Page Text
________________
जुगाइजिणिद-चरियं
वेणीबंध तंबोलवज्जणं तह य भूमिसयणं च । ताव मए कायव्वं पिएण जा संगमो होइ।।२७१।।
नाऊण निच्छयं मोणमासिया रयणसंदरी । सोहणदिणे बहुपरियणे हरिप्पहेण समं पेसिया पिउघरं सीलधणा। परिमिय वासरेहिं पत्ताणि रयणपुरं, ठियाणि बाहिरुज्जाणे, समागया तत्थेव जणणि-जणया, निवडिया चलणेसु सीलधणा, गाढमालिगिऊण सदुक्खं रुयमाणा भणिया रयणप्पहाए-“वच्छे ! को एस वइयरो?" तीए वि साहिओ संखेवेण सव्वो वि जहडिओ वुत्तंतो। तं च सोऊण परुण्णा रयणप्पहा-"हा पुत्तिय ! महंतयाणि एगागिणीए दुक्खाणि समणुभूयाणि । 'पओसे पवेससमओं' त्ति तत्थेव य भुंजावियाणि । भुत्तत्तरं सह-दह-संकहाए मिलियाणि जाव चिट्ठति तावा-गओ पिद्विविणिग्गयगरुय कउहो, मुहविवरमइक्कंतविसमदसणो, कोइलकालच्छवी, वामकरगहियकोदंडो, दाहिणकरकयकरंडो तम्मि ठाणे एगो पुरिसो। हरिप्पहेण भणिओ “भो ! दीहद्धाणपरिखेइयसरीरो विय लक्खीयसि ?" पूरिसेण भणियं--आमं, कहेसु विप्प ! कि नामधेयमिमं नयरं? विमूढ दिसायक्को अलद्धलक्खो हं परियडामि।" दिएण भणियं-"रयणपुरं।" रयणप्पहाए भणियं-"पहिय ! पुच्छिज्जसि, दिट्ठो तए कहिं पि पढमजोव्वणे वट्टमाणो उत्तत्त-कणयवण्णो रूवाइगुणगणविणिज्जियमयरद्धओ परमेसरो त्ति नामं वहंतो एगो पुरिसो? "तेण भणियं--"दिठो।" तीए भणियं-“कहिं ?" तेण भणियं-"एत्थेव। । एयं सणिय वेढिओ परिपेरतेस सयलपरियणेण । तेण वि उग्घाडिऊण निरूविओ करंडो, दिदा वउलावली एगावली बिल्लं कुंडल-जुयलं कविट्ठे च देवदूसजुयलं जायं ति । तओ संजायपच्चएण गहिया गुलिया करंडयाओ, पक्खित्ता मुहे, जाओ सरूवत्थो परमेसरो, विम्हिओ परियणो, परोपरं महाणि जोइउं पयत्तो। रयणप्पहाए भणिया सीलधणा-“वच्छे ! विनायवृत्तंता तुम चेव पुच्छाहि, किर्मिदयालमेयं ? किं वा सो चेव ते हियवल्लहो?" सीलधणाए भणियं--"जइ एवं सच्चं सो चेव तुम ता कहेसु नियवइयर" तेण भणियं-पच्चूसे गमिस्सामि' त्ति भणिऊण सुत्ताणि एयं तुज्झ वि समक्खं, विउद्धो पुण पेच्छामि अत्ताणयं सुद्धसिलायलगयं, चितिउं च पवत्तो-हंत ! न तं जक्खाययणं, न सो पियाकरकमलपत्थरिओ सत्थरो, सिवा-सहसंतट्टसावयसमाउला घूयडघोक्कारवभीसणा निरंतरं तरुनियरनिरुद्धरवि-करप्पवेसा महाडवी एसा तओ हं “जइ सच्चं सीलधणा" इच्चाइ लिहिऊण गाहादुगं चलिओ दक्षिणाभिमुहो। थेवंतरगएणं रिछियाए कन्नेसु गहियाए दिट्टो एगो थेरपुरिसो। सो विमं दठण भणियाइओ--"महाभाग ! सत्थ-भठो महाडवीं पविठो इओ तओ त्तीए विव दिट्ठो इमाए रिछियाए, पहाविया ममाभिमुही, संपयं काल-कवलियं पि ममं कवलिउकामा गाढमइवकमइ एसा रिछिया, ता जइ ते साहसं परोवयारबद्धी वा अत्थि ता ममं मोएस् ।" अहं पि करुणाभरभरियमाणसो गओ तयंतियं-कह कह वि मोयाविओ थेरो, तासिया रिछिया चलिया दो वि दक्खिणाहुत्तं, वीसमिया एगम्मि वणनिगंजे, समागया मे निद्दा, उढिओ थेरो , पम्हढें सव्वओ मे सरीरं दोहि वि करेहि । 'आ किमेयं' ति उट्टिओ हं जाव पेच्छामि . अत्ताणयं एगपाएण मंठं एगहत्थेण कुंट पट्ठीए कूडहं उयरे तुंदिलं एगनयणेण काणं नासियाए चिविडं दसणेहिं दंतुरं कण्णेहिं टप्परं । तं च कणयावदायसरीरयं कालपरुसच्छवि हुंडसंठाणं बहुसंठाणं जायं । सो वि थेरो समासण्णपएसट्टिओ मए भणिओ-“साहु भो परिणयपूरिस ! महंतो ते मम पच्चुवयारो कओ, जहा पंचाणणेण वेज्जपुत्तस्स । थेरेण भणियं -- "कि कयं तेण तस्स?" मए भणियं सुण ।
वेज्जपुत्तकहाणयं
दो वेज्जपुत्तया वेज्जयमहिज्जिऊ देसंतरं गया । कयकज्जा पडिनियत्ता महाडविं पविट्रा । मग्गासपणे पडलंतरियलोयणो इओ तओ परियडतो दिटठो तेहिं पंचाणणो। भणिओ कणिद्रुण जेट्ठो----"सज्झो एस वाही, कीरउ इमस्स वेज्जयं, एवं हि परोवयारो कओ हवइ।" जे?ण भणियं-अलमिमाए संकहाए, अह वारिओ विन विरमसि ता जं ते रोयइ तं करेसू-"त्ति भणिय समारूढो वडपायवे जेहो। इयरेण वि कयं वेज्जयं, जाओ, सचक्खो,
सीहो, छुहिएण पढम सो चेव खडओ। ता सीहेणेव वेज्जसूयस्स उवयरियं मज्झ वि भवया।"
थेरेण भणियं---"असंतुट्ठो तुम । मया पुण महंतो उवयारो कओ।" एवं पयंपिय परियत्तियरूवो दिब्बाहरणभासुरसरीरो धणमित्तसरिसो सुरो जाओ, भणइ य--"पुत्त ! अहं ते पिया वसणवडियं तुम दळूण इहागओ चितेमि-- "एस अईव रवाइगुणगणसमनिओ मा कूओ वि आवयं पाउणेज्ज-त्ति कलिऊण विहिय थेररूवेण एवं कुरूओ कओ,
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |