Page Text
________________
धनसत्थवाह-कहा
धण्णसत्थवाह-कहा
वसंतपूरं नाम नयरं । तत्थ णं अपरिमिय-धणो धणो नाम सत्थवाहो वसंतपुराओ निव्वुइपुरं पइ पत्थिओ। घोसणं' करावेइ-'जो णं मए सह निव्वइपुरं पइ पय तस्स णं खाणेण वा पाणेण वा वत्थेण वा पत्तेण वा छत्तण वा उवाणहणेण वा जो जेण अत्थी तस्स तं संपाडेमि । तं सुणिय समागया बहवे पाणिणो। तओ सो तेसि पिडियाणं पंथगुणे साहेइ-"भो भो लोया ! निव्वु इ-पुरं पइ पयट्टाणं दोन्नि पहा । उज्जुगो वंको य । तत्थ णं जो सो वंको तत्थ णं पए पए पयाणि, ठाणे ठाणे पत्त-पुफ्फ-फलमणोहरा महीरहा, सुलहाणि भोयणाणि, सुहं सुहेण गम्मइ । परंपगए सो वि उज्जय-पहं समोयरइ। अओ तेण चिरकालेण निव्वइपूर पाविज्जइ । जो पूण उज्जुगो तेण लई गम्मइ । किच्छेण य कहं ? सो अईवविसमो सण्हो य । तत्थ ओयारे चेव दुवे महाघोरा वग्घ-सीहा परिवसंति । ते तप्पभिई चेव मग्गओ लग्गति अमुयंताण य पंथं न पहवंति । अवसाणं च जाव अणुवटुंति । रुक्खा य एत्थ एगे मणोहरा। तेसि पूण छायासु विन वीसमियव्वं । मारणप्पिया खु सा छाया। परिसडिय पंडु-पत्ताणं पुण अहो मुहुत्तर्ग वीसमियव्वं ति । मणोहर-रूव-धारिणो महुर-वयणेणं" एत्थ मग्गंतरट्ठिया बहवे पुरिसा हक्कारेंति तेसि वयणं न सोयव्वं । सत्थिगा य खणं पि न मोत्तव्वा । एगागिणो य नियमा भयं दुरंतो य घोरों दवग्गी अप्पमत्तेहिं 'उल्हवेयव्वो। अणोल्हविज्जतोय नियमेण दहइ । पुणो य दुग्गुच्च-पव्वओ अप्पमत्तेहिं चेव लंघेयव्यो । अलंघणे नियमा मरिज्जइ।" पुणो महइ अइ-गुविल-गव्वरावंस" कुडंगी सिग्घं लंघेयव्वा । तम्मि ठियाणं बहू दोसा । तओ लहुगो खड्डो । तस्स समीवे मणोरहो नाम बंभणो निच्चं सन्निहिओ अच्छइ । सो भणइ-"मणागं पूरेह २एयं ति तस्स वयणं न सोयव्वं सो ण पुरेयव्वो" सोख पूरिज्जमाणो महल्लतरो हवइ । पुरिजं न सक्का, पंथाओय भज्जिज्जइ । फलाणि य एत्थ दिवाणि पंचप्पयाराणि नेत्ताइसुहकाण । किपागाणं न पेक्खियव्वाणि न वा भोत्तव्वाणि। बावीसं च णं एत्थ घोरा महाकराला पिसाया । खणं खणमभिद्दवांत ते विणं न गणेयव्वा । भत्तपाणं च एत्थ विभागओ विरसं दुल्लहं च त्ति, उप्पयाणगं चेव न कायव्वं अणवरयं च गंतव्वं रत्तीए वि दो चेव जामासु वियव्वं सेस दुगे गंतव्वमेव । एवं च गच्छंतेहिं देवाणुप्पिया ! खिप्पामेव अडवी लंधिज्जइ। लंघित्ता य तमेगंतदोगच्चवज्जयं पसत्थसिवपुरं पाविज्जइ । जत्थ णं न जरा न मच्चू न य इट्ठविओगो. नाणिसंपओगो, न वा केइ किलेस ति। तओ तत्थ केइ तेण समं पयट्टा जे उज्जुगेण गंतु-मणा। अन्ने पुण इयरेण पहाविया । तओसो पसत्थे दिवसे उच्चलिओ। पुरओ वच्चंतो मग्गं आहणइ, सिलाइसु य पंथस्स दोसगुण-पिसुणगाणि अक्खराणि लिहइ । एत्तियं गयं एत्तियं सेसं ति विभासा । एवं जे तस्स निद्देसे वट्रिया ते तेण समं अचिरेण तं पुरं पत्ता । जे वि लिहियाणुसारेण सम्म गच्छंति ते वि पाविति । जे न वटिया न वा वट्टिति सीयलछायाइसु पडिसेविणो ते न पत्ता न न या वि पाविति एवं दवपहनायं । संपयं भावपह-नाए जोइज्जइ । सत्थवाहत्थाणीया अरहता। उग्घोसणा-थाणीया धम्मकहा । तडिगाइ-थाणीया जीवा । अडविथाणीओ संसारो। उज्जगो साह-मग्गो। वंको य सावय-मग्गो। निव्वुइपुरथाणीओ मोक्खो । वग्घ-सीह-तुल्ला रागदोसा। मणोहर-रुक्ख-च्छाया-त्थाणीयाओ इत्थीगाइ-संसत्तवसहीओ । परिसडियाइपाणीयाओ अगवज्ज-वसहीओ। मग्ग-तडत्थ-हक्कारण-पुरिसत्थाणीया पासत्थाइया अकल्लाणमित्तगा । सत्थिग-त्थाणीया साहू। दवग्गाइ त्थाणीया कोहादओ कसाया। फलस्थाणीया विसया। पिसाय-त्थाणीया बावीसं परीसहा । भत्त-पाण-चिरदुल्लह-त्थाणीयाणि फासुय-एसणिज्जाणि। अप्पयाणग-त्थाणीओ निच्चुज्जमो। रत्तीए वि जामदुगगमण-त्थाणीओ जामदुगे सज्झाओ। पुर-पत्ताणं मोक्ख-सुहं ति । एत्थयं तं पुरं गंतकामो जणो उवएसदाणाइणा उवगारी सत्थवाहो त्ति नमसइ । एवं मोक्खत्थीहि वि भगवं पणमियव्वो ति । एवं निनामिए ! को वि कस्स वि जोगो ति कलिऊण परमकारुणिर्गेहिं परोवयाररसिएहिं तित्थयरेहि जीवाणं नेव्वुइपुरस्स दोण्णि पहा पदंसिया ! निन्नामियाए भणियं१. घोसावणं कारवेइ पा० । २ तेसि सत्थियाणं पा० । ३ ते तओ पाए च्चेव-आवह पृ. ३८४ । ४. पुण महे म. जे. । ५. वयणा य जे.। ६. मग्गतडट्टिया जे.। ७. दुरंतो थोवो दव.जे. । ८. उल्लवेय. आवह
प.०३८४ ९. ओ उवतहि आवह. पृ.३८४ । १०. मरिज्जति आवह. प. ३८४ । ११. विल विच्छरायं पा.। विल गह्वरायजे.। १२. पूरेहि आवह प. ३८४ । १३. न सोयन्वं सो ण पूरेयव्वो आवह. ३८४ ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |