Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 57

जुगाइजिणिद-चरियं
सुंदरि! सुहोवएसो न लग्गए कामजज्जरे देहे। ताव थिरो मयरहरो जाव न चंदुग्गमो होइ ।।२२२।। महुरभणिएण तूससु मा मुज्झसु मूढ़ि! कुणसु जं भणियं । अहवा इत्थीणं पण्हियासु बुद्धी धुवं होइ ॥२२३॥ तीए भणियं-किज्जइ परिपालसु किं तु पंच दियहाणि । जा बंभचेर-नियमो पुज्जइ जो गुरुपुरो गहिओ ।।२२४॥ सुण्णालावे निन्नेहदसणं सुण्णए य हुंकारे। दलमाणी गमइ दिणे सीलधणा सीलरक्खट्ठा
॥२२५।। पडिपुण्णा पंच दिणा न को वि कत्तो वि आगओ तह वि। कामंकुरेण भणियं संपइ किं उत्तरं देसि ? ॥२२६॥ संकुद्धो रागंधो बला वि तं गिहिउं समाढत्तो। पुरओ न किपि पेक्खइ बलिओ पुण पेक्खए सव्वं ॥२२७।। हा! कि करेमि संपइ खरेण न पिएण घेप्पए एसा। ता तह करेमि संपइ जह मह हत्था न उत्तरइ ।।२२८॥ इय चितिऊण खयरो उचियपएसम्मि संठिओ संतो। अच्छइ तं रक्खंतो परिहरियासेस-कायव्वो ॥२२९।। अण्णम्मि दिणे बहुदुक्खदुक्खिया वंचिऊण तं खयरं। मरणट्ठा संचलिया सीलधणा सीलरक्खट्ठा ।।२३०॥ थेवंतरं गयाए दिट्ठो बहुसउणसेविओ सरलो। साहासयसंछण्णो पुण्णागमहीरुहो रम्मो ॥२३१।। हा ताय ! माय! हा अज्जउत्त! समसुक्ख-दुक्ख! हा भाय! । वसणसमुद्दनिवडिया भण कंसरणं पवज्जामि? ॥२३२॥ इय एवं बहुसो रोविऊण परिचितियं च हियएण। अलमिमिणा रुण्णणं निप्पडियारम्मि रणम्मि ॥२३३।। मरणेण विणा सीलं संपइ परिपालिउ न सक्केमि। इय चितिऊण तीए वत्थेण विनिम्मिओ पासो ॥२३४।। काऊण कंधराए पुण्णागदुमस्स हेटुओ होउं। सच्चविया जमपहवत्तणि व्व दढपत्तला साहा ॥२३५।। भत्तिभरनिब्भराए हियए सरिऊण जिणनमोक्कारं। भणिया पवयणदेवी जइ कि पि मए सुकयं ॥२३६।। ता अण्णम्मि वि जम्मे करेज्ज मह सीलरक्खणे जत्तो। मा होज्ज पुणो एवंविहाण दुक्खाण संभूई ॥२३७॥ एवं भणिऊण तओ उब्बंधिय जाव मुक्कओ अप्पा । ता अठ्ठड्डीणे जीवियम्मि गयणे सुओ सहो ॥२३८।। मा रुयसु भइणि! नरसुंदरो अहं खेयरो परिभमंतो। सोऊण रुइयसई गयणाओ तुह इहं पत्तो ।।२३९।। एवं पसाहिऊणं छिपणो छरियाए पासओ तेण। सित्ता सलिलेण लहं सत्थावत्था तओ जाया ॥२४०॥ एत्थंतरग्मि कड़िढयकरवालो जमभडो ब्व दुप्पेच्छो। आगच्छंतो दिट्ठो कामंकुरखेयरो तीए ॥२४१।। भणिओ खेयरकुमरो सीलधणाए परुण्णवयणाए। भाउय ! अवसरसु तुम एस दुरप्पा समासण्णो ॥२४२।। सो वि भणिऊण किं भीरु ! भायसे? सरसू जिणनमोक्कारं। गहियासि-खेडओ हक्किऊण तस्सम्महो चलिओ ॥२४३।। सो विहु वियडविडंबियवयणविणिस्सरियजलणजालोहो। रविकरसंवलियकरालकढिणकरवालकयहत्थो ॥२४४।। अइगरुयदप्प-निट्र रदटु ट्रो भिउडिभीसणो धणियं । पत्तो खेयरसविहं हक्कारव-पूरियदियंतो ॥२४५।। खयरेण विखग्गं कड्ढिऊण कामंकुरो इमं भणिओ । रेपाव! परकलत्तं अहिलससि न लज्जिओ होसि? ॥२४६ ।। अलि-गवल-सजलजलहर-तमाल-कलकंठि-कज्जलच्छाओ । अह वाहिओ किवाणो खयरेणं खेयराभिमुहो ।।२४७।। नरसुंदरेण तं वंचिऊण दक्खत्तणेण नियएण । रु?ण कंधराए कामंकुरखेयरो पहओ ॥२४८॥ मुच्छानिमीलियच्छो घुम्माविय लोयणो थरथरितो । गयपोरुसाभिमाणो पुव्वाभिमहो पणदोसो ॥२४९।। नरसुंदरी वि मग्गाणुलग्गओ तस्स ताव संचलिओ। अंतरिओ जाव वणंतरेण सो खेयरो पावो ॥२५०।। लद्धजओ वलिऊणं समागओ भणइ एरिसं वयणं । भइणि ! भयं ते हरियं संपइ संचरसु नीसंका ।।२५१।। निज्जिणिओ सो खयरो संपइ सीलज्जले ! भणसू कज्जं । जं कायव्वमिमेणं जणेण नियभाइसरिसेण ॥२५२।। तो हरिसियचित्ताए सीलधणाए पयंपियं एयं । परकज्जकरणनिरओ को अन्नो तुज्झ सारिच्छो ? ||२५३।। निरवच्चयाए जणियं जं दुक्खं आसि मज्झ हिययम्मि । संपइ तुमम्मि दिद्रुतं पि पण महाभाग ! ॥२५४।। तत्तो तीय सुयट्ठा पण्णत्ती सुमरिया खयरेण । आगम्म सा पयंपइ भण पुत्तय ! जं मए कज्जं ॥२५५।। तेण वि भणियं भयवइ ! मह भइणीए जहा सुया दोण्णि । एगा दुहिया जायइ जयपयडा तह करेज्जासु ।।२५६।। पण्णत्तीए भणियं होही एवं न एत्थ संदेहो । गेण्ह इमं हारदुर्ग इमं च रयणावलि वच्छ ! ॥२५७।। इय भणिय तक्खणा सा पण्णत्ती पाविया नियं ठाणं । खयरेण वि रयणावलि-हारदुर्ग तीय तं दिण्णं ॥२५८।। चलणेसु निवडिऊणं भणिया सा तेण खेयरेण इमं । अण्णं पि जंपियं ते भणाहि तं भइणि ! मह पूरओ ॥२५९।।