Page Text
________________
जुगाइजिणिद-चरियं
चामराओ । पंचमेणं वज्जपाणीपुरओ धावइ । तए णं निय निय परिवारसंपरिवुडे ताए दिव्वाए देवगईए जेणेव सामिस्स माया तेणेव उवागच्छइ उवागच्छित्ता तित्थयरपडिरूवगं साहरइ सामी माऊए पासे ठवेइ ओसोवणि पडिसाहरइ, एगं महरिहं खोमजयलं कुंडलजुयलं च सामिस्स ऊसीसगमूले ठवेइ ठवित्ता एग महरिहं सिरिदामगंडं तवणिज्जज्जलं सूवन्नपयरगमंडियं नाणामणि-विविहरयण-हारद्धहार-सोयिं सामिस्स उल्लोयंसि निक्खिवइ । जन्नं सामी पेहमाणे पेहमाणे सुहं सुहेणं अभिरममाणे अभिरममाणे चिट्ठइ ।।
तएणं से सक्के वेसमणं आणवेइ--"खिप्पामेव भो! बत्तीसं हिरनकोडीओ, बत्तीसं सूवन्नकोडीओ, बत्तीसं रयणकोडीओ, बत्तीसं नंदाइं, बत्तीसं भद्दाई, आसणविसेसरूवाइं अन्नं पि वत्थाहरणाईयं संसारसुहनिबंधणं धणं भगवओ जम्मणभवणंसि साहराहि ।” सो वि जंभगदेवेहिं सव्वं साहरावित्ता सक्कस्स साहेइ । तए णं सक्के आभिओगिए देवे सहावित्ता एवं वयासी-"खिप्पामेव भो! महया महया सद्देणं उग्घोसेमाणा उग्घोसेमाणा एवं वयह । -"हंदि ! सुणंतु भवंतो बहवे भवणवइ-वाणमंतर-जोइस-वेमाणिया देवा देवीओ य जे णं देवाणप्पिया! केई भगवओ तित्थयरस्स तित्थयरमाउयाए वा असूहं मणं संपहारेइ तस्स णं अज्जगमंजरिया इव सयहा मुद्धाणं फुट्टउ त्ति कट्ट घोसणं घोसेह, ते वि तहेव करित्ता सक्कस्स एयमाणत्तियं पच्चप्पिणंति ।
तए णं ते बहवे भवणवइ-वाणमंतर-जोइस वेमाणिया देवा भगवंतं तित्थयरं तित्थयर-जम्माभिसेएणं अभिसिंचित्ता मंदराओ चेव नंदीसरवरं गया । सक्को वि जिणिंदमंदिराओ नंदीसरमागओ । तए णं से सक्के देविंदे देवराया पुरत्थिमिल्ले अंजणगपव्वए सासय-जिणभवणेसु सासयजिणपडिमाणं अट्टाहियं महामहिमं करेइ । तए णं सक्कस्स चत्तारि लोगपाला चउसुदहिमुहपव्वएसु अट्ठाहियाओ महामहिमाओ करेंति । एवं ईसाणे देविदे देवराया उत्तरिल्ले अंजणगपव्वए अट्टाहियं महामहिम करेइ । तस्स लोगपाला चउसु दहिमुहपव्वएसु। चमरो वि दाहिणिल्ले अंजणगपव्वए महामहिम करेइ । तस्स लोगपाला चउसु वि दहिमुहपव्वएसु अट्ठाहिया महामहिम करेंति । बली पच्छिमिल्ले अंजणगपव्वए, अट्टाहिया महामहिम करेइ । तस्स लोगपाला चउसु दहिमुहपव्वएसु जिणपडिमाणं पूर्व करेंति । तए णं ते बहवे भवणवइ वाणमंतर-जोइस-वेमाणियसुरसामिपमुहा देवा य देवीओ य नंदीसरवरे सासयजिणपडिमाणं अदाहिया महामहिमं करेत्ता जामेव दिसि पाउन्भूया तामेव दिसि पडिगय त्ति ।
इय वद्धमाणसूरीहिं विरइयरिसहनाहचरियम्मि जिणजम्मणकल्लाणो बीयहिगारो परिसम्मत्तो ।
रिसहनाहस्स नाम-वंसठवणं . अन्नया कयाइ भगवओ अम्मापियरो उचियसमए सव्वसमिद्धीए ऊरुसु वसभो लंछणं सुमिणेसु वा मरुदेविसामिणीए पढम उसभो दिट्ठो त्ति तेण उसहो त्ति नामं करेंति भगवओ उसभस्स गिहवासे असक्कओ आहारो आसि । सव्वे वि तित्थयरा बालभावे जया तण्हाइया छुहाइया भवंति तया अप्पणो अंगुलिं वयणे पक्खिवंति । तत्थ देवा सव्वभक्खे परिणामयंति' एस बालभावे आहारो सव्वेसि पि जिणवराणं न ते थणं धाति पच्छा महंती भूया सिद्धमेव भुंजंति । उसहस्स पुण सव्वकालं देवा उवणेयाइया उत्तरकुरुफलाणि जाव पव्वइओ। कि च तित्थयरमायरो पच्छन्नगम्भाओ हवंति, जायमाणेसु य तित्थयरेसु जररुहिरकलमलाईणि न भवति ।
जाहे देसूणं वासं जायस्स भगवओ रिसहनाहस्स ताहे सक्कस्स इच्छा जाया--"जीयमेयं तीयपडुप्पन्नमणागयाणं सक्काण देविदाणं पढमतित्थयराणं वंसठवणं करेत्तए, त्ति" कट्ट सक्को समागओ। पच्छा 'किह रिक्कहत्थो पविसामि' १. पणामिते जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |