Page Text
________________
जुगाइजिणिद-चरियं
तवतेअकुमारस्स पुव्व-भव-वण्णणं
अत्थि इहेव भारहे वासे संगमो नाम गामो। सोमो नाम कुलपुत्तओ तत्थ परिवसइ। सो पुण पयईए चेव लोद्धिपिओ। अण्णया तेण लोद्धि कुणंतेण काममोहिओ पिययमाए चाइणि कुणतो आयन्नमायढिऊण धणहरं हरिणीए समं संबद्धो वावाइओ हरिण-जुवा । तप्पच्चयं अणेगभववेयणीयं बद्धं भोगंतराइयं कम्मं । अकयतवचरणो आणालोइयपडिक्कतो काऊण किंचि कुसलाण्टाणं समुप्पन्नो एस ते पुत्तो। अज्जवि तस्स कम्मुणो वि दूअणुभूओ, स मुद्दो चिट्टइ। तवतेएण भणियं-"भयवं! होज्ज कोइ उवाओ जेण लहुं चेव खविज्जइ?" केवलिण। भणियं-“सव्वसावज्जविरइरूवाए जिणदिक्खाए खविज्जइ, सा पुण अच्चंतदुल्लहा। जओ-"जलनिहिपण?रयणं पिव दुल्लहं माणुसत्तणं, लद्धे वि तम्मिन सुलभा आरियखेत्तसंपया, पत्ताए वि तीए अच्चंतदुल्लहाणि जाइ-कुल-रूवारोग्ग-धम्मसवण-सद्दहणाणि; किं चदारुणा नरया, बहुदुक्खाणुगया तिरिया, निंदियं कुमाणुसत्तणं, ईसा-विसाय-चवणभयाइसमभिभूया तियसा, समुच्छलंति वाहिणो, सिरं समारुहइ पलियच्छलेण जरारक्खसी, आसन्नी होइ मच्च, दुज्जया कोहाइणो, चंचला इंदियतुरंगमा, असरणा पाणिणो, संसाराभिनंदी अबहजणो, दुरंतो वम्महो, विवागदारुणो पमाओ, गिरिनइपुरसन्निहं जोव्वणं, करिकण्णचंचलाओ रूय-लायन्न-सोहग्ग-पियबंधु-मित्त-सयण-गेह-धण-धण्ण-रयण-सुवण्णाइयाओ सयलरिद्धीओ। अवि यतरुणीकडक्खचंचलजीए तह जोव्वणे य पेम्मे य। मोत्तूण साधम्म नत्थि गुणो कोइ जियलोए ॥२७६।।
ता किमेत्थ बहणा? पडिवज्जह नारय-तिरिय-नरामरभवजलहिजाणवत्तभयं सिव-सहमहातरुवरफलावंझबीयं । महापुरिससेवियं समणधम्म ति
हरिसभरनिब्भरंगो धम्मकहं सुणिय भद्दकेवलिणो । तवतेओ तत्ततवे काऊण मणं इमं भणइ ॥२७७॥ भयवं! निविण्णो हं चउगइसंसारतिक्खदुक्खाणं । इमिणा पुण देहेणं दोहग्गगएण सविसेसं । ॥२७८।।
अओ कुणसु मे अणुग्गहं सव्वसावज्जजोगविरइ लक्खणाए जिणदिक्खाए । 'भद्द ! जोगो तुम' ति भणिऊण दिक्खिओ केवलिणा। तेण वि पडिवन्नो पढमदिणे चेव दुक्करतव-चरणाभिग्गहो--भयवं! "जावज्जी वि छद्राइ तवोकम्म कायव्वं । तेहेव करेइ ।
अण्णया मासखमणं करेइ सव्वकामगुणियं पारेइ, एवं दुमासखमणं (करेइ) सव्वकामगुणियं पारेइ, एवं तिचउ-पंच-छम्मासखमणं करेइ सव्वकामगुणियं पारेइ, पुणो वि छम्मासियं करेइ सव्वकामगुणियं पारेइ, एवं पंचचउतिष्णि दुण्णिएगमासियं सव्वकामगणियं, एवं जहावडिओ तहेव पडिनियत्तइ, एसा पढमपरिवाडीबीयपरिवाडीए मासं खविऊण विगइवज्जं पारेइ, दुमासं खवइ विगइवज्जं पारेइ, एवं तिमास-चउमास-पंचमास जाव छम्मासे, पारणने सव्वत्थ निव्वीयं, तओ छम्मासं खवेइ विगयवज्जं पारेइ, तओ पंच-चउ-तिण्णि-दुण्णि एगमासं पारणगे विगइवज्जं । तइयपरिवाडीए मास खवेइ आयंबिलेण पारेइ, एवं दो तिष्णि चउ पंच जाव छम्मासे पारणगे आयंबिलं, पुणो वि छम्मासा खवेइ आयंबिलेण पारेइ, एवं पंच चत्तारि तिण्णि दोण्णि एगमासे पारणगे आयंबिलं । तओ चउत्थपरिवाडीए मासं खवेइ अलेवाडं पारेइ, एवं दो तिण्णि चत्तारि पंच जाव छरमासा करेइ अलेवाडं पारेइ, पूणो वि छम्मासं करेइ अलेवार्ड पारेइ, एवं जहावडिओ तहेव पडिनियत्तो जाव मासं काऊण अलेवाडं पारेइ । एवमाइ नाणाविहं गमपच्चागयं तवोकम्म काऊण संलेहणं करेइ । .
... चत्तारि विगिदाई विगई निज्जहियाणि चत्तारि । संवच्छराणि दोण्णि उ एगंतरियं च आयामं । ॥२७९।। नाइविगिट्टो य तवो छम्मासे परिमियं च आयाम । अन्ने वि य छम्मासे होइ विगिट्ट तवोकम् ।।२८०।। वामं कोडीसाि आयामं कटु आणुपुवीए। गिरिकंदरं तु गंतं पायवगमणं अह करेइ
॥२८॥ इमाए विहीए संलेहणं काऊण गुरुअणुन्नाओ अणसणे ठिओ दोहग्गदोसं मणे सरिऊण नियाणवंधो कओ। जइ होज्ज इमरस फलं मए अणुचिण्णस्स तवविसेसस्स । यिइच्छिएण महिलाजणेण ता होज्ज संपत्ती ।।२८२।।
एवं कयनियाणो मासमणसणं काऊण मओ महासुक्कं गओं। तओ चुओ इहेव जंबद्दीवे दीवे भारहे वासे मगहा नाम जणवओ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |