Page Text
________________
जुगाइजिणिंद-परियं
दाणे पुलिंददुगउदाहरणं-- तत्थ ताव दाणदिळंतो भण्णइ--
अत्थि इहेव जंबुद्दीवे दीवे भारहेवासे सुब्भन्भंलिहपायारसिहरसंरुद्धविरहपहं विलासपुरं नाम नयरं। सूरो ब्व सव्वत्थ निग्गयपयावो सूरो नाम राया। तरस णं सयलधम्माहिगारेसु सम्मओ बहुखेड़ाहिवई विप्पसयसेवियकमो चउवेयविसारओ वेयमहो नाम माहणो। तस्स य सावित्ती नाम भारिया। जा य केरिसा--
कुम्मुन्नयपयपंकयहारिणि, करिकरजंघाजयलविराइणि । पिहलनियंबबिबखामोयरि,तिवलितरंगणि पीण-पओहरि ।।९६। जच्चसुवण्णवण्णचंदाणण,दीहरलोयण सुहसयभायण। सुललिय ललिय जेम ईसाणह,सीय लक्खण धरि जेम्ब रामह ।।९७। रइ मयणह जिव लच्छि उविदह, चंदह चंदिम रंभ सुरिंदह । वेयमहह चउवेयवियाणह, पिय सावित्ति जेम्ब बंभाणह ।।९८।। विसमसरसराणं कुंठभावं गयाणं, विहिविहियविहाणा निम्मिया जा सराणा। तरुणजणमिगाणं कामपारद्धिएणं, वसियरणनिमित्तं कि कया वागुरेसा ? ||९९।।
'तस्स णं वेयमुहस्स सावित्तीए सह विसय-सुहमणुभवंतस्स सुहंसुहेण वच्चंति वासरा। अण्णया कयाइ बहूहिं उवाइयसएहिं चउण्डं पुत्ताणमुवरि कहकह वि जाया एगा दारिया। उचियसमए य महामहसवेण पइट्टावियं नाम मयणमंजरि त्ति। अईववल्लहा जणणि-जणयाणं, पाणहितो वि पिया भाईण. बहमया परियणस्स, सिप कालं गमेइ।
अण्णया कज्जल-कसिणच्छवी, पिहुलचिविडनासो, वियडानासावंसविणिस्सरंत-पवण-पयवयणपस्सेयसलिलो, सुप्पायार-सवण-जुयलो, दीहदसणो, मल-मलिणवसणो, विविहतव-सुसिय-मस-सोणिओ, पयडदीसंतसिरा संचओ, दवदड्ढो विव थाणुगो, मासखमणपारणए गोयरचरियाए भमंतो कह कह वि पविट्ठो वेयमुहमाहणघरे दमसारो नाम मुणिवरो। दिट्ठो मयणमंजरीए। अविवेयबहुलयाए जोव्वणस्स, 'अहो! रूवसंपया, अहो! उज्जलनेवच्छया, अहो! कंती, कयत्थो विही जेणेरिसं पुरिसरयणं निव्वत्तियं, अकयत्थाणि जण-लोयणाणि जेहिं न दिमिमं ति एवमाइ सहासं भणिऊण जाइकुलगन्वियाए निव्वूढमणाए।
सोऊण इमं वयणं रत्तच्छो कोह-कंपिरसरीरो । कुवियकयंतुब्भडभिउडि-भासुरो दसणदट्ठोट्ठो ॥१०॥ अवयरियमणिसरीरे कयसण्णिज्झो सया वि गणगज्झो । खरमहजक्खो खर-निठुरेहिं तं भणिउमाढत्तो ॥१०१।। सत्तभवग्गहणाई मुणिउवहासेण पाणजाईसु । भमिहिसी भोगविहिणा दुहदुहिया दूहवा पावे! ॥१०२॥ तं वज्जपडणसरिसं वयणं सहस त्ति तीए सोऊण । भयसंभंतमणाए कह कह वि पयंपियं तीए ॥१०३।। हा! ताय! ताय ! तायसु, अम्मो! वच्चामि कत्थ पावा हं। परलोगो विन सहिओ, इहेव मह निवडियं पावं ।।१०४।। जणणि-जणएहि भणियं, खंतिपहाणा हवंति वरमुणिणो । ता पणमिऊण एयं, वच्छे ! खामेसु अवराहं ॥१०५।। अह उट्ठिऊण तीए, करकमलकयंजलीए मुद्धाए । भयवेविरदेहाए, पयंपियं दीणवयणाए ॥१०६।। भयवं! सुर-नरसंथय ! सचराचर जीववच्छल! पसंत! । दय रसिय! पसिय सिग्धं ,खमेसु जं मेऽवरद्धं ति ॥१०७।। को हसइ जाणमाणो, तुह चरियं चंदचंदिमासरिसं । जो पुण अयाणमाणो, हसइ हओ सो सकम्मेहि ॥१०८।। अण्णाणं अवरज्झइ, न भावदोसो जहेत्थ मुणिपवर! तह होज्ज साणुकंपो, करुणायर! मह तुम चेव ॥१०९।। तव्वयणायण्णण-सुप्पसण्ण-चित्तेण तेण जक्खेण । पडिभणिया सा बाला वच्च तुमं कोलिय-कुलम्मि ॥११०॥ तत्थ वि सुहिया सोहग्गसंगया जणियजणमणाणंदा। एत्तो तइयभवेणं सावंतं पुत्ति ! पाविहिसि ॥१११।। इय वोत्तुं तह सविया जह सा कोलिय-कुलम्मि अवयरिआ। पेच्छंताणि' वि न नियंति तक्खणा चेव जणयाणि।।११२॥
दुहिया दुह-दुहियाणं अम्मापियराण सोगभरियाण । घणघडियमियंकसमप्पहाणि जायाणि वयणाणि ॥११३॥ १. गोविद पा. २. जर स. जे. ३. दीहरदस पा.। ४. संजुया पा० । ५. ताण वि जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |