Page Text
________________
सीले सीधा उदाहरणं
" चिरकालनिरसणा उत्तमपत्तं इमे महामुणिणो । दाणं पुणो जहणणं कंदाइयं अओ मे विसाओ" ।। १३९ ।। पुलिंदेण भणियं -- “ पिए! न विसाओ कायव्वो, जओ-
हा छुा किलते अवसरपत्ते पिए! सुपत्तम्मि । जाणुवओगो को कुणइ ताण मोल्लं पि पसयच्छि ! || १४० ।। ता मोत्तूण विसायं देह जहिच्छाए कंदमाईयं । दुलहा पुणो वि सुंदरि ! सुपत्तसामग्गिया अम्ह || १४१ || सोऊण सबरवयणं हरिसवसुल्लसियपयडपुलयाए । पडिलाहिया मुणिवरा सबरीए सुद्धभावाए || १४२ ॥ देवाउयं निबद्ध भोगा य समज्जिया पुलिदेहि । दोग्गइदुहाण दिण्णो दोहिं पि जलंजली तेहि ।।१४३ ।। सो कोइ भावलेसो ताण पुलिंदाण दाणसमयम्मि । संजाओ जेण कओ भवोदही गोपयसमाणो ।। १४४ ।।
पsिपुणं काऊ विसज्जिया साहुणो गया सट्टाणं । भुत्ता आगमविहीए । समासत्थमाणसा समोयारिया मग्गे पुलिदेहि । वंदिऊण नियत्ताणि पुलिंदाणि । अण्णया अलक्खियागएण सुहपसुत्ताणि पावियाणि पंचत्तं पंचाणणेण । समुपपन्नाणि सोहम्मे कप्पे मज्झिमाउया दो वि देवा । तत्थ भोत्तूण सुरसुंदरीहिं समं विसयसुहं अहाउयक्खएण चुया समाणा इव जंबुद्दीवे दीवे भारहेवासे वसंतउरे नयरे चंद सेहरराइणो चंदसिरीए भारियाए चंदजस सूरजसाभिहाणा कमेण दो वि पुत्ता जाया । कयकलागहणा उचियसमए पहाणरायवंससमुन्भवाणं कण्णगाणं पाणि- गाहिया । अण्णया पव्वइ
कामेण पिउणा अहिसित्तो महारायपए चंदजसो, सूरजसो जुवराया कओ । निक्खतो चंदसेहरो महाविभूईए सुट्टियायरिसमवे । चंदजस-सूरजसा वि पसाहियमही - मंडला परिणयवथा निय-नियपुत्तसंकामियरज्जधुरा जुगंधरायरियसमीने पव्वइया | पालियनिरइयारसामण्णा समुप्पण्णकेवलवरनाण- दंसणधरा काऊण अणसणं सिद्धि-वसहिमुवगया ।
पवरसुरसुहाई मच्चमज्झे य जाई, जयपयडपयावा दो वि भोत्तूण ताई । विहिविविएणुप्पा डिउं दिव्वनाणं, सिवमयलमणतं पाविया सिद्धिठाणं ।। १४५ ।।
दाणं सत्ता ताणं विसममयरदसा संगयाणं पहाणं, दाणं दालिद्दकंदोद्द लणविहिमहोद्दामकुद्दालकष्पं । दाणं संसारसारातणुविभवमहाभोगसंभारसारं, दाणं सोहग्गदाणं वसियरण महामंततुल्लं जाणं ॥ १४६ ॥
विविहविहिपत्तं फासूयं भत्तिजुत्तं भवजलहिगयाणं तारणे जाणवत्तं ।
सयलसुहनिहाणं सव्वदाणप्पहाणं, जयइ सिवसुहाणं कारणं पत्तदा ।। १४७ ।। दाणंतराय विवरुल्ल संततक्खणविसुद्धपरिणामो । भत्तिब्भरपुलइयंगो धण्णो पत्ते धणं देइ ॥ १४८ ॥
संपयं सीले सोलधणाउदाहरणं
११
अत्थि इहेव जंबुद्दीवे भारहेवासे बहुदिवसवण्णणिज्जगुणगणं धरणि रमणीमुह - तिलयभूयं संकासं नामं नयरं । तत्थ णं दसदविणकोडीसरो परमसम्मद्दिट्ठी परमेसरो नाम सेट्ठी परिवसइ । तस्स णं निरूवम सीलाहरणहारिणी असाहारणरूव-सोहग्गाइगुणगण-विणिज्जिया सेसनारीगणा वीयराय-पयपंकय-महुयरी सीलधणा नाम भारिया । जा य सरयसिरि व्व परिओसिय-रायहंसमंडला अच्चतनिम्मला य, धराधराहिव मुत्ति व्व उण्णयवंसा सुवण्णरयणुज्जला य जिदिपाय- पंकयावली विव वरलक्खणा विबुहाहिट्टिया य, तियस - सरिय व्व सदया परमेसराणुगया य; जीसे कोहो पावकम्मेसु न परियणेसु, जीसे बहुमाणो गुणगणेसु न संतेसु विनिय जाइ-कुल- रूव-लायन्नेसु; जीसे अलियाणुगया चिरा न समुल्लावा, निम्मल- कवोलपडिमा विरइयमय मय- पत्तलेहा कलंकंकियं वयणं न सीलं, सवणासत्ताणि सुवण्णरयणुज्जलाणि कुंडलाणि न पिसुणजणजंपियाणि, दूरुन्नय-गरुयसुसंगय सुपुरिसाणुगारिणो पयोहरा न पडिवक्खा, मुणालसुकुमालाओ बाहुलयाओ न बुद्धीओ, तणुओ मज्झो न दाणप्पसरो, वित्थिष्णो नियंबो न रोसो, कुम्मुन्नया चलणा
न दसणा ।
किं बहुना ? वरजोव्वण-कंतिकलावेहिं दाण-विणएहिं । सीलधणाए सरिसा सीलधणा चेव न हु अण्णा । । १४९ ॥. निरुवमसीलं रूवं च निरुवमं निरुवमं च सोहग्गं । निवसंति सयाकालं सीलधणाए सरीरम्मि ।। १५०॥
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |