Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 202

सिरिरिसहसामिवण्णणं
पुवण्हे जेण समं विचित्तकीलाहिं कीलियं बहुसो । अवरण्हे रोइज्जइ सो चिय बहुदुक्खभरिएहिं ।।१५५२।। करिकन्नचलं जीयं कुसग्गजलबिंदुचंचलं पेम्म। तडितरलं तारुण्णं मुणिय थिरा सा न कायव्वा ॥१५५३।। एसा संखेवेणं अणिच्चया सव्ववत्थुविसयाओ। कहिया तओ न कत्थइ थिरबुद्धी होइ कायव्वा ॥१५५४॥ चउसट्ठिसहस्सा सुंदरीण बत्तीसनरवरिंदाण । आणानिद्देसकराण कणयवरवद्धमउडाण ॥१५५५।। सोलसजक्खसहस्सा सया वि बटुंति भिच्चभावम्मि । जस्स भरहाहिवइणो मरणंते सो विह असरणो ।।१५५६॥ कीरंति मंगलाई संति कए दिज्जए महादाणं । जति किं करेमो सूहिसयणासविहमल्लीणा ।।१५५७।। मणिमंत-ओसहीओ रक्खाकंडाणि चेव कीरति । वेज्जा विज्जयनिउणा वेज्जयसत्थं पउंजंति ॥१५५८।। हय-गय-रहजोहेहिं य चउरंगबलेण वेढिओ संतो। चउदिसिपेसियअइदीणमरणभयभरियतरलच्छो ।।१५५९।। केणावि अकयरक्खो चक्की वि हु मरइ पेच्छयंताण । सेसाण पुणो रक्खं को काही मणुयमेत्ताण ।।१५६०।। ता सारीरमणो भवसु तिक्खदुक्खेहिं दूमियमणाण । जीवाण नत्थि सरणं अन्नं मोत्तण जिणधम्म ।।१५६१।। राया रंको रंको वि नरवरो होइ तक्खणा चेव । धणवंतो वि दरिदो होइ दरिदो वि धणवंतो॥१५६२।। पुत्तो वि होइ सत्तू सत्तू पुत्तत्तणेण उवणमइ । माया वि होइ घरिणी पिया वि पुत्तो मरेऊणं ॥१५६३।। संसारम्मि अणंते कम्मवसाणंतसो जिया सव्वे । पिइ-माइ-भाइ-भइणी-सूय-सूहि-सुयणत्तणं पत्ता ॥१५६४।। संसारविलसियाइं विरसाइं पए पए निएऊण । पुरिसो सया सयन्नो संसारा को न निविन्नो ॥१५६५।।
एगो जायइ जीवो सुहं च दुक्खं च भुंजई एगो । विविहाए वेयणाए विहुरियहियओ मरइ एगो ॥१५६६।। भणियं च--
अत्यो घरे नियत्तइ सयणजणो पिउवणाओ गंतूण । देहं पि दहइ जलणो जीवो पुण एगओ जाइ ॥१५६७॥ जं पि सरीरं इठें न नेइ सो तं पि परभवे जंतो । पाणसहावो जीवो वच्चइ सव्वं पि मोत्तूण ॥१५६८।। एगत्तभावणा विग्ह नियं भावे वि नाणनिउणेहिं । सयणा सा छड्डिज्जइ विसदिद्धा तिक्खभल्लि व्व ॥१५६९।। अन्नं इमं सरीरं अन्नो जीवो इमाओ देहाओ । इय एसा जस्स मई सोगपिसाओ न तं छलइ ॥१५७०।। सयणा व परियणा वा विवित्तधणधन्नसंचया सव्वे । गिरिनइपूरसमाणा जीवा दच्छंतरा भूया ॥१५७१।। असुइम्मि समुन्भूओ असुइरसेणं च वढिओ गब्भे। जाओ वि सत्तअपवित्तरहिरमंसाइधाउओ ।।१५७२।। सइसित्तो सलिलेणं विलित्तो गोसीस-चंदणरसेण । न हु होइ सुई देहो नवछिद्दमलाविलो जेण ।।१५७३।। एवंविहे वि देहे गेहे सव्वस्स असुइभावस्स । सुइबुद्धी जइ निबुद्धियाण न उणो सुबुद्धीणं ॥१५७४।। हिंसाइएसु पंचसु पंचसु सोयाइएसु अक्खेसु । चउसु कसाएसु तहा जोगेसु य अप्पसत्थेसु ॥१५७५ ।। जीवस्स जा पवित्ती सआसवो संवरो पुण निवत्ती । एएहितो निच्चं सम्मं मण-वयण-काएहि ॥१५७६।। संवरियासवदारो नवं न बंधेइ कम्ममिहजीवो । निज्जरइ पुराणं पि हु तवायणा निज्जरा एसा ।।१५७७।। चोदसरज्जुपमाणो वित्थरओ सत्तरज्जुओ लोओ । पंचत्थिकायमइओ अणाइनिहणो मुणेयव्वो ॥१५७८।। धरणियलाओ समाओ हेट्ठाओ सत्तसमहिया रज्जू । उवरेणं पि हु रज्जू सत्तेब हवंति किंचूणा ॥१५७९।। पुढवीए तमतमाए पएसपयरम्मि सव्वहिट्ठिमए । विक्खंभायामेणं सत्तेव हवंति रज्जूओ ।।१५८०।। तत्तो परिहाणीए रयणीए जाव उवरिमे पयरे। विक्खंभायामेणं पडिपूण्णा एगरज्ज ति।।१५८१।।
१. तक्खणच्चेव जे०। २. कोवि निष्णिो जे७ । ३ भावनाए नि०पा०। ४. दिहातिरसभल्लि जे० ४ सलिलेण वि सित्तो गो० पा०।