Page Text
________________
जुगाइजिणिद-चरियं
रूवाइगुणगणरयणरयणायरं रइ व्व रइकारणं विणयवई नाम महारायकण्णयं । अहिसित्तो पिउणा नियपए। समप्पिओ सम्मद्दिट्टिमिच्छद्दिट्ठीणं कमागयाणं सयंबुद्ध-संभिण्णसोयनामाणं महामंतीण'। तओ कयकिच्चं अत्ताणयं मन्नतो तहाविहाणं आयरियाणमंतिए पव्वइओ सयबलनराहियो। परिपालियनिरइयारसामन्नो, कालं काऊण समाहिमरणेण मरिऊण देवलोगं गओ। राया वि महाबलो पसाहियासेसमही-मंडलो कुलक्कमागएहि समं सयंबुद्ध-संभिण्णसोयमंतीहिं परमसम्मद्दिट्टिमिच्छद्दिट्ठीहिं रज्जधुरमणुपालेइ ।
अन्नया य अच्चंतगीय-नट्टाहरणविसयविसविसंतुलं, धम्मायरणपरम्मुह, महाबलं निएऊण चिंतियं सयंबुद्धमंतिणा"एस राया कुलक्कमागओ पिउणा य समप्पिओ अम्होवरि अच्चंतविस्संभमवगओ। ता एयस्स मित्तपुत्तस्स सज्जणस्स बंधुणो अच्चंतोवयारपरस्स सामिसालस्स पाणेहिं पि अम्हेहिं उवयरियव्वं । उवयाराणं च एस परमोवयारो, जमविनायपरमत्यो दुग्गइमग्गपत्थिओ संसारमहासवासत्तो सत्तो परमकल्लाणपरंपराकारणे निरवायसोग्गइमग्गे जिणधम्मे बोहिज्जइ। एसो पुण अच्चंतभोगासत्तो पेच्छणयरुई, ता कहं बोहेयव्वो"? । एत्यंतरे विश्नत्तो मंती दोवारिएणं-"सामि! दाहिणदेसागया गायणा तुह दंसणुस्सुया दुवारे' चिट्ठति । को आएसो?" मंतिणा भणिय-लहं पवेसय; पवेसिया, कयपणामा य उवविद्रा, दंसियासणेसु लद्धावसरेहिं विण्णत्तो मंती--"नरवइपुरओ पेच्छणयं काऊमिच्छामो" मंतिणा भणियं।" । एवं करेह।" नीया नरवइसमीवे । दंसिया राइणो। साहिया विन्नत्ती। पडिवण्णं राइणा। लद्धावसरेहि, पारद्धं पेच्छणयं । पहाणवत्थाभरणविभूसियसरीरो, समयसमुचियकयविलेवणो, भालयलविहियसुगंधमियमयतिलओ, सरससुगंधकुसुमकयसेहरो, समं सयंबद्धसंभिण्णसोयमंतीहिं पहाणपरियणेण य पेच्छणयमंडवमागओ राया। निसण्णो सीहासणे। पारद्धं पेच्छणयं । सच्चविय सरविसेसा गाइउमारद्धा गायणा । हावभावसिंगाराइरसविसेसगब्भिणं, करणविसेसवसीकयसयलजणकरणं, नच्चित्रं पयट्टा नट्रिया । महाबलो वि सवणंजलीहिं गीयरसं, नयणंजलीहिं नरसं पिबंतो, पुणो पूणो निययाहरणाणि नियंतो, समाणवय-वेसवयंसयाण पुरओ कामे पसंसंतो समयन्त्रणा भणिओ सयंबुद्धमंतिणा-“देव ! पलवियमिव गीयं, विडंबणमिव नटुं, भारमिवाभरणं,जलियजलणजालावलि व्व संतावकारिणो उभयभवदुहावहा कामा । को पडिबंधो सविवेयाणं एएसु?" तओ पडिकूलभासि त्ति सरोसमवलोइय भणिओ राइणा सयंबुद्धो--"अहो ते विण्णाणं! अहो ते विवेगो! जो सवणामयं पि गीयं पलावो त्ति पलवसि ? लोयलोयणमहूसवं पि नट्टं विडंबणं ति संगिरसि' ? कुरूवस्स विरूवकारिणो, सुरुवस्स वि विसेसरूवसिरिसंसाहगा' तिहुयण-जणमणहारिणो आहरणा भारा पण्णवेसि, ? हरिहरपियामहपमुहतियसविसरसेविया भरहवइ पमुहपहाणपुरिसबहुमनिया, परमपहपयट्टमणिगणस्स वि पत्थणिज्जा, कामा दुहावह त्ति पयासेसि ? " तओ सयंबुद्धण भणियं--"महाराय किण्ण सुयं तुन्भेहिं गीयरइ-नट्टरइ-चंदाणण-चंदमुहीण चरियं?" रण्णा भणियं-" न सुयं, कहेहि" । सयंबुद्धेण भणियं-"सुणेउ सावहाणो देवी।"
अत्थि इहेव जंबुद्दीवे दीवे भरहखेत्तमंडणं 'कुंडिणं नाम नयरं । तम्मि य सह जाया सह पंसुकीलिया सह संवड्ढिया सह दारदसिणो अण्णमण्णमणुरत्ता गीयरइ-नट्टरइ नामाणो वणियदारया वयंसया परिवति । ताण य जहक्कम चंदाणण-चंदमही नामाओ भारियाओ । आहरणपिया चंदाणणा, तिलयचउद्दसमेण आहरणेणाहरिया। पइदिणं परियडइ चंदमही वि विसयरुई। इणमेव असारसंसारे सारं ति मन्नेमाणी निच्चं कामे कामेमाणी कालं गमेइ।
अण्णया समागया तत्थ चउनाणोवगया सयलजणपियंकरा (पियंकर) नाम सूरिणो । समवसरिया कुंडिणपुरबाहिरुज्जाणे । निग्गया वंदणवडियाए नगरलोया । गीयरइ-नट्टरइणो वि सकलत्तागया सूरिसमीवे । पारद्धा भगवया भवनिव्वेय- . जणणी धम्मदेसणा । एत्यंतरे नियपरिवारपरिवुडं समागयं किण्णरजुयलं । अणुण्णविय भगवंतं पियंकरायरियं पारद्धं गाइउं, पणच्चिया नच्चणी, रंगमागयं पेच्छणयं । तओ गीयासत्तं गीयरइं। नट्टिया नट्टविलोललोयणं नट्टरइं किण्णरी पिण"द्धाहरणपेच्छिरं चंदाणणं किन्नररूवदंसणपयडियमयणवियारं चंदम हीं मणिय भणियं पियंकरायरिएण।
१. माणं पहाणमंतीणं पा.। २. . तत्तो पा. । ३. दुवारि पा. । ४. साहणति. जे. । ५. सुयं सामिणा गी० पा० । ६. दीवे भारहखेत म जे० । ७. रीपणिद्धा. जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |