Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 89

४८
जुगाइजिणिंद-चरियं
"भयवं! वंकपहेण सिवपुरं पइ पयट्टाणं किमणुटुाणं जीवाणं?" भगवया भणियं-"भद्दे ! पढममेव दुविहधम्मकप्पपायव-बीयभूयं सम्मत्तं पडिवज्जियव्वं । मिच्छत्त-मोह-मोहिओ जीवो अंधो व्व, सकज्ज-साहगो न भवइ जहा
एगम्मि नगरे एगो राया। तस्स दो पुत्ता बाहत्तरि-कला-वियक्खणा सूरसेण-वीरसेणा । ताण पढमो जम्मंधो-सद्द वेही य । बीओ पुण सज्जक्खो समरवियक्खणो य । अण्णया पारद्धो ताण पिया सत्तु-नरिदेण वेढियं नयरं। निरुद्धा निग्गमप्पवेसा। विन्नत्तो सूरसेणेण राया--"ताय ! विसज्जेसु मं जेण पराणीयं पराजिणामि"। विसज्जिओरना । ससहाओ पत्तो पराणीयं । जत्थ जत्थ सदं सुणेइ तत्थ तत्थ सावणघणो व्व निरंतरं नाराय-धारा-धोरणीहिं वरसिउमारतो' । इओ तओ विसंठुलं वयंतो समरंगणो वियाणि वि पक्ख-नरिंद-जोहेहिं । जहेस अंधो सद्दवेही य । तओ भरं काऊण अवयणा चेव तदुवरि निवडिया। एत्यंतरे जणयाणुन्नाओ पवर-करिवरारूढो समागओ समरससीसं 'वीरसेण-कुमारो । तहा जुज्झिउं पवत्तो जहापयंड पवण-पणोल्लियं व मेहवंदं दिसोदिसि पणटुं सत्तुबलं । मोयाविओ जेट्र-भाया । पत्ता रणंगणे जयपडाया। पसंसिओ सयललोएण । परितुद्रमाणसेण पिउणा पइट्रिओ नियपए। जाओ सयलसोक्खाण भायणं । ता भद्दे !
कुणमाणो विय निवित्ति परिच्चयंतो वि सयण-धणभोए। देंतो वि दुहस्स उरं मिच्छदिट्ठी न सिज्झइ हु॥५८५॥ तम्हा कम्माणीयं जेउमणो दंसणम्मि पयएज्जा । दसणवओ हि सहलाइं हंति तव-नाण-चरणाणि ॥५८६।। .
देवम्मि देवबुद्धी गुरुम्मि तह चेव होइ गुरुबुद्धी। धम्मम्मि धम्मबुद्धी तत्तेसु य तत्तबुद्धि त्ति ॥५८७।। एयं इह सम्मत्तं तव्विरीयं च होइ मिच्छत्तं । एसो इह संखेवो सेसो पुण वित्थरो तस्स ।।५८८।। सम्मत्तलद्धबुद्धी सद्धा-संवेग-पुलइय-सरीरा । सोऊण सरिवयणं जाया निन्नामिया धणियं ।।५८९॥ मिच्छत्ताओ विरमिय तिविहं तिविहेण भणइ गुरुपुरओ। अरहंतो मह देवो निस्संगो दक्खिणो साहू ॥५९०।। जिणपन्नत्तो धम्मो तत्ताणि य जिणवरेहिं भणियाणि। सेसमसारं सव्वं जा जीवं मज्झ पडिवत्ती ।।५९१।। नो मे कप्पइ लोइयदेव य गरुवंदणाइयं काउं । तित्थेस दाण-पहाणय पेयाण पिंडप्पयाणं च ॥५९२।। कप्पइ पुण तिक्कालं चीवंदण-पूयणाइयं निच्चं । समणाण संजयाणं फासुयमसणाइदाणं च ॥५९३।। रायाभिओग-गण-बल-देवय-गुरुगरुय-वित्तिकतारं । मोत्तणं सम्मत्ते पडिवत्ती मज्झ जा जीवं ।।५९४।। एवविहेण विहिणा जगंधरायरियपायमूलम्मि । निन्नामिया पवना सम्म छडिडिया सहियं ।।५९५।।
तओ जुगंधरायरिएण भणियं-'भद्दे ! सम्म परिपालिय इह परलोए वि गुणावहं । एत्थसंपइराया उदाहरणंसंपइराया उदाहरणं--
तस्स का उप्पत्ती ? तत्थ थूलभद्दसामिणो दो सीसा दस पुव्वधरा-अज्जमहागिरी अज्जसुहत्थी य । तेसि दोण्हं पि थूलभद्दसामिणा पिहं पिहं गणा दिण्णा । तहा वि पिईवसेण एक्कओ चेव विहरती । अण्णया य कयाइ अप्पडिबद्धविहारेण विहरमाणा कोसंबि नाम नरिं गया । संकिण्णवसहिवसेण तत्थ भिण्णभिण्णा ठिया। तम्मि य काले तत्थ परिवदुलं वट्टइ । तओ अज्जसुहत्थि साहु-संघाडओ भिक्खानिमित्तं धणसत्थवाह-गेहमणुपविट्ठो। दळूण पविसंते साहुणो सपरियणो अब्भट्रिओ धणो। वंदिऊण सबहुमाणं पडिलाहिया मणण्णाहारेण । सो वि सावसेसो तेहिं गहिओ पच्छाकम्मभएण, तओ पुलइयंगेण वंदिऊण अणुव्वइया सत्तट्रपयाणि। एयं च सव्षं दिट्रभिक्खा पविण एगेण दमगेण । चिंतियं चणेण-'अहो ! सुलद्ध मे एसि जम्म-जीवियफलं जे दिज्जंतयं पि न गेण्हति । अम्हे पुण मग्गंतया वि न लभामो ता एए चेव परमकारुणिगा जहिच्छियलद्धाओ मम किंचि दाहिति।' चितिऊण मग्गिया साहणो। तेहि भणियं"भद्द ! न अम्हे एयस्स सामिणो अवि य गुरुणो
तओ मग्गाणुलग्गो समं साहूहिं गओ वसहीए। दिट्ठा अज्ज सुहत्थिसूरिणो तेहि वि सो दमगो ॥५९६॥
१. माढत्तो पा.। २. विसंथुलं पा.। ३. समरसमीवं वीर. जे. ।