Page Text
________________
रिसहनाहस्स विवाहो
त्ति, महप्पमाणाओ इखुलट्ठीओ गिण्हइ । इओ य नाहिकुलगरो उसहसामिणा अंकगएणं अच्छइ । सक्को समागओ जय जयसई पउंजइ । भगवया इक्खुलट्ठीसु दिट्ठी पाडिया, ताहे सक्केण भणियं--"किं भगवं! 'इक्ख अगु-भक्खेसि?" त्ति जं वुत्तं भवइ । ताहे सामिणा पसत्थलक्खणधरो अलंकियविभूसिओ दाहिणहत्थो पसारिओ । अईव तम्मि हरिसो जाओ भगवंतस्स । तए णं सक्कस्स देविंदस्स अयमेयारूवे अज्झथिए पत्थिए मणोगए संकप्पे समुप्पत्थिज्जा--"जम्हा णं तित्थयरो इक्ख अहिलसइ तम्हा इक्खागुवंसो भगवओ वंसो हवउ ।” एवं वंसठवणं काऊण गओ । अन्ने वि त कालं खत्तिया इक्खुरसं पियाइया तेण इक्खागवंसा जाया । पुविल्लगा वि भगवओ इक्खुरसं भुजंतगा तेण गोत्तं कासवं ति । इक्खू य तया छिण्णा विद्धा वा धाराहिं रसं गलंतगाइओ य । भगवं सुमंगलाए भगिणीए सद्धि सुहं सुहेणं विहइइ।
रिसहनाहस्स विवाहो--
तेणं कालेणं तेणं समएणं एगस्स मिहुणस्स मिहुणगं जायं, तं ताणि तालरुक्खस्स हेढा ठावेऊण अभिरमंति कयलीघरगाइसु । तओ य तालरुक्खाओ तालफलं पक्कं समाणं वाएण आहयंतस्स दारगस्स उरि पडियं । तेण सो अकाले चेव जीवियाओ ववरोविओ। ताहे तं मिहणगं तं एक्कल्लियं दारियं किं चि कालं संवडढेऊण पयणपेम्मदोसं तं उज्झिऊण मयं । सा य अईव उक्किट्ठसरीरा देवकन्नगा विव तेसु वणंतरेसु जहा णवदेवया तहा वियरई' । तं च एक्कल्लियं दारियं दट्ठ कइ पुरिसा नाभिस्स साहति । ताहे नाभी तं दारियं गहाय भणइ-"उसभस्स भारिया भविस्सइ ति ।" सयमेव संगोवेमाणो विहरइ । ताहे सामी ताहिं दोहिं दारियाहिं समं वड्ढइ । सो य पुण भगवं पूवजाईसरो । ति-नाणोवगओ उम्मुक्कबालभावो जोयणत्थो जाओ।
तए णं सक्कस्स संकप्पो जाओ-"जीयमेयं तीयपडुपन्नमणागयाणं सक्काणं पढमतित्थयराणं विवाहकम्म करित्तए त्ति । एवं संपेहेइ संपेहिता महया रिद्धिसक्कारसमुदरणं सिग्यमेव समागओ । ताहे उसभस्स भगवओ सयमेव सक्को वरकम्मं करेइ । तं जहा-पमक्खणग-ण्हाण-गीय-वाइयपुरस्सरं सव्वं वरकम्मं अप्पणा करेइ । तासि पुण दारियाणं सक्कग्गमहिसीओ महया रिद्धिसक्कारसमुदएणं बहुकम्ममकरिसु । तओ महाविभूतीए भगवओ विवाहं काऊण जामेव दिसि पाउन्भूओ सक्को तामेव दिसि पडिगओ ।
तओ जाहेव पुव्वसयसहस्सो उसभो जाओ ताहे सुमंगलाए बाहू य पीढो य अणुत्तरेहितो चइऊण मिहुणगं जायं । भरहो बंभी य, सुनंदाए पुण सुबाहू य । महापीढो य जुयलयं पच्चाजायं, बाहुबली सुंदरी य । तए णं सा सुमंगला देवी अन्नाणि एगूणपन्नपुत्तजुयलाणि पसवइ । ते य कुमारा देवकुमारो व्व निरुवमरूवाइगुणगणसंगया संवड्ढंति । इओ य ते मिहणगा कालदोसेग हक्काराइयं दंडनीइं अइक्कमिउमारद्धा । ताहे३ भगवंतं नाणविन्नाणाइगुणब्भहियं पुव्वजाईस्स' च नाऊण उवट्रायंति विन्नवंति य--"भयवं! जा सा दंडाइया नीई तं मिहुणगा न पालिति तं इयाणि किं कीरउ?" ताहे भगवं ते पनवेइ-जहा “मज्जायाइक्कम कुणंताणं राया दंडं करेइ ।" ते पुच्छंति--"केरिसो राया भवइ?" सामी आह-"जहा रनो कुमारामच्चादंडा-भडा-भोइया-आरक्खया-आसा-हत्थी-रहा-पायत्ताणीयं च हवइ ताहे तस्स उग्गा दंडनीई हवइ । तयाणं च न कोइ लंघेइ । सो य रायाभिसेएणं अभिसिच्चइ । ताहे तेहिं मिहुणगनरेहिं भणियं-- "तुम्भे चेव अम्ह रायाणो त्ति ।" भगवया भणियं-'नाहिकुलगरं गंतूण मग्गेह । ते वि गंतूण नाहिं जायंति । नाहिणा भणियं--'अहं महल्लो, गच्छह तुब्भे उसहं रायाणं ठवेह । ‘एवं होउ'त्ति भणिऊण गया मिहुणगा पउमसरं । पोमिणिपत्तपुडगेहिं पाणियं गहाय जाव आगच्छंति । एत्थंतरे सक्कस्स आसणं चलइ । ओहिणा नाऊण सलोगपालो सविड़ढीए समागओ। तओ महया महया रायाभिसेएणं अभिसिचइ । जत्तिओ य रायारिहो मउडाइओ अलंकारो सो सव्वो उवणीओ। देवदूसाणि य नियंसाविओ । एवं च भगवं रायाभिसेएण अभिसित्तो । नियतेयंतरियतरणितेओ निरुवमसोहो अच्छा १. विहरति पा० । २. तेहिं दोहिं पा० । ३. भयवनाणवि पा० । ४. ईसरणं च पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |