Page Text
________________
सिरिरिसहनाहस्स धमसत्यवाह-भवो
को पुण कालो? चरमनिदाहो । जत्थ णं पइदियहमेव तवइ तरणि-मंडलं, तत्तमुम्मरसमा दुल्लंघा पहियाण पहा, पयलपया होंति कमलायरा, उत्तम्मति महाकरिणो ।
दियहा उध्दंधलया खर-फरुसो मारुओ दहइ देहं । कर-पीडिय-सयल-जणो कुनरिंदसमो रवी जाओ ॥६६॥ जत्थ य रवि-कर-तविया कह कह वि लहेवि पाणिय-ट्राणं । वप्पीहय व्व तिसिया पिउ पिउ पहिया पयंपंति ॥६७॥ चइऊण दाहिणं उत्तराए काऊण संगम सूरो । दाहिण-भएण तुरियं बलिओ तेहि चिय पएहि ॥६८।। संताविऊण भुवणं जलासए सोसिऊण भयभीओ। काउरिसो विव गिम्हो पाउसरायागमे नट्ठो ॥६९।।
तो वहति कालंबिणीओ, उच्छलिओ काणणंतरेस परहयारवो,' महमहइ कुडव-कर्यब-परिमलो, निव्ववियं गिम्हम्ह-तावियं पढमजलासारेण धरणिमंडलं।
किं चविज्जुलय-कत्तिय-करा तज्जिता गहिरगज्जियरवेण । नं रक्खस' व्व मेहा चलिया पियविरहियाणुवरि ।।७०॥ 'गरुयाभोगा कसिणा सिहरिल्ला पवणपेल्लिया मेहा । पक्खाहिं 'पव्वया वि व गयणुड्डीणा विरायति ।।७१॥ जलनिहिवसणा'तणनीलकंचया इंदगोय-घट्टिल्ला। मुहविहियतिलयतिलया हसमाणी कुडयकुसुमेहिं ।।७२।। सेलनियंबा उण्णयपओहरा जणियजणमणाणंदा । रेहइ वसुहा-तरुणी पाउससमए ससिंगारा ॥७३॥ बरहिण-रवेण घण-गज्जिएण पय-पूर-पउर-सद्देण । दद्द र-रसिएण जहिं पिसुणुल्लावा न सुम्मति ॥७४।। इय एरिसम्मि काले दुपय-चउप्पय-निरुद्धसंचारे । अडवीए उडवयाइं काऊण ठिओ तहिं सत्थो ॥७५।।
सा पुण अडवी महारायपुरवरी व समंतओ विसालसालोवगूढा पहाणवंससंगया बहुवाणिया य, महानरिंद-रणभूमि व्व दीसंताणेगसकुंत-सर-चक्कवाया खग्गाभिघाय-दलिज्जंत-मत्त-मायंग-कुंभत्थला य, निसि-समय-महाराय-सहाभूमि व्व दीवियासय-सोहिया चंडालजणा, “वणभूमि व्व वियरंतमत्तमायंगा पयडपलासा य, लंकाउरिभूमि व्व वियरंतबहुनिसायरा बिभीसणसंगया य, पंडवसह ब्व वियरंतजुहिट्ठिल' -भीम-नउला अज्जुण-सहदेवोवसोहिया य, लीलापहाणविलासिणिन्ध विसट्टकेलि-कमल-पगलंत-मयरंद-बिंदुसंदोह-पिंजरिज्जंतपओहरा वरतिलयविभूसिया य; कत्थइ नहयलसिरि व्व वियरंतवणुहत्थलोद्धया सुक्क-मयसिर-सणाहा य, कत्थइ जेटक्कमूलकलिया गुरुचित्ताणुगया य, कत्थइ भद्दवया -सहिया उट्टितविसाहपयडदीसंतमंदारा" य, कत्थइ वियरंतबहुरिक्खरेहिरा रोहिणिरमणीया य, कत्थइ सत्तसत्तममहरिसिसंचारसोहिया पयडदीसंतमयराया २ य, कत्थइ विलसंतधुवागत्थिया कत्तियाणुगय-निसायरसंगया य; - इय" केत्तियं व भण्णइ गिरिवरतरुतिरियसरियभरियाए । गहणाए भीरुभयकारियाए बहुविहविहंगाए ॥७६॥
एवंविहाए वियडाडवीए निवसंतएहिं लोएहिं। सव्वेहिं संबलाइं खद्धाई दीहकालेण ॥७७।।
तओ पहीणपाहेया सीयंता सव्वे वि सत्थलोया" वणवासिणो व्व कंद-मूल-फलासिणो जाया। साहुणो वि माणिभद्दोवदंसियं तण-बीय-कंटयाइरहियं उवस्सय" मासिया कालं गमिति ।
अण्णया बहुपरि"गलिएसु वासारत्तवासरेसु सुहपसुत्तेण सत्थवाहेण जामिणीए चरमजामे तुरंगवंदुराजामइल्लेण पढिज्जमाणं सुयमेयं गाहाजुयलं
नामेणं चिय धणओ धणओ परमत्थओ धणो धणओ। सरियासलिलं व सिरी सामण्णा जस्स लोएण ||७८॥ दसदिसिपसरियहरहास-धवलजस-भरियसयल भुवणयले पडिवण्णं परिपालइ मह नाहोन उण अन्नजणो ॥७९॥
१. सु मयुरा रवो पा० । २. रक्खसि व पा०। ३. गहिया पा० । ४. पयया जे० । ५. तल पा० । ६. कंठया । ७. वाण पा०1८. दिर पा०।९. यरिंद पा०।१०. वइपा०।११. दार य पा० । यराय१२य पा०।१३. कित्तियं पां। १४. सव्वलो पा.। १५. उवधस्स पा. । १६ . रिगिलि पा । १७. णयलो पा. ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |