Page Text
________________
सिरिरिसहनाहस्स धनसत्थवाह-भवो
असुइम्मि समुब्भूओ किमिओ सग्गम्मि सुरवरो सुहिओ। इच्छंति जीवियं दो वि दो वि मरणाओबीहंति ।।८९।। जो देइ अभयदाणं सुहिओ सो होइ अन्नजम्मम्मि । दीहाऊओ सुरूओ नीरोगो सत्तिमंतो य ॥९०।।
धम्मोवग्गहदाणस्स पुण पंचहा सरूवं । तं जहा-१दायगसुद्धं २गाहगसुद्धं ३देयसुद्धं ४कालसुद्धं ५भावसुद्धं (च) तत्थ दायगसुद्धं-जो दाया नाणसंपन्नो, अविरुद्ध नियनियववहारोवज्जियधणो, माया-पिइपमुहनियपरियणबहुमओ, खंतिमद्दवज्जवाइगुणगणसमन्निओ, निरासंसविसालमाणसो, दिण्णे वि अणणुतावी असेसकम्मक्खयत्थमब्भुट्ठिओ । गाहगसुद्धं पुण--जो गाहगो सया सावज्जजोगविरओ, पंच समिओ, तिगुत्तो, गारव-तिय-विप्पमुक्को, गामागर-नगर-कुल-वसहिसरीरोवगरणपमुहपयत्थेसु निम्ममो, अट्ठारससीलंगसहस्समहाभरधुरधरणसमुद्धरकंधरो, राग-दोसविप्पमुक्को, समतिणमणि-लेठ्ठ-कंचणो, नाण-दसण-चरणरयणत्तयसमलंकिओ, जहासत्तीए अणसणाइतवकरणसमुज्जओ, कुक्खिसंबलो, पसत्थझाणानल'दज्झमाणकम्मिधणो, उम्मग्ग-पट्टिदियतुरियतुरंगमदमणसारही, सत्तरसविहसंजमकरण-पवणमाणसो, अट्ठारसविहबंभचेरपरिपालणपरायणो मुणिवरो। देयं पुण सुद्धं-नायागयं कप्पणिज्ज उग्गममुप्पायणेसणादोसपरिवज्जियं साहु-सरीरे धम्मोवग्गहकारण असण-पाण-खाइम-साइम-वत्थ-पडिग्गह-कंबल-रओहरण-पीढ-फलग-सेज्जा-संथारमाइयं । कालो पुण-जो जरस उवभोगकालो। भणियं चकाले दिण्णस्स पहेणयस्स अग्यो न तीरए काउं । तस्सेव अथक्कपणामियस्स गिण्हतया नत्थि ॥९॥
भावसुद्धं इहलोगासंसाइदोसपरिवज्जियं परम-पडिवत्तीए आयाणुग्गहबुद्धीए मच्छरियाइदोसमुक्क' सद्धाइसय समन्नियं पत्तबुद्धीए संजयाणं दाणं ।। मोक्खपसाहणहेऊ नाणाई तप्पसाहणो देहो। देहदा आहारो निद्दिट्ठो समयवेऊहिं
॥९२।। पुरिसत्थेसु य पवरो धम्मो धम्मत्थिणा उ सो गिज्झो। धम्मो वि देहपहवो देहो विहु वहइ अन्नेण ।।९३।।
३ दितओ जावो। पावइ परम पुण्णं अव्वोच्छित्ति कुणइ तित्थे ॥९४।। __ सीलं पुण देस-सव्वविरई भेएण दुविहभेयं । तत्थ देस-विरई पूवमेव सुगरुसमीवे मिच्छत्ताओ नियत्ताणं पसमसंवेग-निव्वेयाणुकंपाथिक्काइलक्खणं सम्मत्तं पडिवण्णाणं, दीणा-णाह-लोइय-लोउत्तरियगुरु-जणपमुहजणोच्चियपवित्तिजुत्ताणं, गंभीरोदारमाणसाणं, परोवयारनिरयाणं, पावगंछापवित्तचित्ताणं, निम्मलबोहाणं, सयलजणवल्लहाणं, विगयगरुयविसयतण्हाणं, दूरंतदसणमोहविवज्जियाणं, पणट्रधम्मपच्छारूईणं, साणुबंधकोहोद (याइ) विरहियाणं, परमसुस्सूसाइगुणगणसंगयाणं, निरूवम-धम्माणुरायरंजियमाणसाणं, चरणावरणकम्मोदएण सव्वविरइविमुहाणं,थूलग-पाणाइवायविरमणाईया दुवालस-भेय-भिण्णा। सव्वविरई पूण-विसुद्धजाइ-कुल कलियाणं, खीणपायकम्ममलाणं, तत्तो चेव विमलमइसंगयाणं, संसारमहविरत्तचित्ताणं, पयईए चेव अप्पकसायाणं, विणयाइगुणगणरयणविभूसियसरीराणं, समयपसिद्धृत्तरगुणसमन्नियाणं, पंचमहव्वयपरिपालणा रूवा।
तवो पुण-महासत्तसंगएहिं, संसारसहनिप्पिवासमाणसेहि, निरुद्धपंचिदियपसरेहि, नियसरीरे वि परिहरियममत्तेहि, सद्दाइविसयविरत्तचित्तेहिं, सरीरपीडासंभवे वि अविसाईहिं समुल्लसंतसुहपरिणामेहिं साहु-सावयएहि काऊं तीरइ।
भावणा धम्मो पुण--नाण-दसण-चरणायरणनिरयाणं साह-साहणि-सावय-सावियाणं गुणगहणभत्ति-बहुमाणतक्कज्जकरणलक्खणो संसारदुगंछणया-सूहासूहकम्मविवागचितणा रूवो । एस चउव्विहो वि धम्मो कह कह वि परमपुण्णोदएण पाणिणा पाउणिज्जइ।
सत्थवाहेण भणियं--"भयवं ! के पुण इमस्स धम्मस्स सेवगा? किं फलो वा एस धम्मो ?।" सूरिणा भणियं-"सोम! सुण,
दाणम्मि पुलिंददुगं सीलधणा होइ सील-धम्मम्मि । तवतेओ तत्ततवे भवभीरू भावणाए य ॥९५।।
A
.
.
१. नलदड्ढकम्मि. पा.।२. च्छरिययाइदो० जे०।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |