Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 295

जुगाइजिणिदचरिय पुन्नाणुबंधिपुनेण संगओ सयलजणमणाणंदो। पत्तावसरे पिउणा पइट्ठिओ निययरज्जम्मि ॥२९९५।। पणमंताणेगमहंत-कंतसामंत-पणयपयकमलो । सयलनरिंदपहाणो जाओ अक्खंडमंडलिओ ॥२९९६।। अह तस्स चेव मंती नाहियवाएण संगओ खुद्दो। नामेण अग्गिमित्ती सद्धम्मपरंमुहो अत्थि ॥२९९७॥ तेणन्नया कयाई उज्जाणगएण पउरलोयाण । धम्मकह कहमाणो दमसुंदरसूरिणो दिट्ठो ॥२९९८।। गंतूण ताण पुरओ अकयपणामेण तेण ते भणिया। नणु केरिसगो धम्मो दयम्लो सूरिणा भणिओ ॥२९९९।। जीवदयं दूसिंतो जीवाभावं च वागरेमाणो। निप्पिट्टपसिणवागरणगो कओ तेहि सो मंती ॥३०००।। मिच्छत्तमोहियमई कोह-कसाएण कलुसिओ संतो। अग्गि ब्व अग्गिमित्ती रत्तच्छो भणिउमाढत्तो ॥३००१।। रे रे मुंडा' उच्चंडतुंडदोसेण दूसिया तुम्हे। मुयह' लहुं नरसुंदररण्णो विसयं ति भे दंडो ॥३००२॥ एवं भणिऊण गओ मंती साहू वि विहियसमवाया। किं कायव्वविमूढा भणिया दमसुंदरगुरूहिं ॥३००३।। गंतूण ताव साहेमि वइयरं राइणो तओ पच्छा । लहिऊण तस्स चित्तं जं जुत्तं तं करिस्सामि ॥३००४।। कइवयसाहुसमेया गया गुरुराइणो समीवम्मि। कहिओ नरवइपुरओ जहिट्ठिओ वइयरो सव्वो ॥३००५।। हक्कारिऊण मंती रण्णा निब्भच्छिओ। बहुपयारं । अहिगारं घरसारं वहरियअइंसणो विहिओ ॥३००६।। जो कोइ मज्झ रज्जे अन्नो वि जईण दुज्जणो होही। सो वि जह अग्गिमित्ती तहा मए सिक्खवेयन्वो ॥३००७।। सोउं नरिंदवयणं एवं लोया ससंकिया जाया। देसपुरपट्टणेसु वित्थरिओ वइयरो एस ॥३००८।। साणुणयं सप्पणयं सूरिपयं12 पणमिऊण भणइ निवो । विगयभया मह विसए मुणिणो सव्वत्थ विहरंतु ॥३००९।। काऊण य धम्मकहं विहिणा18 उववूहिऊण नरनाहं। कयसम्माणो रण्णा गया गुरू निययठाणम्मि ॥३०१०।। साहूण सुहविहारो मिच्छद्दिट्ठी वि भद्दया जाया। पच्छण्णा मच्छरिणो नरसुंदररायरज्जम्मि ॥३०११।। एवं सो नरनाहो अवग्गहं मुणिवराण दाऊण। चिरपरिपालियरज्जो कयकज्जो जेट्टपुत्तम्मि ॥३०१२।। "निक्खवियरज्जभारो साहु अवग्गहपयाणपुग्नेण । मरिऊण मरणविहिणा ईसाणे सुरवरो जाओ ॥३०१३।। सुहसागरावगाढो15 अहाउयं पालिऊण सो तत्तो । पुनाणुबंधिपुन्नेहि चवियपुरिपुंडरिगिणीए ॥३०१४॥ सूरप्पहस्स रण्णो चोद्दससुमिणेहिं सुइओ संतो। सूरसिरिनामियाए देवीए सुओ समुप्पण्णो ॥३०१५।। समुचियसमए जाओ वियारधवलो त्ति से कयं नामं । सव्वंगलक्खणधरो धरणिवई जक्खकयरक्खो ॥३०१६।। सयलकलागमकुसलो दसदिसिपसरंतनिम्मलपयावो । अमयमओ विव विहिणा विहिओ जणजणियमणतोसो ॥३०१७।। सरं वियक्खणं पवरलक्खणं पेच्छिऊण नियपुत्तं। कारेइ पाणिग्गहणं राया वररायकण्णाण ॥३०१८।। रज्जेऽभिसिंचिऊणं पुत्तं सावज्जवज्जणं काउं । कणयरहगुरुसमीवे विहरइ सूरप्पहो राया ॥३०१९।। जिणभणिय--विहाणेणं विहरंतो खवियघाइकम्मंसो। निज्जियससिसूरप्पहं सूरप्पहो केवलं पत्तो ॥३०२०।। निम्मलजसपसरेणं वियारधवलो वि धवलियदियंतो। कइवयदिणावसाणे चोद्दसरयणाहिवो जाओ ॥३०२१।।
अक्खंडं छक्खंडं साहियसंसारसारवरविसए। सेवंतो सविलासं गयं पि कालं न याणेइ ॥३०२२।। १. पारलोया० जे०२. तण जे० । ३. देसेंतो जे० । ४. कुलसि० जे०। ५. संडा जे०। ६. उव्व (ई)ड जे० । ७. सुयह जे०। ८. तव जे० । ६. पुच्छा जे० । १०. रिस्सामो जे० । ११. छिय ब० जे० । १२. सूरे पयं जे० । १३. वहि० जे० । १४. निखचिय जे० । १५. पुन्नाण बंध पु० जे०।