Page Text
________________
जुगाइजिणिंद-चरियं
कि एन्थ तुम लच्छी जलहिं मोत्तण रमसि नीसंकं । अहवा कि जणयसुया दसासभयवेविरा पत्ता ॥३७३।। किं च तुमं ससिलेहा आणंदियसयलमाहियलाभोया। किं वा हर-हंकारग्गिदडढमयणंगण व रई ॥३७४।। किं वा खेयरतणया पण?विज्जा वणम्मि परियडसि । पायालकण्णगा वा कि वा वणदेवया का वि? ॥३७५।। कोऊहल-हयहियओ नाउं इच्छामि तुज्झ वुत्तंतं । जइ कहणिज्जं ता कहसु अह न भदं भवउ' तुज्झ ॥३७६ ।। इय जा पुच्छइ राया नियतेयंतरिय-सूर-कर-नियरो । चउनाणीविज्जाहर-समणो ता तत्थ संपत्तो ॥३७७।। नामेण पवणवेगो पवणो विव कत्थई अपडिबद्धो । अइसपनाणी भयवं भवण्णवुत्तारणतरंडो ॥३७८।। अह फासुए पएसे ठिओ तहिं सयलसत्तसुहहेऊ । भवभीरुणा वि भणिया सा रमणी मुणिवरं दटुं ॥३७९।। भद्दे ! सुन्नारत्ने मणिवसभो एत्थ को वि संपत्तो। ता वंदामो पच्छा जं जुत्तं तं करिस्सामो ॥३८०।। तरुणीए तोएभणियं को दोसो एहि सुयणु ! वच्चामो । कप्पतरु ब्व कप्पियफलया नणु मुणिवरा हुँति ॥३८१।। इय भणिए तीए तओ४ भवभीरुपत्थिओ मुणिसयासं पत्तो कमेण समुचियदेसं बहभत्तिभरियंगो ।।३८२।। सुपसत्थलक्खणधरं दाण-दया-सील-भावणामएण । धम्मेण भूसियंगं करुणामयपूरमयरहरं ॥३८३।। नाऊण च मज्झत्थं रागहोसेहिं दुरपरिहरियं । असमत्थं पिव मणिउं परिमुक्कं ट्रदंडेहि ॥३८४।। जो हणइ सो हणिज्जइ एस समत्थो वि सहइ सव्वस्स । रोसेण वि से मुक्कं हिययं रूसिऊण वरमुणिणो ॥३८५।। निम्मलगुणावलीए अलद्धथामाए दूरमवगूढं । लद्धबहुनिलयगविरदोसावलिदूरपरिहरियं ॥३८६।। कलहोय-पंकयत्थं तियसासुर-खयर-तिरियनयचलणं । तरुण-रविमंडलनिभं अह पेच्छइ मणिवरं राया ॥३८७।। पवणगइपमुहाए हरिसवसुल्लसिय-पयडपुलथाए । खेयरसहाए सारं जईण धम्म कहेमाणं ॥३८८।। माणं मोत्तूण तओ भसलो विव तस्स चलणकमलेसु । पडिओ भवभीरुनिवो समुट्ठिओ जोयए जाव ॥३८९।। ताव न पेच्छइ बालं कहिं गया सुमिणओ व्व कि एसो। इय चितेंतो भणिओ दिन्नासीसेण सो मुणिणा ॥३९०॥ उवविससु भद्द ! संपइ असार-संसार-विलसियसएहिं। को एत्थ विम्हओते आयहियं सुणसु जिणधम्मं ॥३९१।।
इय भणमाणेण पत्थुया भगवया संसारजलहिपरमपोयभूया दुरियानलविज्झवणजलयावलिविब्भमा संसारनिव्वेयजणणी-धम्मदेसणा । अवि य--
नारय-तिरिय-नरामरजाइ-जरा-मरणदुक्खपडिहच्छे । मोतं जिणिदधम्म संसारे नत्थि इह सरणं ॥३९२।। सइ कोह-माण-माया-लोहानलतवियसयलजियलोए । दुक्खानल-सलिलसमोधम्मो सरणं परंएक्को ॥३९३॥ कह कह विडिवसेणं जिणिदधम्मम्मि दुल्लहे लद्धे । दूहदलणे सहजणणे अचितचितामणिसमाणे ॥३९४॥ विसया विसं व विसमा चंचल-चित्ताउ दुद्रुमहिलाओ। विसयासत्ता सत्ता पडंति नरए दुरुत्तारे ॥३९५।।
धम्मदेसणावसाणे य लद्धावसरेण पृच्छिओ भवभीरुराइणा मणिवरो-"भयवं ! को एस तुरंगमो कि निमित्तं गयणंगणे ममं नेऊण एयम्मि सुण्णारणे निवाडिओ? कहिं वा पडिओ विन" दिट्ठो! कि निमित्तं वा सा रमणी खलमेत्ति व्व दिनद्रा जाया?" भगवया भणियं--"सोम ! सुण ।"
अस्थि इहेव जंबुद्दीवे दीवे भारहे वासे सुपुरिसजसपवाहो व्व कलहोय-धवलो तिहयणजणजणियविम्हओ वेयड्ढो नाम पव्वओ। तत्थ णं दाहिणसेढीए गयणवल्लहं नाम नवरं । अणेग खेयरनियरपणमिय-पायपंकओ कुसुमावीडो नाम विज्जाहरराया । तस्स सुओ एस मह दाहिणपासवत्ती पवणगई नाम विज्जाहरो। तुह चेव पुत्वभवभाया जेण गयपुरे नंदीसरं पइ पत्थिएण पणयकुवियपिययमा पसायणज्जयं तुमं दट्ठण दंसणमेत्तसंजाय-नेहभरनिब्भरेणं चितियमणेण
मणनयणाणंदं मह जणेइ तह तक्केमि केणइ समासण्ण बंधुणा होयवं, ता किमेयस्स सिणेहाणरूवं संपाडेमि, कि जहा चितियदिण्णफलं पण्णत्ति देमि, कि वा इंदनील-महानील-मरगय-मसारगल्ल-चंदकंत-सूरकंत
१. इं हवउ पा. । २. जं वुत्तं जे. । ३. णीए भ. पा. । ४. भयभी. पा. । ५. सयासं पा. । ६. जाईजरम. पा. । ७. विनिहिट्ठो पा. 1८. भवियव्वं पा.।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |