पावियव्वं सुहं व दुक्खं च जीवलोगम्मि । सो तं लहइ अवस्सं को किल तं अन्नहा काही ।। ५९७ ।।
ता संपयं विबंतरिओ राया भविस्सइ । तओ कमेण जोव्वणमणुपत्तो चाणक्को, पढियाणि तेण वि चोट्स विज्जाठाणाणि । परिणाविओ पिउणा समाणकुल-सील - माहणदारियं । उवरओ पिया 'सावओ' त्ति अप्पसंतुट्ठो कालं ias arrest | अण्णया कयाइ गया चाणक्क-घरिणी भाइ-विवाहे पेइय-धरं । अण्णाओ वि महिड्ढियमाहणपरिणीयाओ समागयाओ भगिणीओ तासि अम्मापियरो भाउणो य गोरवं कुणंति । इयरा पुण 'दरिद्द-घरिणि' त्ति काऊण परिभविज्जत्ति ' कम्मं चकाराविज्जइ वयणमेत्तेण विन को वि संलवइ । वित्ते य वीवाहे इयराण वरवत्थाहरणालंकारा इएहि महंतो उवयारो कओ । तोसे जं वा तं वा । तओ सा धिसि धिसि दरिद्दभावस्स जत्थ माया - वित्ताणि वि महापरिभवं जणयंति अ- हट्ट सट्टा चिता-सोय- सागरगया पत्ता पइगेहं । दिट्ठा चाणक्केणं हा ! किमेयं ? जमेसा पिइघराओ समागया वि ससोगा far लक्खिज्जइ । पुच्छिया खेयकारणं । निरुद्धसद्दं रुयइ चेव न किंपि जंपइ पुणो पुणो भण्णमाणीए भणियं'तुमं चैव मह खेयकारणं जेणाहं तुह दरिट्स्स करे विलग्ग' त्ति काऊण माया-वित्तेण सुहिसयणवग्गेण य अवमाणिया, इयरभणीओ पुण ईसरधरिणीओ त्ति काऊण सम्माणियाओ । चाणक्केण चितियं- 'अहो मे जहनत्तणं ! परिभवो न उण एयाए । जओ-
एस महं
कण्णकडुयं पि वयणं घेप्पइ अमयं व धणसमिद्धस्स । अदितस्स वि लोओ करेइ कज्जं धड्ढस्स ।।५९८।।
ता पाडलिपुत्ते नयरे नंदो माहणाणं सुवण्णं दक्खिणाए दलयइ ४ । तत्थ वच्चामि त्ति चितिऊण गओ । पविट्ठो य कहि चि दिव्वजोएण रायसहाए। दिट्ठ ं च पुब्व - राय - निमित्तमुवकप्पियमपरिभोगमासणं, निविट्ठो तत्थ चाणक्को । इओ य सव्वालंकारविभूसिओ सह नेमित्तिएण समागओ नंदराया। चाणक्कं च सिंहासणगयं दट्ठूण जंपियं नेमित्तिएण - '-' देव ! एस बंभणो नंदवंसस्स छायमवहरिय ठिओ, तो कोवमकुणंतेहि सामेण विणएण य उट्टवेयव्वो ।" तओ राइणा दवावियमनमासणं । भणियं च दासचेडीए "भट्ट ! एयं रायसी हासणं, ता संपयं पसायं काऊण एत्थ उवविसह ।” चाणक्केण चितियं- 'पढमं ताव एयमजुत्तं जमदिण्णे आसणे उवविसिज्जइ एयं पुण अजुत्तत्तरं जं निसन्नेहि उट्ठविज्जइ' त्ति । सामत्थे -
१- परिभविज्जइ जे० । २ लक्खीयइ जे० ।
३ तुमहं जेष पा० । ४ ददति पा० । ५ ता पसायं जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |