Page Text
________________
भावनाए भवभीरूनिव-कहा
२९
.
आइससु ता महायस ! किं तुज्झ करेमि विणयपडिकम्म? पडिभणइ पवणवेगो जं कायव्वं तयं सुणसू ॥३४३।। विज्जाहरो नराहिव ! अहयं तुहदसणेण अवयरिओ। पडिवज्जसु सम्मत्तं सिवसुहयं सव्वविरईच ॥२४४।। धम्माओ अत्थ-कामा सग्गो मोक्खो य हंति पुरिसाण । विसयासानडियमणा मढ़ा तं चेव न कुणंति ॥३४५।। पिच्छतो वि न पेच्छइ अणवरयगलंतछिददुग्गंधं । नारी-देह-मिलिच्छो कि कीरउ जेण रागंधो ? .. ॥३४६।। नग्गो जहा पडत्थी तस्स निमित्तं न गिण्हए सुत्तं । तह विसयासानडिओ मूढो धम्म न सेवेइ ॥३४७।। जइ इच्छसि विसयसुहं ता धम्म कुणसु निययसत्तीए। जो महइ वराहारं सो गिण्हइ तन्निमित्ताई ॥३४८॥ अइमणहरवणवासेक्कसोक्खसंपत्तगयवरो लहइ । गणियारिफासलुद्धों दुक्खाइं बहुप्पयाराइं ॥३४९।। तिलतुसमित्तेणं चिय सयंभुरमणं च दूरवित्थिण्णं । नरसोक्खेण हयासो दूरं नासेइ सुर-सोक्खं ॥३५॥ ता अरिहंतो देवो साह य गुरू जिणेहिं पन्नत्तो । धम्मो जीवाईया तत्ता तत्तण सम्मतं ॥३५॥ एवं च तेहिं पवणगइवयणेहि पडिवण्णसम्मत्तो केरिसो सो नरिंदो जाओ?। अवि य--. अवहत्थियमिच्छत्तो पसत्थसम्मत्त भूसियसरीरो । बहुसो वि भण्णमाणो न य विरइं पाविओ राया ॥३५२।। आमंतियं नरिंदं खयरो नंदीसरम्मि गंतुणं । नमिऊणं तत्थ जिणे पुणो वि अह गयपुरं पत्तो ॥३५३।। हेडाऊयरूवधरो खयरो दाएइ राइणो तुरए । राया वि दिव्वतुरयं आरुहई तियसनाहो व्व ॥३५४।। आरूढम्मि नरिंदे तुरओ महिमंडलाओ गयणयलं । सहस त्ति समुप्पइओ दीसंतो जणसमूहेण ॥३५५।। जा छिण्णकरो मुंचइ रज्जु तुरयस्स दुटुमहिलं व । ता नह्यलाओ पडिओ तुरंगमो दुट्ठपुरिसो व्व ॥३५६।। अहचितेइ नरिंदोजइ तुरओ कीस नहयले गमणं?। जइ मुक्को कि पडिओ? अह पडिओ कीसनो दिलो? ॥३५७॥ ता सव्वहा वि दिव्वे विवरीए जं कुणंति नणु पुरिसा । तं सव्वं विवरीयं जायइ नत्थेत्थ संदेहो ॥३५८।। दुतुरंग मोत्तुं खलं व पाऊण उदयममयं व । भोत्तूणं कंद-फले वुत्थो तत्थेव कंतारे ॥३५९।।
एवं तत्थ वरदुमेहितो फलरसमासायंतस्स निज्झरेहितो सिसिरमुदयं पिबंतस्स कुरंगमेहितो सज्जणसुहमणुभवंतस्स अण्णम्मि दिणे चिता समप्पण्णा--अब्बो ! संदरो एस वणवसो परं पिययमारहिओ, ता जइ पिययमाए सह संबंधो होज्ज ता अरन्नं पि संदरमिणं । अवि य--
सग्गसरिसो वि देसो पियविरहे कुणइ १ दारुणं दुक्खं । रन्नं पि सग्गसरिसं जायइ पियसंगमाहितो ॥३६०॥ अह पिच्छइ अप्पाणं सुमिणे लच्छीए धणियमवगूढं । पडिबुद्धो परिचितइ जइ२ एसा होज्जणे घरिणी ।।३६१।। ता वणवासो वि इमो दियलोगाओ हवेज्ज अहिययरो। पियविरहियाण जम्हा सग्गो वि न निब्बुई कुणइ ।।३६२।। उठेवि सत्थराओ जा वच्चइ पुव्वदिसि बहुहुत्तं ?। ता मुहलनेउररवो वियंभिओ तस्स कण्णेसु ॥३६३।। चितेऊण पवत्तो कत्तो किर नेउराण इह सहो? । ता नृणं एस रवो सरेसु कलहंसवंद्राण ॥३६४।। जह फुरइ दाहिणच्छी जह य दिहिं कुणइ एस मह सहो । जह मे सुमिणो दिट्ठो तह होज्जा नेउराणं पि ॥३६५।। ताव य निट्ठियदोसं पयासिया सेसदसदिसाभोयं । ससिजोण्ह' व्व सरूवं पेच्छइ महिलं मणभिरामं ॥३६६।। वरकेसपासनिज्जियबरहिकलावं मियंकवरवयणं । पवणपकंपिरकिसलयअहरिल्लं पीणथणजुयलं ॥३६७।। कि होज्ज इमा लच्छी? तंनो, करगहियपंकया जसा । कत्तो व्व माणसीए रूवमिणं? विम्हओ तेण इय जातबहेवियप्पे वम्महबाण व्व वहइ यिएण । ता झत्ति सा समाव सप अह तीए सो वि दिट्ठो हरिसविसदृतलोयणजयाए: कि एस होज्ज इंदो इंदाणी-विरहिओ एत्थ ॥३७०।। अह सागयं ति भणि सा रमणी तस्स देड नियवसणं । उवविससु एत्थ सुपुरिस ! एयं चिय आसणं एत्थ ॥३७१।।
रूवेण गुणा विणएण कुलहरं जर विसुयण! तुह नायं। पुच्छिज्जसि तह वि तुमं वयणामय-सवण-नडिएहिं ॥३७२।। १. हे देइ द.. पा. । २. तइजइ सा विह होज्ज मे घरिणी पा. । ३. एस सरो सरे. पा. । ४. ण्डव पा.। ५. पीय थण, पा.।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |