Page Text
________________
सीले सीलधणाउदाहरणं
पडिभणिओ सो तीए बाहजलोहलियगंडजयलाए । भाउय ! करेसु एवं जेण कयं होइ मह सव्वं ॥२६॥ अंगा जणवयमज्झे अस्थि पुरं पुहइमंडलपसिद्धं । गयणग्गलग्गसालं विसालसालं ति नामेण ॥२६॥ तत्थ य मे माउसिया वसइ सया रयणसंदरी नाम । तम्मि गयं नियगेहे गयं व मं भाय ! जाणाहि ॥२६२।। इय भणिउ करयलसंपुडम्मि काऊण तक्खणा तेण । मुक्का सा नेऊणं विसालसालस्स बाहिम्मि ।।२६३॥ चलणेसु निवडिऊणं नरसंदरखेयरेण संलत्तं । भइणि ! विसज्जेस ममं विसालसालं इमं नयरं ।।२६४।। नेहभरनिन्भराए बाहजलुप्पीलभरियनयणाए । कह कह वि खलंतक्खरखीणसरं जंपियं तीए ॥२६५॥ तं सामी तं बंधू तं माया तं पिया गरू तं च । मह सीलरक्खगो तं तुमं च मह पाणदाया य ॥२६६॥ नीसेस भुवणभूसण! गणमंदिर! परहिएक्करयचित्त! । आचंदसरियं नंद भाय! किमिहं परंभणिमो ।।२६७॥ इय भणिए सो तीए कयप्पणामो खणेण उप्पइओ । नियठाण पावणट्टा तमाल-दल-सामले गयणे ॥२६८।।
सीलधणा वि संगोविऊण खेयरदिण्णं हारदुर्ग रयणावलि च चितिउं पवत्ता 'कह णु नाम एगागिणी वसणावडिया सहस त्ति माउसियाघरं वच्चामि ?' एवं वियप्पिऊणं गया एग सच्छ-सीयल-सलिलपडिपुण्णं सयलनयरनारी जलभरणट्ठाणं महावाविं, पविट्ठा तयभंतरं, नियसील व निम्मलं पीयं सलिलं । निसन्ना तम्मि चेव वावी (त) डे विमण-दुम्मणा अहोमुही, नयणजलासारसित्त-धरणीतला जाव चिट्टइ ताव दिट्ठा जलाहरणसमागयाहिं रयणसुंदरि-दासचेडीहिं । संजायसंकाहिं पुच्छिया"का तुमं? कत्तो वा समागया ? कस्स दुहिया? किमभिहाणाणि वा भेजणणि-जणयाणि ?" अदिण्णपडिवयणाओ चेव गयाओ ताओ नियघरं । भणिया एगाए दासचेडीए रयणसुंदरी-“सामिणि ! का वि इत्थिया अच्चतरूवस्सिणी अणुभूय पुवरिद्धिविसेसा वसणोवद या वावितडे एगागिणी अणाहा पिसुणिय गुरुसोगावेगा रुयंती चिट्ठइ, सा पुण बहुसीलधणाए अणुहरइ, संजायसंकाहिं पुच्छिया चिरमम्हेहिं रुवइ चेव न किपि साहेइ । “तओ दासचेडीहि समं गया तत्थेव रयणसुंदरी। 'चिरदिटु' ति सा वि सम्मं न परियाणइ, कोमलवयणेहिं नीया निय मंदिरं, पुच्छिया रयणसुंदरीए-“वच्छे ! कहेसु नियवइयरं।" सीलधणाए चितियं"-न जुत्तं मम एयावत्थाए परत्थाणे अप्पाणं पगासेउं, कयाइ अगोरवेणं मं पेच्छिहंति" तओ तयणुरुवे गोरवे अकीरमाणे गाढयरं हिययदुक्खं भवेज्ज, इहरहा पुण अन्नायपरमत्थाए जइ गोरवो न किज्जइ तह विन दुक्खं । अवि य
गयपरियणाण वसणागयाण परिखीणभागधेज्जाण । निद्धणवंगाण य माणुसाण भणियं न सोहेइ ॥२६९।। ताहुइकये कयस्स उ निच्चमसंजाय होमकम्मस्स । संतिघरहयवहस्स व मज्झं पच्छन्नया सेया ॥२७॥
एवं चितिऊण अप्पगासिय परमत्था निहुया चेव ठिया, कओ ण्हाणभोयणाइओ उवयारो, न व्हाया, दरभुत्तं काऊण उट्रिया, भत्तार-दुक्ख-दुक्खिया चिता-सोयसाय रगया उण्हनीसासानलदड़ढ महच्छाया अभिक्खणं अभिक्खणं रूयमाणी रयणीसु वि अलद्धनिद्दा कालं गमेइ ।
इओ य निसुयं सीलधणाए जणणि-जणएहि--जहा किल जामाउओ वच्छा सीलधणा य न सत्थे नावि नियघरे न नज्जति किं पि अवत्थंरमुवगयाणि । तओ परमदुक्खमुवगएण जामाउयस्स धूयाए य मग्गणाहेउं सव्वदिसामुहेसु विसज्जिया पच्चइयपुरिसा । एगो य पूण सेद्विणो परमपच्चयत्थाणं सया सन्निहिओ विदिण्णविउलसंबलो विसज्जिओ हरिप्पहो नाम माहणो, भणिओ य--"वयंस ! वच्चाहि नाणाविहेसु देसंतरेसु निउणं गवेसमाणो मम जामाउयस्स धूयाए य उदंतं लहाहि जीवंति मयाणि वा, सिद्धयत्तो पडिनियत्ताहि जाव मे पाणा न वच्चंति' । 'एवं करेमि' त्ति भणिऊण चलिओ हरिप्पहो । भणिओ रयणप्पहाए--"विसालसाल-उरमज्झेण रयणसुंदरीए इमं व (इ) यरं साहितेण गंतव्वं, मासा वि कहिं पि पउत्ति लभेज्जा। ‘एवं करिस्सामि' त्ति पयंपिऊण पयट्टो पत्तो विसालसालं रयणसुंदरी मंदिरं च । कयसमुचिओवयारेण साहिओ सव्वो वि जहत्थवइयरो हरिप्पहमाणेण निययागमणपओयणं च । तओ गया दियवरेण सह उवरिभूमियाए रयणसुंदरी दिट्ठा महाजोगिणि व्व अहोमुही कि पि झायंती सिसिरदड्ढ-कमलिणि व्व विवण्णमुहपंकया सीलधणा । उण्णमिऊण मुह-कमलं नियकरेण सोवालंभं भणिया रयणसुंदरीए सीलधणा" अहो ! ते निट्ट रया जेण बहुसो पुच्छिया वि न सब्भावमुवगया, संपयं तुह पउत्तिनिमित्तं अम्मा-पियरेहिं पेसिओ रयणपुराओ समागओ हरिप्पहो नाम एस माहणो।' तीए भणियं-“दियवर ! कुसलं मे जणणि-जणयाण?" विप्पेण भणियं-"कुसलं, परं एत्तिएणा कुसलं जं तुज्झ जामउयस्स य मुह-कमलं न पेच्छंति।" रयणसुंदरीए भणियं--"वच्छे! मंच वेणी बंधं, करेसु मज्जणं।" तीए भणियं--
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |