Page Text
________________
जुगाइजिणिदंचरियं
बारसविहम्मि वि तवे सब्भितरबाहिरे कुसलनिद्दिढे । न वि अत्थि न वि य होही सज्झायसमं तवोकम्मं ॥१५२३॥ एतो तित्थयरत्तं सव्वन्नुत्तं पि जायइ कमेण । जं परमं मोक्खंग सज्झाओ एत्थ निद्दिट्ठो ।।१५२४।। मण-वयण-कायजोगा ताण निरोहेण झायए झाणं। सग्गापवग्गफलयं सज्झाए न उण अन्नत्थ ।।१५२५।।
चित्तेण चिंतयंतो वायाए तमेव उच्चरंतो य। काएण एगट्ठाणट्ठिओ य परियट्टए सुत्तं ।।१५२६।। भणियं च--
जह जह सुयमोगाहइ अइसयरसपसरसंजुयमउव्वं । तह तह पल्हाइ मुणी नव नव संवेगसद्धाए ।।१५२७।। सूचिरं पि तवं तवियं चरणं चिन्नं सुयं पि बहुपढियं । जइ नो संवेगरसो ता तं तुसखंडणं सव्वं ।।१५२८॥ जावइयं चिय कालं सज्झायं कुणइ सुद्धपरिणामो। तावइयं चिय कालं असेसकम्मक्खयं कुणइ ॥१५२९।। सूत्तत्थथिरीकरणं नव नवसंवेग तह य वेरग्गं। मोहदुगंछा सज्झायवावडाणं गुणा होति ।।१५३०॥ संपइ झाणं भण्णइ रोइं अटुं च धम्म-सुक्कं च । नरय-तिरिमणुय-सुर-सिवगईण संसाहगं कमसो ॥१५३१॥ । जत्थ वह-बंधणाइं दहणं कणमारणाणि रुद्दाणि । झाइज्जति-मणेणं तं रुदं भन्नए झाणं ॥१५३२॥ जं पुण पुत्त-कलत्ते पियमित्ते अत्थसयणगेहेसु । गाढासत्तं चित्तं तं अटुं भन्नए झाणं ।।१५३३।। चीवंदणमावस्सयगुणवंतगुणाण चिंतणं निच्चं । दाणाईण विहाणं धम्मज्झाणं मुणेयव्वं ।।१५३४॥ होइ चउत्थं झाणं दुविहं सुक्कं च परमसुक्कं च । सुक्कं सुरगइहेऊ सिवगइहेऊ परमसुक्कं ।।१५३५।। सब्वेवि इंदियत्था मण-बइ-काया निरुभिया जत्थ । तं जलणो व्व तिणाई झाणं निहइ कम्माइं॥१५३६।। तं पूण परित्तसंसारियस्स जीवस्स न उण अन्नस्स । जायइ कालावेक्खं उत्तमसंघयणजुत्तस्स ॥१५३७॥ भणियं झाणं संपइ काउस्सग्गं सुणेह भण्णंतं । जं आलोयण-निंदण-गरिहणमाई कायव्वं ॥१५३८।। दुस्सुमिणदुनिमित्ते तहोवसग्गे य देवमाणुसिए । देवाराहणकज्जे काउस्सग्गो करेयव्वो ॥१५३९।। जह कढिणं पि ह मयणं विलाइपज्जलियजलणसंगेण । तह उस्सग्गग्गिगयं विलिज्जए कम्ममयणं पि ।।१५४०।।
जह जलणतावतवियं मुयइ मलं कंचणं बहुमलं पि। तह उस्सग्गग्गिगयं कम्ममलं गलइ जीवस्स ।।१५४१।। भणियं च--
जह करगओ वि कितइ दारुं इंतो पुणो वि बच्चंतो। तह कत्तंति सुविहिया काउस्सग्गेण कम्माई ।। १५४२।। ता एसो सयलुवसग्गवग्गविग्घाणविहडणसमत्थो। काउस्सग्गो उग्गो कम्मक्खयट्टाए कायव्वो ॥१५४३।। अभितरो वि भणिओ तवो तवस्सीण भूसणं परमं। जंचरिऊण सुविहिया वच्चंति अणुत्तरं मोक्खं ॥१५४४।। संपइ भावणमइओ धम्मो भवजलहितरणतरकंडो। भण्णइ ताओ बारस इमाओ इह वक्खमाणाओ ।।१५४५।। सव्वमणिच्चमसरणं संसारो एगया तहन्नत्तं । असुइत्ता सवसंवरकम्माणं निज्जरा नवमा ।।१५४६।। लोगसरूवं बोही धम्मकहीं दुल्लहो जिणो अरहा । एयाओ भावणाओ' भव्वा भाविति न हु अन्नो ॥१५४७।। रज्जं धणं व रूवं जीयं सुहिसयणजोव्वणाईणि । सरयब्भविन्भमाई भवम्मि जीवाण सव्वाणि ॥१५४८॥ जो चेव पहइपालो दमगो सा चेव जायइ खणेण । ता कह रज्जसिरीए रज्जिज्जइ चलसहावाए ॥१५४९।। जे चेव विहववित्थारगव्विया कामभोगदुल्ललिया। विगलियविहवा परपेसणाणि ते चेव कुवंति ।।१५५०।। जणमणनयणाणंदा होउं वररूवधारिणो पुरिसा । वाहि-जर-जज्जरंगा जणंति ते चेव उव्वेयं ॥१५५२।।
१. ओ सूत्तम्मि भणियाप्रो पा० । २. पढममणि पा. ३. या अन्नत्तं पा० ४. इत्तं पासव पा० । ५. संवरो य तह निज्ज पा० । ६. लोग सहावो बोही य दुल्लहा धम्मसाहो अरहा पा० ७. णाप्रो भावयन्वानो जत्तेण पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |