Page Text
________________
सिरिरिसहनाहस्स महाबल - भवो
सव्वं विलवियं गीयं सव्वं नट्टं विडंबणा । सव्वे आहरणा भारा, सव्वे कामा दुहावहा । । ।४३७ || गीरइणा भणियं - " जइ गीयं विलवियं तो निरत्थयं विहिणो कण्णकरणं ।" नट्टरइणा भणियं - " जइ नट्टं विडंबणा तो नयणनिम्मावणं 'पि विडंबणा ।" चंदाणणाए संलत्तं - " जइ आहरणा भारा तो गया सिंगारा ।" चंदमुहीए पयंपियं- " जइ हरिहर - पियामह (पमुह ) परमपुरिससेविया परमपहपयट्टमुणिगणपत्थणिज्जा कामा दुहावहा तो मुद्दिया सुहसंकहा । " एवं पयंपिऊण न जावज्जवि विरमंति ताणि ताव पयंडपवण १ हयपईवो व्व दिट्ठनट्ठो ' जाओ गंधव्वपिओ नाम किंनरो । पियविप्पओगदुदुहिया अत्थमियतिहुयणं व पणट्टसव्वस्स व अत्ताणं मन्नेमाणी परिहरिय गीयं कलरिभियमहुरघोलिरसरं पुणो पुणो पड़णो गुणे सरंती उसुंभिय पलावगब्भिणं रोविउ ५वत्ता सुलोयणकिन्नरी केलिकिल महिड्ढियवंतरा हिट्ठियसरीरा न विरमइ नच्चियव्वाओ नच्चणकिन्नरी । परिसाए भणियं - "भयवं ! विरमिएसु वि वेणु-वीणावायगेसु किमेसा गीयाओ इमा पुण नच्चियव्वाओ न विरमइ" त्ति । पियंकरायरिएण भणियं - “संसारविलसियमेयं ।" साहिओ परिसाए जहठिओ सव्वो वि किन्नरचवणाइवइयरो। गीयरइणा भणियं भयवं ! “किं कारणं पुव्वपयट्टगीयनट्टाओ न विसेसो लक्खिज्जइ ?" सूरिणा भणियं - "नणु पुव्वमेव कहियं गीयं विलवियं “ रुदितयोनिर्गीतमिति वचनात्", नट्टं विडंबना | " ग्रहगृहीतेन साम्यात्" । एत्यंतरे केलीकिलवंतरेण वि मुक्का नच्चणी । तओ विर मिया रोइयनच्चियव्वाओ । वंदिऊण पियंकरायरियं सपरियणाओ सट्टाणं गयाओ किण्णरीओ। संजाय पच्चएहिं भणियं गीयरइ- नट्टरईहि "भयवं ! एवमेयं नत्थेत्थ संदेहो । अवितहवाइणो तुब्भे ।" सूरिणा भणियं - " आहरणाणि पुण भारा कामा दुहावहा जहा इमासि चेव तुम्ह धरणीणं ।" तओ भणियमणेहिं - "कहि चिय ?" सूरिणा भणियं-" एसा चंदाणणा वराई कंधरा पिणद्धं सिलापुत्तयं वहइ । न उण भारं मन्नइ । एसा पुण चंदमुही मुहमहुरं विसयसुहं सुहं ति मन्नइ, न पुण परिणामदारुणत्तणं विया रेइ । परमत्थओ इहलोए परलोए य सत्तुसमा कामा । लौकिकैरपि यत उक्तं
श्रद्धेया विप्रलब्धारः प्रिया विप्रियकारिणः । सुदुस्त्यजात्य जन्तोपि कामाः कष्टा हि शत्रवः || ४३८ || शरदंबुधरच्छाया गत्वर्यो यौवनश्रियः । आपातरम्या विषयाः पर्यन्तपरितापिनः ।।४३९ ।
३५
नट्टरइणा भणियं - " भयवं ! कहं चंदाणणा कंठट्ठियं सिलापुत्तयं वहमाणी वि न जाणइ ? " सूरिणा भणियं - "सुणेउ अज्जो ! सहावेणेव सिंगारप्पिओ इत्थीयणो । एसा पुण विसेसेण तिलयचोद्दसगेणाहरणेणाहरिया परियडइ । अन्नम्मि दिणे घरंगणनिविट्ठेण समुप्पन्नपओयणेण भणिया एसा तुह वयंसएण - "पिए ! सिलापुत्तयं आणेसु आसंघिय पेमगुणाए भणियमणाए - "नाह ! नाहमेयं महाभारमुप्पाडेउं समत्या ।" इमिणा वि आणालंघणविलक्खेण आयारसंवरं काऊण चितियं चित्तेण - 'तहा मए कायव्वं जहेसा एयं कंठट्ठियं वहइ । पच्छण्णमेव मूले विधावेऊण खचिओ जच्चसुवण्णेण, मंडिओ पंचवण्णमहग्घमणीहि, पोइओ कणयमयसंकलेणं । अण्णम्मि दिणे भणिया चंदाणणा- "पिए ! तुह कए अउब्वं महारिहं महामोल्लं हीरयही रंतलोयलोयणं आहरणं मए कारावियं, ता करेसु भोयणसामग्गी, भोयावेसु सुहिसयणवग्गं जेण तस्स पुरओ महामहसवेण सहत्थेण तुह कंधराए आविधामि ।" तीए वि अकयकालक्खेवं तहेव संपाडियं । भोत्तायंतेसु विदिन्नपुप्फतंबोलेसु मंडवतलनिविट्ठेसु सुहिसयणवग्गेसु समाहूया तुह मित्तेण चंदाणणा । दिणयरकरनियरकरंबियकमलं व वयणकमलमुव्वहंती समागया । पिणद्धो सहत्थेण कंधराए तुह वयंसएणं सिलापुत्तओ । हरिसवसविसप्पमाणहियया इओ तओ परियडंती महिमंडले वि न माइ चंदाणणा । न मुयइ खणमवि कंधराओ । निरूविओ सविम्हयाए सव्वपरिसाए चंदाणणाकंठट्टिओ सिलाउत्तओ । एवं सुणिय परिहरियाहरणाहिलासा, लज्जाभरमंथरा, अहोमुही ठिया चंदाणणा । सूरिणा भणियं - " एवं परमत्थओ भारमाभरणं, परं सिंगारसंकप्पेण अभारमिव मन्नमाणो जणो वहइ ।" गीयरइणा चितियंअहो ! " नानिही भयवं जो पच्छण्णकयं पि पयडमिव ववहरइ ।” एत्यंतरे अणायारपवत्तं वणियसुय-बंभणदुहिया-जुयलयं
१. निम्माणि पिजे. । २. मह परम० जे० । ३. व्व पणट्ट न० पा० । ४. सरंती उसुरसुंभिय जे० । ५. केलिपिय जे । केलिकिलपा । ६. रा बर्द्ध पा ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |