Page Text
________________
सिरिरिसहसामिवण्णणं
१४७
राईए तईयजामे तइए मासम्मि कुणइ सुहमसुहं । गोसम्मि दसाहेणं दिट्ठो सुमिणं फलं देइ ॥१३०२॥ वाइल्ला पित्तिल्ला बहुचिंता बहुसिलेसया पुरिसा। पेच्छंति जे उ सुमिणे वि तहेवि हु ते वियाणिज्जा ।।१३०३।। समधाऊ धम्मरया परिमिचिंता य जे जिया होति । पाएण ताण सुमिणा वि मुणिय अत्थं पसाहेति ॥१३०४।। दटुं सुदरसुमिणे जिणिंद-कह-वावडो निसन्नेउं । पच्छा फलभरियकरो गुरूण साहिज्ज विणएण ॥१३०५।। निदं पुणो पवज्जसु सुमिणे दळूण मंगुले कह वि । जिणसाहु संथुणणवंदणकाउस्सग्गाणि य करेज्जा ॥१३०६॥
सत्तीए कुणसु तवं जिणिंद-ण्हवणं च साहुपूयं च । दुस्समिणा वि सुसुमिणा होंति फुडं धम्मनिरयाण ॥१३०७।। . इई संखेवेण इमं सुदरसूमिणाण मंगुलाणं च। कहियं फलं मए तुह वित्थरओग्नत्थ जाणेज्जा ।।१३०८।।
तओ सम्माणिऊण पुप्फफलाईहिं दाऊण दविणजायं विसिज्जिओ सुमिणसत्थपाढगो । पमुइयमाणसा गब्भमुन्वहंती दिणाणि अइवाहेइ धणसिरी । उचियसमए पसूया दारयं कयं महावद्धावणयं । सुहि-सयणसमक्खं महामहूसवेण समए पइट्ठावियं नामं 'हारप्पहो' त्ति । इओ य पेसिया पवणपोएण नाणाविहभंडभरिया चत्तारि महापोया। दुनिं सुवण्णदीवे दुन्नि रयणदीवे । कइवयमासेहिं समागओ सुवण्णदीवाओ एगो पच्चइयपुइरिसो । अन्नपवहणेण पुच्छिया पवणपोएणं नियपोयपउत्ती। तेण भणियं--"पत्ताणि खेमेण विक्कियं भंडं गहियं पडिभंडं भरिया दो वि पोया सुवन्नमयइट्टगाणं । अहं पि कुसलनिवेयणट्टा पेसिओ। तं मुणिय पवणपोयस्स भरिओ उयरतिभागो सिरिसमुत्थसामवायस्स । पुणो वि कइवयदिहिं समागओ बीयसुरिसो रयणदीवाओ। तेण वि पवणपोयपुच्छिएण भणियं--"सामि! पत्ताणि कूसलेणं रयणदीवं दो वि जाणवत्ताणि जाओ कयविक्कओ भरियाणि नाणाविहरयणाणं कइवयदिणमज्झे आगमिस्संति ।" तं मुणिय पूरिओ पीओ भागो वि पवणपोयपोट्टस्स सामवाएण ।
अन्नम्मि दिणे वियसियवयणाए बद्धाविओ बीयपुत्तजम्मेण हरिसियाभिहाणाए घरदासीए । तं सुणिय भरियं सव्वं पि पो, सामवायस्स । तओ पम्हट्ठो अप्पासिरिसमत्थाहंकारचोरेण अवहरियं मणरयणं महागहगहिओ विव असमंजसाणि पलविउमारखो।
भो धणय ! भणसु सव्वं पयडाओ तुज्झ सव्वरिद्धीओ। जइ पवणपोयसरिसो दिट्ठो पुहईए धणवंतो ।।१३०९।। अन्नो वि कह उ कोई जयपयडं अंगुली इमाओब्भा। जइ पवणपोयसरिसो धणवं महिमंडले अत्थि ॥१३१०॥ एगत्तो हिमवंतो अन्नत्तो पवणपोयपुण्णभरो। समभारभरक्कंता तेण न पल्हत्थए पुहई ॥१३११॥
जो जो य समागच्छइ तस्स पुरओ इमं चेव पढइ । तओ 'गहगहिओ'त्ति काऊण समाउलीभूओ धणसिरीपमुहपरियणो । समाहूया वेज्जा । संदसिओ मंत-तंत-वियक्खणाण ताण वि पुरओ तं चेव पढइ । तओ तेहिं रहसि पुन्छिया धणसिरी रोगकारणं । तओ तीए कहिओ जाणवत्तागमणपुत्तजम्मवइयरो । तेहिं वि सुइरं चिंतिऊण मुणियवत्थुपरमत्थेहिं पयंपियं जहेस लच्छिसमुच्छेयावहरियमाणसो एवमसमंजसाणि पलवइ ता एत्थ दरिघोसही चेव ओसहं भणियं च-- जे भग्गा विहवसमीरणेण वंकं कुणंति गइपसरं । ते नूणं दालिद्दोसहीहिं परिपन्न विज्जति ॥१३१२।।
एवं विभाविऊणं धणसिरीए समं कारिओ तेहिं कूडलेहवाहगो । सिक्खविओ य जहा-'तए पवणपोयपुरओ इमं इमं च वत्तव्वं । सो वि तहेव पडिवज्जिऊण गहियलेहो थेवंतरं गंतूण समागओ। मिलिओ पवणपोयस्स दंसिओ
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |