Page Text
________________
दाणे पुलिंददुग-उदाहरणं
तओ खर-पवण-पहय-दुब्बलमूलो विव महादुमो, सिसिरदढ्डो विव कमलायरो, कलंकिओ विव सुपुरिसो, सुहिसयणविरहिओ विव सज्जणो, पणट्ठ-रज्जो विव नराहिवो, राहु-गहियमंडलो विव चंदो विच्छाय-महमंडलो विलविलं पवत्तो वेयमहबंभणो-जणणी वि 'हा नियकुल-नहयलामलससिलेहे ! हा नियरूव-लायण्ण-जोव्वण-कलाकोसल्लोहामियमयण-घरिणिदेहे ! हा सुसिणिद्ध-कुडिल-बहुकसिण-चिहुर-भारवि णिज्जियवण-बरहिणकलावे ! हा महुरवयण-विणिज्जियकलकंठसमल्लावे ! हा वयणकति अहरी-कयपडिपुण्णपुण्णिमा चंदे ! हा नयणसोहापराजिय-हरिणघरिणिनयणे ! हा दुरुण्णय-सिणिद्ध-संगय-सुपुरिसाणुगारिसिहिणपब्भारविराइयवच्छे ! हा उयरसरतिवलि-कल्लोलमियनाहिपंकए ! हा रंभाखंभ-दंडोवमोरुजयले ! हा तियस-नइ-पुलिण-वित्थिण्ण' जघणत्थलाभोए ! हा कुम्मुन्नय-पय-नह-मणि-किरणनियर-विच्छाइयतिमिर-पब्भारे !
चंदमहि ! हंसगामिणि! भयतरलमयच्छि! कोइलालावे! वरकुंद-कलिय-दसणे'! वच्छे ! तं कत्थ दीसिसि ॥११४॥ होहिंति सुया संसारियाण महिमंडले भमंताण । गुणमणिरोहणधरणी तुह सरिसी जइ तुम चेव ॥११५।। एवं पलवंती सा भणिया विप्पेण कसिणवयणेण । अलमेत्थ विसाएणं पडियसहा होह कि बहणा? ॥११६।। वसणम्मि समावडिए नियपयइं जो न चयइ सोधन्नो । सत्थावत्थे सत्थाजणो जणो देइ कि तेहिं ? ||११७।
एवं संठविऊणं कह कह वि अत्ताणयं विसाय-विसविहरियंगाणि ठियाणि ताणि । सा वि कण्णया अयंडे चेव मेहमुहपल्लीवइणो भवणसयणिज्जगयं पेच्छइ अत्ताणयं । तओ तं दठूण साहियं मेहमुहस्स दासीए-“सा विव पब्भट्टा सुरसुंदरी, पायालाओ विव समागया नागकण्णया एगा कण्णगा तुह सयणिज्जमज्झगया दीसइ।" तं सणिय विम्हयपूरिज्जमाणमाणसो समागओ पल्लिनाहो । दिट्ठा य तेण 'हा ! किमेयं' ति विम्हिएण पुच्छिया तेण _"वच्छे ! का तुभं ? कत्तो वा समागया ? कमलिणीए विव सरं के कुलमलंकियं तुमए ?" सा वि अदिण्णपडिवयणा बाहोल्लनयणा रुयइ चेव, न किपि जंपइ । 'महिलासज्झमिणं कज्जं ' ति चितिऊण निग्गओ मेहमहो। भणिया य नियधरिणी मेहमालाभिहाणा--"पिए ! तह कह वि उवयरिऊण बहुप्पयारं कोमलवयणेहि जणिऊण वीसासं वत्तव्वा एसा बालिया जहा साहेइ सव्वं नियय-वइयरं ।" तीय वि तहेव काऊण पुच्छिया मयणमंजरीए, साहिओ जहट्ठिओ सव्वो वि निययवइयरो । पडिवण्णा मेहमालाए दुहिया निययघरे व जहा समीहियसंपज्जत-सयलमगोरहा कालं गमेइ ।
इओ य कुबेरपुरसामिणा कुबेरदत्तराइणो संधिविग्गहियमाहणस्स पुत्तो पहाणपुरिसपरिवारिओ मयणविग्गहो नाम पेसिओ मेहमुहपल्लीए। पत्तो सो तत्थ, आवासिओ बाहि । अण्णम्मि दिणे सबहुमाणं पवेसिओ नियमंदिरं पल्लिनाहेण । कहियं च रायसासणं । उवायणीकयाणि चित्तयचम्म-दंत-मणि-मोत्तियाईणि, संपूजिऊण पेसिओ निययावासं । पम्हट्र मणि-रयणं समप्पिऊण पेसिया पच्छओ मेहमुहेण मयणमंजरी गया तस्सावासं ।
तो दूरकयपणामा खलंतचलणा ससज्झसा बाला । पत्ता तस्स समीवं मयणसरालिद्धसव्वंगा ॥११८॥ चइऊण बालिया सुलहसज्झसं तरलतारया तीए । तोरवियपंचबाणा दिण्णा दिट्ठी दियवरम्मि ॥११९।। अगणियपरियणलज्ज पम्हुटकुलक्कम विगयसंकं । पसरंतसाससूइयहिययायासं जणपयासं ॥१२०।। तेण वि तज्जियलज्ज ससिणेहं सायरं ससिंगारं । वलियच्छिणा सयण्हं तीसे मुहपंकयं दिट्ठ ॥१२१॥ अण्णोण्णंदसणामयसित्ताणि व ताणि' वियसियतराणि । जायाणि जायसोहाणि कुवलयाई व नयणाई ॥१२२॥ दोण्हं पि पढमदंसणपसरियमयणग्गिजालपज्जलियं । वारं वारं वेवइ संगमसुहसंकिरं हिययं ॥१२३॥ . तत्तो गयलज्जाए पयंपियं वीर धीवर-सुयाए । धन्नाहं जीय तुमं सक्खं चिय अज्ज सच्चविओ ॥१२४।। एसो तस-थावरविसपणासणो तुज्झ करयलप्पणई । तायाएसेण मणी मज्झ करेणं करेयन्वो ॥१२५॥ इय भणिए तेण लहुं हत्थो हसिऊण अप्पणो धणियं । संपीडिऊण सुइरं समप्पिओ तीय वि सलीलं ॥१२६॥
१. भारविणिज्जि० जे०।२.विच्छिण्ण. जे० । ३. दसणे। हाव० पा० । म्हयावरिज्ज जे० । ५. नियघरि व्व पा०। ६. उज्झिय० जे०। ७- ताण पा०। ८. कंखिरं ९. अप्पिओ पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |