Page Text
________________
सिरिरिसहसामिबण्णणं
मायावंसकुडंगी अइगुविलगरुयदोससयमूलं । अज्जव-कुहाडएणं जो छिदइ तस्स सीलंग ।।१४९३।। इच्छावसवटुंतो लोहमहासागरो अइदुरंतो । संतोसतरंडेणं जो तरई तस्स सीलंगं ॥१४९४ ।। भणिओ कसायविजिओ तिदंडविजयं पि संपयं भणिमो । मण-वयण-कायदंडा दुपउत्ता दुक्खसयहेऊ ।।१४९५॥ मणदंडो झायंतो अट्टवसट्टाइं अट्टरोद्दाइं। सम्मं निरंभियव्वो बुहेण सद्धम्मझाणेण ।।१४९६ ।। वायादंडो दुव्वयणफरुसपेसुन्नदुटुवयणेहिं । दूर्मितो सयलजणं विवेइणा निग्गहेयन्वो ।।१४९७।। अनिवारियप्पयारो काओ तत्तायगोलसारिच्छो। सम्मं संजमियन्वो असंजमे संपयÉतो ॥१४९८ ।। सीलमओ वि य धम्मो भणिओ सत्तरसभेयसंभिन्नो। संपइ पूण संखेवो तवो वि सील तयं सुणह ।।१४९९।। सो पुण होइ दुभेओ बाहिरअभितरो जहा कमसो। बाहिरओ छब्भेओ अभितरओ वि छब्भेओ॥१५००। अणसणमूणोयरिया वित्तीसंखेवणं रसच्चाओ। कायकिलेसो संलीणया य बज्झो तवो होइ ।।१५०१।। पायच्छित्तं विणओ वेयावच्चं तहेव सज्झाओ। झाणं उस्सग्गो वि य अभितरओ तवो होइ ॥१५०२।। अणसणकरणं दुविहं इत्तिरियं चेव आवकहियं च। चउ-छट्ठ-अट्ठमाई पढम बीयं तु जा जीवं ।।१५०३।। भणिओ अणसणमइओ बज्झतवो संपयं पुण भणामि। ऊणोयरियं बीयं अणेगभेयं समासेण ।।१५०४।। दत्तीहिं विचित्ताहिं कवलेहि य पंच-अट्ठमाईहिं । भणिया ऊणोयरिया धीरेहि अणंतनाणीहि ।।१५०५।। एगम्मि घरे दोहिउं जं लद्धं अज्ज तेण सारिच्छं । वित्तीसंखेवतवो एसो संखेवओ भणिओ॥१५०६॥ खीराई विगईओ मह-मक्खण-मज्ज-मंसवज्जाओ। एगं व दो वि गिण्हइ असंथरे न उण सव्वाओ॥१५०७॥ विविहरसं आकंठं भुत्तमुदीरेइ मोहमहजइणो। मोहेण मोहिओ पुण कहं अकज्जे न वट्टिहिही ॥१५०८॥ भन्नड कायकिलेसो अण्हाणं भमिसयणसिरलोओ। पडिमाकरणं चित्तं ठाणा वीरासणाईया।।१५०९।। भणिओ कायकिलेसो संपइ संलीणयं निसामेह । कज्जेण विणा कुम्मो व्व होज्ज सव्वंगसंलीणो॥१५१०॥ भणिओ संखेवेणं छब्भेओ बाहिरो तवविसेसो। अभितरं पि संपइ तवं निसामेह छब्भेयं ॥१५१।। न कयं आगमवयणं नाणाइसु जं न वढियं सम्म । तत्थ उ पायच्छित्तं कायव्वं अत्तसुद्धिकए ॥१५१२।। अप्पा जाणइ सम्म अप्पा अप्पेण वंचिओ होइ। जइ न कुणइ पच्छित्तं अप्पा अप्पस्स सहि-सत्तू ॥१५१३।। जणरंजणेण माया धम्मो पुण अप्पसक्खिओ सुद्धो। जं अप्पा पावमलं करेइ तं धुयइ पच्छित्तं ॥१५१४॥ विणओ भण्णइ इण्हि दंसणनाणे य तह य चारित्ते। अरहंते य पवयणे थेर-गिलाणे तवस्सीसु ॥१५१५॥ बाले गुणगरुएसु य एमाइसु साहुणा पयत्तेण । विणओ खलु कायव्वो जं विणया सग्ग-मोक्खाई॥१५१६॥ वेयावच्चं भण्णइ तइयतवो अंतरंगमज्झम्मि । अनिगूहियबल-विरिया कुणन्ति जं साहवो धीरा ।१५१७।। पाहुणगगिलाणाणं गुरूण बालाण खवगसेहाणं। एमाइयाण निच्चं वेयावच्चं करेयव्वं ।।१५१८।। सुत्तचितणाए किलंतगं ताण सूरिपमुहाण। वीसामणाइकज्ज कायव्वं निज्जरढाए ।।१५१९ ।।
ओसहभेसज्जाणि य दलिज्ज दावेज्ज सइबले साहू। जं वेयावच्चकयं न नासए सुहफलं कम्मं ।।१५२०॥ भणियं च--
पडिभग्गस्स मयस्स य नासइ चरणं सुयं अगुणणाए। न हु वेयावच्चकयं सुहोदयं नासए कम्मं ।।१५२१॥ इण्हि सज्झायतवं चउत्थयं सुणह वज्जरिज्जं तं । वायण-पुच्छण-चितण-गुणणणुप्पेहाइपंचविहं॥१५२२।।
१. छिन्नइ पा० । २. तप्पियो जे०। ३. दुपयत्ता पा०। ४. वीरेहि पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |