Page Text
________________
सिरिरिसहसामिदेसणा
२५५ अह अण्णया कयाई गामागरनगरसंकुलं वसुहं । विहरंतो संपत्तो सूरपहो केवली तत्थ ॥३०२३।। सोऊण तयागमणं भत्तिभरुल्लसियवहल-रोमंचो। पिउपायवंदणत्थं वियारधवलो समुच्चलिओ ॥३०२४।। आगमविहिणा नमिऊणकेवलि समुचियासणनिसण्णो। धम्म जिणपण्णत्तं चक्कहरो सोउमाढत्तो ॥३०२५।। पाणाइवायविरमणपुव्वं निसिभत्तविरइपज्जंतं । कहिऊण साधम्मं जा जीवं पालणारूवं ॥४०२६।। पंचाणुन्वयगुणवयसिक्खावयसंगयं दुदसभेयं । पच्छा अविरयसम्मादिट्ठीणं चेव धम्मं तु ॥३०२७।। वज्जरियउवरए केवलम्मि सूरप्पहे सहा सयला । काऊण जहा जोगं धम्माणुटुाणपडिवत्ति ॥३०२८।। हरिसवसवियसियच्छी आणंदियमाणसा नमेऊण। केवलिणो पयजुयलं जहागयं पडिगया सव्वा ॥३०२९।। नेहेण भत्तिरागेण सविणयं अंजलि सिरे काउं। छक्खंडसामिएणं सूरप्पहो केवली भणिओ ॥३०३०।। एत्थेव ठिया तुब्भे करेह तवसंजमं सया कालं । मज्झ घरे चिय गिण्हह भत्तं पाणं च पइदियई ॥३०३१॥ भो रयणाहिव! साहूण एगखेत्तम्मि अणुचिओ वासो। अप्पडिबद्धविहारा जं समए साहुणो भणिया ॥३०३२।। जं भणसि मज्झ गेहे कायव्वं भत्तपाणगहणं तु। तं पि न जुत्तमकप्पो जईण जं निच्चपिंडो त्ति ॥३०३३।। इइ केवलिणा भणिए चक्की सविसायमाणसो भणइ । जइ एवं तो अम्हारिसाण कत्तो कुसललंभो ॥३०३४।। सविसायं चक्कहरंदठ्ठणं केवली भणइ एवं । अस्थि उवाओ तुज्झ वि तरिज्जए जेण भवजलही ॥३०३५।। अक्खंडे छक्खंडे अक्खंडसीलाण साहुवसहाण। देहावग्गहदाणं निच्चं तवसंजमरयाण ॥३०३६।। केवलिवयणं सोऊण हरिसिओ भणइ विजयभोत्तारो । विहरंतु मुणी विजए अवग्गहो मे अणुन्नाओ ॥३०३७।। एवं कयपडिवत्ती चक्कहरो केवलि पणमिऊणं । पमुइयचित्तो पत्तो सट्ठाणं परियणसमेओ ॥३०३८।। कइवयदिणावसाणे कयकिच्चो केवली गओ तत्तो। चक्की वि कुणइ साहूण तत्थ पडिणीयपडिसेहं ।।३०३९।। एवं सुहपरिणामो भोत्तूणं पवरमणुयसोक्खाई। मरिऊण समुप्पण्णो सक्को सोहम्मकप्पम्मि ॥३०४०।। सोहम्मदेवलोगे बत्तीसविमाणसयसहस्साण । देवाण य देवीण य संखाईयाण सव्वाण ॥३०४१।। तं सामी तं नाहो तुज्झायत्ताई सयलकज्जाइं । जयजीवनंदसुइरं अणुहवसु सुराण सोक्खाण ॥३०४२॥ सुरसेलदाहिणड्ढे देवासुरमणुयतिरियसंवाहे । सेस व्व तुज्झ आणा बुज्झइ सीसेण सव्वेहि ॥३०४३।। एवं सुरसयसंथुइगिराहिं गिज्जंतपवरगुणनाहो'। मणिचितियसंपज्जतसयलवरविसयसंदोहो ॥३०४४।। न मुणइ गयं पि कालं सुरसुंदरिनट्टपेच्छणासत्तो । नाणा विहकिलारसरंजियहियओ तियसनाहो ॥३०४५।। अह अन्नया कयाई सक्को सिंहासणे सुहनिसण्णो । सोहम्माए सहाए अणेगसुरकोडिपरियरिओ ॥३०४६।। विविहविलासपसत्तो विन्नत्तो सोमलोगपालेण । सुरसामि! सुणसु संपइ कज्जमसज्ज जमम्हाण ॥३०४७।। कोवि महप्पा साहू नाणाविहतवविसेसखवियंगो । केणावि कयत्थिज्जइ दुरप्पणा दुरियदेवेण ॥३०४८।। सोऊण सोमवयणं सकको सहस त्ति उट्ठिओ धणियं । परिमियपरियणसहिओ तत्थ गओ जत्थ सो साहू ॥३०४९।। हेट्ठामुहुद्धपाओ गयणगओ रुहिरमुग्गिरंतो य । खणमित्तजीविओ सो दिट्ठो सोहम्मराएण ॥३०५०।।
सुरपहुसमरिद्धीओ जम्मंतरवेरिओ सुरो एक्को । दिटठो सक्केण तहिं उवसग्गंतो तयं साहू ॥३०५१।। १. दुविह भे० जे० । २. पडिति जे० । ३. नेहाणुभत्ति० पा० । ४. जं रायपि जे० ।५. तरिज्जहो जे०। ६. विजय भत्ता जे०। ७. गणनियरो पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |