Page Text
________________
जुगाइजिनिंद-चरियं
तो ताणि परोप्परपाणिफंससंगलिय सेय सलिलाणि । मयणानलविज्झवणत्थं व सीयसलिलेण सित्ताणि ।। १२७ ।। खणमेत्तमच्छिऊणं सिणेहसा रेहिं सोवया रेहिं । वयणेहिं तीय बहुसो पुणो पुणो पत्थिओ एवं ।। १२८ ।। अबलायणम्मि दीणे सुहय ! पसिऊण तह करेज्जाहि । जह भुज्जो वि हु जायइ तए समं दंसणं अम्ह ।। १२९ ।। इह भणिउं बलियाए तीसे पच्छामुहं नियंतीए । तत्थ ठियं पिव चित्तं आणेडं पेसिया दिट्ठी ।।१३० ।। तेण वि लोयसमक्खं अणिमिसदिट्ठीए ताव सच्चविया । अंतरिया जाव वणंतरेण सा धीवरंगरु | ।। १३१ ।।
एवं पइदिणमवरावरोवायणमिसेण गमागमं कुणमाणीए परोप्परालावेण य तहा वसीकयं मयणविग्गहमाणसं तीए, जहा पयडमेव पत्थिओ तेण तप्पिय मेहमुहो । 'कल्लाणमेयं' ति भणिऊण पडिवण्णमणेण । परिणीय | गंधव्वविवाहेणं ।
तत्तो वारं वारं धरिज्जमाणो वि परियणजणेण । उज्झियकुलाभिमाणो दिओ वि धी धीवरी जाओ ॥१३२॥ को अहव तस्स दोसो जाइविरुद्धं पि कुलविरुद्धं पि । अकरितं पि हु पुरिसं बला वि मयणो करावे ।। १३३ ।। चंडानिलविहुणियगुरुतरंगपक्खुभियजलहिजलपसरो । रुम्भइ कह वि कयाइ वि न उणो अणुरत्तचित्तस्स ।। १३४ || एत्यंतरेऽसमंजसमिमेहिं विहियं ति पिच्छिउं सूरो। लज्जतो विव अत्थगिरिसिहरिसिहरं समारूढ ।। १३५ ।। नं नज्जइ रोसेण व रत्ता संझा दिसावहूणं पि । दट्ठूणाकज्जमिणं सामीभूयाणि व मुहाणि ।। १३६ ।। तओ अकयकज्जो मिणदुम्मणो पडिनियतो मयणविग्गहपरियणो । मयणविग्गहो वि पाणिग्रहणदियहादारम्भ निम्भराणु रायरत्तमाणसो पवड्ढमाणनाणाविह-परिहासं अणवरयचाडुकम्मकरणपयडियसिणेहनिब्भरं मयणमंजरीए सह विसयहमणुहवंतो कालं गमेइ ।
अण्णा गिम्हाले रइसमरसम्म निस्सहा णिल-सीयरसित्तकुसुमसत्थरे नुवण्णाणि रयणीए सुहपसुत्ताणि चेव डक्काणि भुयंगमेण, मज्झिमगुणजोगओ मरिऊण जायाणि सज्झगिरिसमासन्नाए कालासणि नामियाए महाडवीए पुलिंदाणि, पत्ताणि जोणं । अदिवियविप्पओगाणि ईसाविसायविप्प मुक्कमाणसाणि सयासन्निहियकंद-मूल-फलासणाणि झरंतनिज्झरसीयल सलिल - पाण-मुइयाणि कालं गमिति । जओ-
ܐ
साही फल-जलाणं अदिट्ठपियविप्पओगसुहियाणं । असुयखलजंपियाणं सुहओ वासो पुलिदाणं ॥ १३७ ॥
इओ य सत्यभट्ठा पणट्टमग्गा इओ तओ परियडंता बहुसीसपरिवारा महाडवि पविट्ठा सुप्पट्टसूरिणो, असणपाणविरहियाणं समइक्कंता सत्त वासरा । अन्नम्मि दिणे गाम-गोउलाइ गवेसणनिमित्तं थलमारूढो एगो मुणिवरो । दिट्ठो दूराओ व सबरेण । 'पिए ! अदिट्ठपुव्वं दीसइ' त्ति भणिरेण समारोवियं धणुवरं, गहिओ सरो दाहिणकरेण । सविसेसं निरूविऊण साहु- दंसणसंजायजाइ- सरणाए भयवेविरंगीए जंपियं पुलिदीए -- “ पिययम ! संहर सरं, मुणिवरो विय लक्खीयइ ।" तेण भणियं -- " कहमकयकज्जो सरो संहरिज्जइ ?" सबरीए भणियं --
गय-पहरणहं अदोहहं जीवदयावरहं, करुणामयमयर-हरहं धम्मधुरंधरहं ।
सयलसंगपरिचत्तहं संतहं सुहयरहं, पिय ! पहरंतु पडिसि नरइ तुहुं मुणिवरहं ॥ १३८ ॥
तओ समुत्तारियसरासणो संहरियरो गओ साहुसमी सबरीए सह सबरो, पणमिओ मुणी, गयाणि मुणिणा गुरुसमीबं, कया गुरुहिं धम्मदेसणा । लद्धावसरं जंपियं सबरीए - - " भयवं ! बहुपुण्णपावणिज्जाणं तुम्हारिसाणमतिहीणमागयाणं किं करेउ अरण्णवासी अम्हारिसजणो ?" गुरुणा भणियं -- “भद्दे ! न संतप्पियव्वं, भव्वाणं चेव एवंविहो भावो भवइ ।” सबरीए भणियं -- " भयवं ! करेह मे अणुग्रहं कंदाईहि ।" साहिओ गुरुहि संखेवेण कप्पाकप्पविही। सबरीए भणियं - "कप्पणिज्जमेव वियरिस्सामि ति ।" गुरुसमणुण्णाया गया साहुणो । दंसियं पवणपकंपियनिवडिय सुक्कखइरसंगेण तयावण्णमावण्णं जलं । बीयपयमणुसरतेहि पुलिददिण्णं गहियं गलिऊण साहूहि । तओ नीया गुहामुहं, नीणियाणि चिरसंचिय-कंद-मूल-फलाणि । बाहुल्ललोयणा दाउमारद्धा सबरी । सबरेण भणियं -- "पिए ! हरिसट्ठाणे वि विसण्णा aिय लक्खीयसि ? " सबरीए भणियं -
. १ गमेंति पा० 1
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |