Page Text
________________
तवे तवतेअकुमार कहा
ह घरणी वि असणाइदाणेण वसणसमुद्दाओ मए चेव नित्थारिया, ता गेव्ह इमं करंडयं, इमस्स मज्झे बउलमालिया बिल्लं कविट्ठे च गुलिया य चिट्ठइ, जत्थ गयस्स बउलमालिया एगावली हवइ कविट्ठाओ देवदूतजुयलं । बिल्लाओ कुंडलजुयलं च नीहरs तम्मि चेव ठाणे करंडयाओ कड्ढिऊण गुलियं मुहे करेज्जसु तओ साहाविय सरूवो होहिसि भण संपयं कहि न यामि ? ।" एयावसरे कत्तो वि समागएण माणवजक्खेण सहसमावडियं जुद्धं तायस्स । अहं पि कह कवि घिऊण महाडवि हिंडिऊणाणेगेसु गामागर - खेड - कब्बडेसु विमूढदिसायक्को अज्जेह समागओ पुच्छिओ तुब्भेहि परमेसरवुत्ततं । तओ संजायसंकेण निरूविओ करंडओ, जाया बउलमालिया एगावली, कविट्ठ देवदूसजुयलं, विल्लं कुंडल जय कfoऊण करंडयाओ कया मुहे गुडिया, जाओ साहावियसरूवो, एस मे वइयरो। संपयं “ सुंदरि ! साहेसु निययवइयरं" । तीए वि साहिओ सवित्थरो सव्यो वि निययवइयरो । तीए भणियं -- "नाह ! सीलं सीलेज्जसु" त्ति सिलालिहिय arre को भावत्थो ?" तेण भणियं पिए! " सरुवकहणमेयं, न अण्णहा वियप्पियव्वं ।
ओ सविसेसं संतुमणाए भणिया जणणी सीलधणाए - "अम्मो ! निस्संसयं सो चेवेस मह पिययमो एयं सुणियपरमानंदभरनिब्भरेहिं पओससमए पवेसियाणि नियमंदिरे, कयं बद्धावणयं, वेणीमोक्खं काऊण व्हाया सीलधणा, नियंसाविया जणणीए धवलंसुयजुयलं, पिण कंधराए विज्जा हरदिष्णहारजुयलं, रयणावली दइय दिण्णा गावली य । परमेसरेण वि देव दिण्णं नियत्थं देवदूसजुयलं कुंडलजुयलं च । ठियाणि परमपमोएण तत्थेव कइवय दिणाणि । बहुविदत्तधणा पुव्वपेसिया मिलिया तत्थेव सत्थिया । पसत्थवासरे महया सत्थविमद्देण गयाणि नियनयरे, आनंदिया सुहि-सयणा, कयाओ जिणाययणेसु अट्ठाहिया महिमाओ, सम्माणिया समुचियोवयारेण साहुणो, विविहविसयसुहमणुभवंताण चंद- सूरसुमिणसुइया जाया दोन्नि कुल-नंदणा रयणावलिसुमिणसुईया जाया एगा सुया य समुचिय समए पट्टावियाणि नामाणि सुमिणाणुसारेण चंदप्पहो सूरप्पहो य दुहियाए रयणावली । कयपाणिग्गहणेसु कुलनंदणेसु, समुचियवरमुवागयाए रयणावलीए, विणिजोइऊण सुपत्तेसु नियधणं, महाविभूईए निक्खतो सह सीलवण | ए परमेसरो । अहिज्जियाणि चोट्सपुव्वाणि, जाओ गीयत्थो । सीलधणाए वि संजईण समीवे पढियाणि एक्कारसंगाणि । परिपालिऊण निरइयारं सामन्नं, उप्पाडिऊण केवलवरनाणदंसणं, काऊण मासमेगं अणसणं निरुद्धजोगाणि नेव्वाणमुवगयाणि ।
सील धणाए सीलं संपूण्णं पालियं जहाविहिणा । सीलपरिपालणे तह अण्णेण वि होइ जइयव्वं ॥ २७२ ॥ | सीला हार-तुसार-सारयनिसानाहंसुसुब्भंजसो, सीला सीह- गइंद- सप्प-सिलिलुप्पीलानलत्थंभणं । सीला चक्कि सुरासुरसरसिरी लीलाए पाविज्जए, सीला सिद्धिपुरंधिसंगममहासोक्खं पि साहिज्जए || २७३ || संपयं तवोधम्मो भण्णइ
तवतेअकुमार-कहा-
अथ इव जंबुद्दीवे भरहविभागकारगो वेयड्ढो नाम पव्वओ। जो य कत्थइ विचित्तरयणमयसासयजिणभवणमालो मालिओ, कत्थइ परितुलियनंदन, वण-विचित्तकाणणोवसोहिओ, कत्थs कोऊहला गयसुरसुंदरिगेयमणहरो, कत्थइ परिचतसयलसावज्जजो गुप्पण्णादिव्वमहानाणाइसयचारणसमणभूसिओ, कत्थइ तिहुयणगुरुसासयभवणपडिमा पयग्गडज्झतक सिणागुरु धूमेहायमा गयणगणो, कत्थइ गयणंगणागयरविरहतुरंगमभग्गमग्गो । जो य कण्णावयंसो विव महिमहिलाए, मुत्ताहारो विव नहसिरीए, माणदंडो विव तिह्यणाभोगस्स, सियवडो बिव जिणधम्मजाणवत्तस्स, आयंसो विव तिहुयणसिरीए । अवि य-
कलहोयधवलदेहो कंचणभवणेहि संगओ तुंगो। तडिघडियसरयजलहरसंकासो परमरमणिज्जो वेयं वन्नद्धं वियड्ढचरियं व जणमणाणंदं । को इह लहेज्जतित्ति आमरणं तं पि पेच्छंतो
१९
।।२७४ ।। ।।२७५ ।।
तत्थ णं वेयड्ढे दाहिणसेढीए गयणवल्लहं नाम नयरं । तमि य मेहमुहो नाम विज्जाहरो, वणमाला घरिणी । ताण पुत्तो तवतेओ नाम पयइसुंदरो वि दोहग्गदो सदूसिओ, न वसइ घरिणीघरे, अण्णा परिणीया सा वि तहेव, वेसाण वि वेसो कालं गमेइ । अण्णया पुच्छिओ पिउणा केवली - " भयवं ! किं कारणं सुरूवो वि इत्थी-यणवेसो एस मे नंदणो ?" केवलिणा भणियं - "सोम ! सुण,
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |