Page Text
________________
१२
जुगाइजिणिंद-चरियं
एवं च परमेसरस्स सीलधणाए सह सिणेहसारं विसय-सुहमणु हवंतस्स समागओ सरओ। जस्थ य निम्मलं नहयलं जलासया य, हरिसिया कासया कामिणीओ य, हिययाणंदकारी मियंको पिययमो य ।
एवंविहम्मि सरए उवरिममणिकुट्टिमे सह पियाए । जा अच्छइ ता पेच्छइ परमं परमेसरो कोई ॥१५१॥ रयणीए पढमजामे ससि'-जुण्हाधवलियम्मि धवलहरे । एग वानरजुयलं पुत्तट्टा नियइ जुज्झंतं ॥१५२।। परमेसरो पयंपइ कहेह कि एस वो विसंवाओ? । भणइ पवंगी पवगो में म्यइन मेल्लए पुत्तं ॥१५३।। मज्झ पुण मंदभागाए गरुयदोहग्गदूसियंगाए । कह वह वि दिव्वजोएण एस एगो सुओ जाओ ॥१५४॥ सो पुण इमस्स इट्ठो तेण विणा मम वि जीवियं नत्थि । एसो न सहइ मह२ संगम पि न य मेल्लए पुत्तं ।।१५५।। ता जं जुत्तं तं कुणसु तुज्झ अम्हेहिं अप्पिओ अप्पा । छिज्जउ एस विवाओ सुपुरिस ! तुह दंसणेणम्हं ॥१५६।
एयावसरे परमेसरसमीवसंठियाए ईसि हसिऊण जंपियं सीलधणाए--"हला! साहामिगीए'! को गणो वृत्तण जेण एवं परिखिज्जसि ?४ सोहग्गं पि न पत्थियं पाविज्जइ, नियकम्मुणा चेव सयलजणसोयणिज्जा जाया तुम"ति । एवं सुणिय सकोवमिव जंपियं वानरीए--
दोहग्गिणी वि साहामिगी वि सुयसालिणी अहं भद्दे ! गुणकलिया वि तुमं पुण निरवच्चा कं न दुमेसि ॥१५७॥ सोहग्गं दोहग्गं रूवमरूवं गुणा अगुणपक्खे। पुत्तरहियाण सुंदरि ! निरत्थयं चेव सव्वं पि५ ॥१५८।। वरवंससंभवाण वि सरलाण वि पवररूववंताणं । फलरहियाण सराण व महिलाण गुणो न संकमइ ॥१५९।। पाणप्पिया वि पइणो सइसंपज्जंतसयलसिंगारा । सा कीस जए जाया जीए न जायाइं जायाई? ||१६०।। निरयग्गिइंधणाणं नरवइसाहीणसयलविहवाण । पुत्तरहियाण जम्मो अहम्मकम्माण वोलेइ ॥१६१।। सोहग्गिणी वि रूवस्सिणी वि तरुणी वि दइयदइया वि । महिला अवच्चरहिया वंगलगोणि व्व पडिहाइ ।।१६२।।
ता अलं ते परिहासेण, परमत्थचिताए अप्पा वि सोयणिज्जो ते वट्टइ। “एवं वानरीवयणं सोऊण बाहल्ललोयणा करयलपल्हत्थियमही मोणमासिया सीलधणा। परमेसरेण वि भणिओ वानरो--"भहमह ! पइ-पूत्तविरहिया के सरणमल्लियउ एसा वराई ? तुमं पुण इयरकलत्त-पुत्तेण वि कयत्थो चेव ।" वानरेण भणियं-"महाभाग ! अण्णपुत्तसंभवे संसओ, पुत्तविरहियाण पुण इहलोए वि अणत्थपरंपरा । जओ--
नासह नाम वंसो वोच्छिज्जइ होंति दुत्थिया' पियरो । देव-गुरुपायपूया परमेसरपयणई होइ ॥१६३।। तं मंदिरं मसाणं जत्थ न दीसंति धूलिधवलाई । अव्वत्त-खलंतपयंपिराई दो-तिण्णि डिभाई ॥१६४॥ सुन्नागारसरिच्छं तं गेहं जस्सयंगणगयाइं । कीलंति विविहकीलाहिं नेव दो-तिण्णि डिभाइ ॥१६५।। भवविडविकुसुमकप्पा संताणफला सुहावहा विसया । तरुणो विव फलरहिया विसया वि विसायसंजणगा ॥१६६।। नियवंस-वंसकेऊ नियभवणुत्थंभणेक्कथंभं व । पुत्ता जेहि न जाया विडंबणा ताण विसयसुहं ॥१६७॥ ता जाणुओ वि सुपुरिस ! अयाणुओ तं फुडं न संदेहो । अहवा अप्पसरिच्छं मम पि तं ववसिओ काउं ।।१६८॥ तं वज्जपडणसरिसं वयणं साहामिगस्स सोऊणं । जाओ विवण्णवण्णो दवदड्ढदुमो ठव सो सेट्ठी ।।१६९॥ चिताउराण ताणं परमेसरसेट्ठि-सीलधणयाण । गहिऊण सुयं वानरि कराओ गयणंगओ पवगो ॥१७०॥ तापावकम्म! निय! निक्किव! निस्संस ! निग्घिण! कयग्घ ! । कह चलिओ मज्झ सुयं घेत्तूण ममं पमोत्तण? ॥१७१ इच्चाइ विलविऊणं सरणविहीणा दुहाउला दीणा। उप्पइया गयणेणं हरिघरिणी तयणुमग्गेण ॥१७२।।
एत्थंतरम्मि भणिओ सीलधणाए पिययमो-"नाह!। कि कारणं वानराणि वि एयाणि माणुसभासाए पयंपंति? किं वा हं निरवच्च ? त्ति काऊण दूसिया वानरीए तुम पि वानरेणं? कि निमित्तं वा भूमीगोयराणि वि होऊण गयणंगणे उप्पइयाणि? सविसायं सकोउयं च मे मानसं, को एत्थ परमत्थो।" तेण भणियं-"पिए! देवो वा दाणवो वा विज्जाहरो वा एस को वि वानररूवेण पुत्तं पइ निरुज्जम उज्जम कारेइ त्ति मे मई; ता तुमं कयमज्जणो१. जोण्हा पा० ।, २. मम पा० । ३. साहामिए जे० । ४. परिझिज्जसि पा०। ५. ति पा० ६. हवइ पा० । ७ बाहल्ल पा०। ८. दोत्थिया पा० । ९. होन्ति पा०।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |